You are currently viewing የደብረ ዕንቁ ልደታ ለማርያም ቤተ ክርስቲያን ሰበካ ጉባኤ “ለመስቀሉ እሮጣለሁ” በሚል ያዘጋጀውን የሩጫ መርሐግብር ፈቃድ ቢጠይቅም ከከተማ አስተዳደሩ ምላሽ እየተሰጠው አለመሆኑን ገለፀ። አማ…

የደብረ ዕንቁ ልደታ ለማርያም ቤተ ክርስቲያን ሰበካ ጉባኤ “ለመስቀሉ እሮጣለሁ” በሚል ያዘጋጀውን የሩጫ መርሐግብር ፈቃድ ቢጠይቅም ከከተማ አስተዳደሩ ምላሽ እየተሰጠው አለመሆኑን ገለፀ። አማ…

የደብረ ዕንቁ ልደታ ለማርያም ቤተ ክርስቲያን ሰበካ ጉባኤ “ለመስቀሉ እሮጣለሁ” በሚል ያዘጋጀውን የሩጫ መርሐግብር ፈቃድ ቢጠይቅም ከከተማ አስተዳደሩ ምላሽ እየተሰጠው አለመሆኑን ገለፀ። አማራ ሚዲያ ማዕከል/አሚማ ሚያዝያ 29 ቀን 2014 ዓ.ም አዲስ አበባ ሸዋ የደብረ ዕንቁ ልደታ ለማርያም ቤተ ክርስቲያን ሰበካ ጉባኤ ጽ/ቤት ሚያዝያ 29/2014 ባወጣው መግለጫ በደብሩ ይዞታ ላይ ለሚያስገነባው የመስቀል ፕሮጀክት የገቢ ማሰባሰቢያና የግንዛቤ ማስጨበጫ የሩጫ መርሐ ግብር እንዲፈቀድለት ከጥቅምት 7 ቀን 2014 ዓ.ም ጀምሮ ለአራተኛ ጊዜ በአዲስ አበባ ሀገረ ሰብከትና በሰበካ ጉባኤው አማካይነት ቢጠይቅም የከተማ አስተዳደሩ ምንም አይነት ምላሽ እየሰጠ አለመሆኑን አስታውቋል። ሚያዝያ 2 ቀን 2014 ዓ.ም የሩጫ መርሐግብሩን ለማካሄድ ዕቅድ ተይዞ የአዲስ አበባ ከተማ ፖሊስ ኮሚሽን በይፋዊ የፌስቡክ ገፁ ባሰራጨው መረጃ መርሐግብሩ ያልተፈቀደ መሆኑን በመግለፁ ሕዝበ ክርስቲያኑ መጉላላት ላይ እንዳይወድቅ ስንል መርሐግብሩን ለማዘዋወር ተገድደን ነበር ያለው ሰበካ ጉባኤው መርሐግብሩን ለሚያዝያ 30 ለማድረግ እቅድ ይዞ እንደነበር አውስቷል። ተደራራቢ መርሐግብር መኖሩን ተከትሎም ለመጨረሻ ጊዜ መርሐግብሩን ግንቦት 7 ቀን 2014 ዓ.ም ለማድረግ በመወሰን የከተማ አስተዳደሩን በደብዳቤ ጠይቀን እየተመላለስን ብንገኝም የከንቲባ ጽ/ቤቱ የሰጠን አዎንታዊም ሆነ አሉታዊ ምላሽ የለም ነው ያለው ሰበካ ጉባኤ ጽ/ቤቱ። የከተማ አስተዳደሩ አስቸኳይ ምላሽ እንዲሰጥ የጠየቀው ሰበካ ጉባኤው መንግስት መብታችንን የሚነፍግ እንቅስቃሴ የሚያደርግ ከሆነ ዐቢይ ኮሚቴው የቤተ ክርስቲያኗን ክብር ፣ የምዕመኑን መብት በሚመጥን መዋቅሩን በመከተል ለሚመለከተው ሁሉ ለማቅረብ የሚገደድ መሆኑን ነው የገለፀው። ተዋሕዶ ሚዲያ ማዕከል እንደዘገበው።

Source: Link to the Post

Leave a Reply