You are currently viewing የጀግናው ኮማንዶ ሻምበል መማር ጌትነት ስርዓተ ቀብር በትውልድ ቦታው መርዓዊ ተፈፀመ! ጥቅምት 27 ቀን 2015 ዓ.ም አሻራ ሚዲያ ፣ ባህርዳር በሰኔ 15 የአማራ ክልል አመራሮች ግድያ  ተጠ…

የጀግናው ኮማንዶ ሻምበል መማር ጌትነት ስርዓተ ቀብር በትውልድ ቦታው መርዓዊ ተፈፀመ! ጥቅምት 27 ቀን 2015 ዓ.ም አሻራ ሚዲያ ፣ ባህርዳር በሰኔ 15 የአማራ ክልል አመራሮች ግድያ ተጠ…

የጀግናው ኮማንዶ ሻምበል መማር ጌትነት ስርዓተ ቀብር በትውልድ ቦታው መርዓዊ ተፈፀመ! ጥቅምት 27 ቀን 2015 ዓ.ም አሻራ ሚዲያ ፣ ባህርዳር በሰኔ 15 የአማራ ክልል አመራሮች ግድያ ተጠርጥሮ በህግ ሲፈለግ የነበረው ሻምበል መማር ጌትየት ስርዓተ ቀብሩ ዛሬ በመርዓዊ ከተማ ተፈፅሟል ። ከሰሞኑ ሻምበል መማር ጌትነት በአሰቃቂ ሁኔታ ግድያ መፈፀሙን በማህበራዊ ድህረ ገፆች ሲዘዋወር መቆየቱንና በሰኔ 15ቱ ጉዳይ በወንጀል ሲፈለግ እንደነበርና በድሬዳዋ በቁጥጥር ስር ከዋለ በኋላ ወደ ሁመራ ተወስዶ እንደታሰረ እና በኋላም በጋይት ማረሚያ ቤት ውስጥ ታስሮ እንደነበር መረጃዎች ሲወጡ የሰነበተ ቢሆንም ቤተሰቦቹ ስለጉዳዩ በዝርዝር የሚያቁት ነገር እንደሌለ ለአሻራ ተናግረዋል። ከአሁን በፊት በሰኔ 15ቱ የአማራ ክልል ከፍተኛ አመራሮች ግድያ በወንጀል ተጠርጥሮ መፈለጉን እንጂ በህግ ጥላ ስር ስለመቆየቱ ያገኙት መረጃ እንደሌለ አረጋግጠዋል። ሻምበል መማር በወታደራዊ ዲስፕሊን ታንፆ አገሩን ከ20 ዓመት በላይ ማገልገሉ የሚገባው ሽልማት እንጂ በአስነዋሪ ኢሰብዓዊ ግድያ መፈፀሙ የአገር ውርደትን እንጂ የሚያመጣው ትርፍ የለም ብለዋል ቤተሰቦቹ። አገዳደሉም በከፍተኛ ደረጃ ተደብድቦ አካሉ በቢለዋ ተወጋግቶና ተሰቃይቶ የእጆቹና የእግሮቹ ጣቶች ተቆራርጠው፣ አይኑን አፍስሰው በአሰቃቂ ሁኔታ መገደሉን አስከሬኑ ያሳያል ብለዋል። ከገደሉት በኋላ ወደ ሰሜን ወሎ መቄት ወረዳ ፍላቂት የሚባል ቦታ ውስጥ የጣሉት ሲሆን በመቄት የወረዳ መንግስት አማካኝነት አስከሬኑ ተነስቶ ገብርኤል ቤተክርስቲያን ተቀብሮ የነበረ ቢሆንም በቤተሰቦቹ እና ትንታግ የመርዓዊ ወጣቶች ብርቱ ጥያቄ አስከሬኑ ከተቀበረበት ቦታ በክብር ተነስቶ ወደ ባህርዳር ፈለገ ህይወት ሆስፒታል የአስከሬን ምርመራ ከተደረገ በኋላ በመርዓዊ ቅድስት ማርያም ቤተ ክርስቲያን በጀግና የወታደራዊ ትርኢት ታጅቦ ስርዓቱ ቀብሩ ተፈፅሟል። አሻራ ሚዲያ ሙሉ ዝግጅቱን በቦታው በመገኘት የዘገባ ሽፋን የሰጠ ሲሆን ሙሉ ስነ ስርዐቱን በአሻራ ዩትዩብ ቻናል እናቀርባለን ። ለቤተሰቦቹና ለጓደኞቹና ወዳጅ ዘመዶ መፅናናትን እንመኛለን ! ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply