You are currently viewing የጋዜጠኛ ታምራት ነገራ የምርመራ መዝገብ ወደ አስቸኳይ ጊዜ አዋጅ ተዘዋወረ። አማራ ሚዲያ ማዕከል/አሚማ  ታህሳስ 21 ቀን 2014 ዓ.ም       አዲስ አበባ ሸዋ ፖሊስ ተጨማሪ የጊዜ ቀጠሮ…

የጋዜጠኛ ታምራት ነገራ የምርመራ መዝገብ ወደ አስቸኳይ ጊዜ አዋጅ ተዘዋወረ። አማራ ሚዲያ ማዕከል/አሚማ ታህሳስ 21 ቀን 2014 ዓ.ም አዲስ አበባ ሸዋ ፖሊስ ተጨማሪ የጊዜ ቀጠሮ…

የጋዜጠኛ ታምራት ነገራ የምርመራ መዝገብ ወደ አስቸኳይ ጊዜ አዋጅ ተዘዋወረ። አማራ ሚዲያ ማዕከል/አሚማ ታህሳስ 21 ቀን 2014 ዓ.ም አዲስ አበባ ሸዋ ፖሊስ ተጨማሪ የጊዜ ቀጠሮ አያስፈልገኝም ጉዳዩ ወደ አስቸኳይ ጊዜ አዋጅ ይዘዋወር በማለቱ የጋዜጠኛ ታምራት ነገራ የምርመራ መዝገብ ተዘግቷል። ፖሊስ ከ14 ቀን በፊት ተጨማሪ የምርመራ ጊዜ መጠየቁን ተከትሎ ለታህሳስ 21 ቀን 2014 ተለዋጭ ተቀጥሮ ተሰጥቶት የነበረው ጋዜጠኛ ታምራት ነገራ ፍርድ ቤት ቢቀርብም መርማሪ ፖሊስ ተጨማሪ የጊዜ ቀጠሮ አያስፈልገኝም የምርመራ መዝገቡም ይዘጋ ሲል ፍርድ ቤቱን በመጠየቁ የገላን ከተማ ወረዳ ፍርድ ቤት መዝገቡን ዘግቶ ጉዳዩም ወደ አስቸኳይ ጊዜ አዋጅ እንዲተላለፍ ወስኗል። በኦሮሚያ ልዩ ዞን የገላን ከተማ ወረዳ ፍርድ ቤት ከ14 ቀን በፊት ጋዜጠኛ ታምራትን ለታህሳስ 21/2014 ዓ.ም መቅጠሩ የሚታወስ ነው። የጋዜጠኛው ጠበቃ የደንበኛቸው የዋስ መብት እንዲጠበቅ ጠይቀው ፍርድ ቤቱም የተጠየቀውን የዋስ መብት ፋይል መክፈት እንዲችል ፈቅዶ የምርመራ መዝገቡን ዘግቷል። የተራራ ኔትዎርክ ዋና አዘጋጅ ጋዜጠኛ ታምራት ነገራ ከአዲስ አበባ ፖሊስ ተላልፎ በኦሮሚያ ክልል ገላን ከተማ ፖሊስ መምሪያ ከታህሳስ 01/2014 ዓ.ም ጀምሮ በእስር ላይ እንደሚገኝ ይታወሳል። ጋዜጠኛው ከቤቱ ከተወሰደ የመጀመሪያዎቹ 7 ቀናት የት እንዳለ ሳይታወቅ ቆይቶ ከ7ቀን በኋላ ፍርድ ቤት መቅረቡ አይዘነጋም። ታህሳስ 01/2014 ዓ.ም ከጠዋቱ 4:30 ገደማ ወደ ሶስተኛ ፖሊስ ጣቢያ ለጥያቄ ትፈለጋለህ ተብሎ እንደተወሰደ ቤተቦቹ መናገራቸው የሚታወስ ነው። ይሁን እንጅ ጋዜጠኛ ታምራት መጀመሪያ ወደ ሶስተኛ ፖሊስ ጣቢያ ቢወሰድም ከፌደራል ፖሊስ ወደ ኦሮሚያ ፖሊስ እንደተዛወረም ታውቋል ሲል የዘገበው ተራራ ኔትዎርክ ነው። በተመሳሳይ የጋዜጠኛ መዓዛ መሀመድ የክስ ጉዳይም ፖሊስ በደብዳቤው ለፌሰራል የመጀመሪያ ደረጃ ፍ/ቤት አራዳ ምድብ ችሎት ታህሳስ 19 ቀን 2014 እንዳስታወቀው ወደ አስቸኳይ ጊዜ አዋጅ መቀየሩን አሚማ መዘገቡ አይዘነጋም።

Source: Link to the Post

Leave a Reply