የገቢዎች ሚኒስቴር አመራሮች እና ሰራተኞች የደም ልገሳ አደረጉ የአማራ ሚዲያ ማእከል ሕዳር 1 2013 አ/ም በትግራይ ክልል ህግ በማስከበር ዘመቻ ላይ የሚገኙ የመከላከያ ሰራዊት ፣የአማራ ል…

የገቢዎች ሚኒስቴር አመራሮች እና ሰራተኞች የደም ልገሳ አደረጉ የአማራ ሚዲያ ማእከል ሕዳር 1 2013 አ/ም በትግራይ ክልል ህግ በማስከበር ዘመቻ ላይ የሚገኙ የመከላከያ ሰራዊት ፣የአማራ ልዩ ሀይል እና ፋኖን ለመደገፍ የገቢዎች ሚኒስቴር አመራሮች እና ሰራተኞች የደም ልገሳ እያደረጉ ይገኛል:: ከ200 በላይ የተቋሙ ሰራተኞች በበጎ ፍቃድ ደም የለገሱት በግዳጅ ላይ ለሚገኙ የፀጥታ አካላት ከጎናቸው መሆናቸውን ለማሳየት በማለም መሆኑ ተገልጿል ። የገቢዎች ሚኒስትር አቶ ላቀ አያሌው እንደተናገሩት የሀገርን ሉዓላዊነት እና ክብር በማስጠበቅ ህግ በማስከበር ላይ ለሚገኘው የመከላከያ ሰራዊት በዚህ ወቅት ደም በመለገስ አጋርነትን በተግባር ለማሳየት የልገሳ መርሃ ግብር መከናወኑን ተናግረዋል:: ደም መለገስ የህይወት ስጦታ በመሆኑ ህይወቱን ሳይሳሳ ለሀገሩ ለመክፈል ከተሰለፈው ጀግና ሰራዊት ጎን በዚህ ተግባር አጋርነትን በማሳየት አብሮ መቆም ይገባልም ብለዋል ሚኒስትሩ:: ደም እየለገሱ የሚገኙት ሰራተኞችም መንግስት በአጥፊው የህወሃት ቡድን ላይ እየወሰደ ያለውን እርምጃ እንደሚደግፉ ገልፀዋል:: መላው የኢትዮጵያ ህዝብም በሚችለው ሁሉ ከፀጥታ ሀይሉ ጎን እንዲሰለፍም ጥሪ አቅርበዋል ሲል ፋና ዘግቧል።

Source: Link to the Post

Leave a Reply