You are currently viewing የግጭት ጠማቂዎችን «በቃችሁ» የሚል መንግስት እንሻለን! አቶ ክርስቲያን  ታደለ።   ባህርዳር ።  ሚያዚያ 20/2014/                          አሻራ ሚዲያ  በተለያዩ አካባ…

የግጭት ጠማቂዎችን «በቃችሁ» የሚል መንግስት እንሻለን! አቶ ክርስቲያን ታደለ። ባህርዳር ። ሚያዚያ 20/2014/ አሻራ ሚዲያ በተለያዩ አካባ…

የግጭት ጠማቂዎችን «በቃችሁ» የሚል መንግስት እንሻለን! አቶ ክርስቲያን ታደለ። ባህርዳር ። ሚያዚያ 20/2014/ አሻራ ሚዲያ በተለያዩ አካባቢዎች በጸረ ሕዝብና አገር ጠል ኃይሎች ማንነትን መሰረት አድርጎ በሚፈጸም ጥቃት ሰላሟ ተናግቶ አገራዊ አንድነታችን ብርቱ ፈተና ውስጥ ገብቶ በሚገኙባት አገር ላይ የኃይማኖት ፖለቲካ ሲጨመርበት በውጤት ደረጃ እንኳንስ እንደቡድን፥ እንደግለሰብ እንኳን ሁላችንም የመኖር ዋስትናን የሚነፍግ ውጤትን የሚያስከትል ነው። በጎንደር ከተማ የተፈፀመውን ነውር አውግዘን ዘወር ከማለታችን በተለያዩ አካባቢዎች በተለይ ደግሞ በስልጤ ዞን ወራቤ ከተማ በቤተክርስቲያንና በክርስትና ኃይማኖት ተከታዮች ላይ ነውርን በነውር የመመለስ አስፀያፊ ድርጊቶች መፈፀማቸውን ስንሰማ ተጨማሪ ኃዘንን ፈጥሮብናል። በኢትዮጵያ የሚገኙ ቤተ እምነቶች የሁላችን የጋራ ማንነቶችና ማጌጫዎች እንጂ ለማንም በተናጠል በግል ንብረትነት የተመዘገቡ አንጡራዎች አይደሉም። በጭካኔ የተጎዱ ወገኖቻችንም የሁላችንም እኩል ወገኖች ናቸው። ከዚህ ውጭ ያለው ሁሉ ድብቅ ፍላጎትን ለማስፈፀም የሚደረግ መውተርተር እና መርጦ አልቃሽነት ዘላቂ መፍትሔን ሊያመጣ አይችልም። አገራችንንና ሕዝባችንን የምንወድ ሁሉ ከመርጦ አልቃሽነትና ከግጭት ማባባስ ወጥተን ለሁሉም ወገኖቻችን መሰል ነውሮችን ያለ አንዳች ምሕረት ልንታገል ይገባል። ትናንታችንንና ዛሬያችንን ምስቅልቅሉን አውጥተው ነጋችንን ከናካቴው ለማጨለም የሚሹ የግጭት ጠማቂዎች ላይ መንግስት አስፈላጊውን እርምጃ በመውሰድ ውጤቱን ለሕዝብ ይፋ ሊያደርግ ይገባል። የኃይማኖት ተቋማት አመራሮችም፥ ሁሉም የሚኖረው አገርና ሕዝብ ሲኖር ነውና፥ አማኞቻችሁ ወደ ሰላምና መረጋጋት እንዲመጡ ተገቢውን አባታዊ ሚና መወጣት ይኖርባችኋል። ሕዝባችን ሰላሙን የሚያደፈርሱ፣ ሕይወቱንና የነገ ተስፋውን ለማጨለም የሚንቀሳቀሱ የፖለቲካ ነጋዴዎችንና የግጭት ጠማቂ መርጦ አልቃሾችን ውስጣዊ አንድነቱን በማጠናከር እንዲታገል ጥሪዬን አቀርባለሁ።

Source: Link to the Post

Leave a Reply