You are currently viewing የጎንደር ዩኒቨርሲቲ ሴኔት ለዶ/ር ኢሌኒ ገብረ መድኅን ሰጥቶት የነበረውን የክብር ዶክትሬት ዲግሪ እንዲሰረዝ ወሰነ የአማራ ሚዲያ ማእከል ህዳር 21 2014 ዓ/ም  አዲስ አበባ ኢትዮጵያ የጎ…

የጎንደር ዩኒቨርሲቲ ሴኔት ለዶ/ር ኢሌኒ ገብረ መድኅን ሰጥቶት የነበረውን የክብር ዶክትሬት ዲግሪ እንዲሰረዝ ወሰነ የአማራ ሚዲያ ማእከል ህዳር 21 2014 ዓ/ም አዲስ አበባ ኢትዮጵያ የጎ…

የጎንደር ዩኒቨርሲቲ ሴኔት ለዶ/ር ኢሌኒ ገብረ መድኅን ሰጥቶት የነበረውን የክብር ዶክትሬት ዲግሪ እንዲሰረዝ ወሰነ የአማራ ሚዲያ ማእከል ህዳር 21 2014 ዓ/ም አዲስ አበባ ኢትዮጵያ የጎንደር ዩኒቨርሲቲ ሴኔት ለዶ/ር ኢሌኒ ገብረ መድኅን ሰጥቶት የነበረውን የክብር ዶክትሬት ዲግሪ እንዲሰረዝ ወስኗል፡፡ የጎንደር ዩኒቨርሲቲ ሴኔት ሰኔ 29/ 2005 ዓ.ም ለዶ/ር ኢሌኒ ገ/መድኅን የኢትዮጵያ ምርት ገበያን በማቋቋምና በመምራት ላበረከቱት አስተዋጽኦ የክብር ዶክትሬት ዲግሪ (Honorary Degree of Humane Letters (DHLitt) የሰጣቸው መሆኑ ይታወሳል፡፡ የዩኒቨርሲቲው ሴኔት በወቅቱ የክብር ዶክትሬቱን የሰጣቸው የሕብረተሰቡን አኗኗር እና የሀገሪቱን የውጭ ንግድ ስርዓት እንዲሻሻል ባበረከቱት መልካም አስተዋጽኦ እና ለወደፊቱም በተሰጣቸው የክብር ዶክትሬት ልክ ሀገሪቱ ያለአድሎና በእኩልነት እንዲያገለግሉ እንዲሁም የዩኒቨርሲቲያችንን ራዕይ፣ ተልዕኮና እሴቶች ባገኙት አጋጣሚ ሁሉ አምባሳደር ሆነው እንዲያገለግሉ ነበር ተብሏል፡፡ ይሁን እንጂ ዶ/ር ኢሌኒ ሰሞኑን የዓለም አቀፍ ሰላምና ልማት ማዕከል ተብሎ ይጠራ በነበረው ድርጅት አማካኝነት በድብቅ በተዘጋጀ የበይነመረብ ስብሰባ ላይ ሙያዊነትን ያልጠበቀ፣ አድሏዊ፣ የአንድን ቡድን ፍላጎት ብቻ ያንጸባረቀ እንዲሁም የዩኒቨርሲቲው ዋና ዋና እሴቶች የሚፃረር ሀሳብን በማራመዳቸው ዩኒቨርሲቲው ለዶ/ር ኢሌኒ የሰጠውን የክብር ዶክትሬት ዲግሪ በድጋሚ ሲያጤን እና ሲመረምር መቆየቱ ተገልጿል፡፡ በዚህም መሠረት የጎንደር ዩኒቨርሲቲ ሴኔት በከፍተኛ ትምህርት አዋጅ ቁጥር 1152/2011 አንቀጽ 49 ንዑስ አንቀጽ 4 እና በዩኒቨርሲቲው የሴኔት ደንብ አንቀጽ ቁጥር 6 ንዑስ አንቀጽ 16 በተሰጠው ስልጣን መሠረት ህዳር 21 ቀን 2014 ዓ.ም ባካሄደው አስቸኳይ ጉባዔ ለዶ/ር ኢሌኒ ገ/መድሕን ሰጥቶት የነበረውን የክብር ዶክትሬት ዲግሪ (Honorary Degree of Humane Letters (DHLitt) እንዲሰረዝ መወሰኑን ገልጿል፡፡ ኢቢሲ እንደዘገበው

Source: Link to the Post

Leave a Reply