የገዳ ስርዓት አበርክቶዎች ላይ ያተኮረ ኮንፈረንስ እየተካሄደ ነው

የገዳ ስርዓት አበርክቶዎች ላይ ያተኮረ ኮንፈረንስ እየተካሄደ ነው

አዲስ አበባ፣ ጥቅምት 20፣ 2013 (ኤፍ.ቢ.ሲ) የገዳ ስርዓት አበርክቶዎች ላይ ትኩረቱን ያደረገ ዓለም አቀፍ ኮንፈረንስ እየተካሄደ ነው።

በቡሌ ሆራ ዩኒቨርሲቲ እየተካሄደ ያለው ኮንፈረንስ በቡሌ ሆራ ዩኒቨርሲቲ የገዳ እና የባህል ኢኒስቲቲዩት የተዘጋጀ ነው፡፡

በኮንፈረንሱ ላይ የኦሮሚያ ክልል ባህልና ቱሪዝም ቢሮ ኃላፊ አቶ ከበደ ዴሲሳን ጨምሮ ሌሎች የስራ ኃላፊዎች፣ አባ ገዳዎች እና የሚመለከታቸው አካላት ተገኝተዋል።

በመድረኩም የገዳ ስርዓት በዴሞክራሲ ስርዓት ግንባታ፣ በሰላም እና በአፍሪካ ህዳሴ ላይ በሚኖረው ድርሻ ዙሪያ ምክክር እየተደረገ ነው።

የኦሮሚያ ክልል ባህልና ቱሪዝም ቢሮ ኃላፊ አቶ ከበደ ዴሲሳ በመድረኩ ላይ ባደረጉት ንግግርም፥ የገዳ ስርዓት የዴሞክራሲ መሰረት መሆኑን አንስተዋል።

የቡሌ ሆራ ዩኒቨርሲቲ የገዳ ስርዓት እና ሰላም ትምህርትን እስከ ሶስትኛ ዲግሪ በመስጠት ላይ እንደሚገኝ ከዩኒቨርሲቲው ያገኘነው መረጃ ያመለክታል።

ከቀጣዩ ዓመት ጀምሮም የገዳ ስርዓት እና ሰላም ዘርፍ የፕሮፌሰርነት ማዕረግ የመስጠት እቅድ እንዳለው የዩኒቨርሲቲው ፕሬዚዳንት ዶክተር ጫላ ዋታ አስታውቀዋል።

The post የገዳ ስርዓት አበርክቶዎች ላይ ያተኮረ ኮንፈረንስ እየተካሄደ ነው appeared first on Welcome to Fana Broadcasting Corporate S.C.

Source: Link to the Post

Leave a Reply