You are currently viewing የጎንደር ዩኒቨርሲቲ በማይካድራ ጭፍጨፋ ለተጎዱ ወገኖች ድጋፍ አደረገ። አማራ ሚዲያ ማዕከል     ህዳር 8 ቀን 2014 ዓ.ም         አዲስ አበባ ሸዋ አሸባሪው ህወሓት ያደራጀው ሳምሪ…

የጎንደር ዩኒቨርሲቲ በማይካድራ ጭፍጨፋ ለተጎዱ ወገኖች ድጋፍ አደረገ። አማራ ሚዲያ ማዕከል ህዳር 8 ቀን 2014 ዓ.ም አዲስ አበባ ሸዋ አሸባሪው ህወሓት ያደራጀው ሳምሪ…

የጎንደር ዩኒቨርሲቲ በማይካድራ ጭፍጨፋ ለተጎዱ ወገኖች ድጋፍ አደረገ። አማራ ሚዲያ ማዕከል ህዳር 8 ቀን 2014 ዓ.ም አዲስ አበባ ሸዋ አሸባሪው ህወሓት ያደራጀው ሳምሪ የተባለ ገዳይ ቡድን ጥቅምት 30/2013 ዓ.ም በማይካድራ የሚኖሩ ንፁሃን አማራዎችን መጨፍጨፉ ይታወሳል። ይህ ገዳይ ስብስብ በታቀደበት መልኩ አርሰው የሚበሉና በቀን ስራ የሚተዳደሩ ከ1600 በላይ አማራዎችን ማረዱና ዘር ማጥፋቱ በጥናት ተረጋግጧል። በማይካድራ ጭፍጨፋ ከተገደሉት በተጨማሪ ለተለያየ አካላዊና ሥነ ልቦናዊ ጉዳት የተዳረጉ አማራዎች ይገኛሉ። በአሁኑ ሰዓት ሰርቶ መብላት የማይችሉ ወገኖችን በዘላቂነት ከማቋቋም ባሻገር በዕለት ደራሽ ምግቦች ማገዝ አስፈላጊ በመሆኑ 32 ኩንታል ጤፍ፣ 32 ካርቶን ፓስታ፣ 2ዐዐ ኪሎ ስኳር፣ 1ዐዐ ኪሎ በርበሬ፣ 3 ኩንታል ጨው እንዲሁም 160 ሊትር ዘይት በጠቅላላ ግምቱ 265,200 ብር የሚተመን ድጋፍ የአካል ጉዳት ለደረሰባቸው ተጎጅዎችና ለሟች ቤተሰቦች የጎንደር ዩኒቨርሲቲ እገዛ አድርጓል። ማይካድራ ከተማ በመገኘት የድጋፍ ርክክቡን ያካሄዱት የጎንደር ዩኒቨርስቲ አስተዳደር ም/ፕሬዚዳንት ፕሮፌሰር ጋሻው አንዳርጌ እና የማህበረሰብ አገልግሎት ዳይሬክተሩ አቶ ሰሎሞን ፋንታው ናቸው። በተመሳሳይ የአማራ ህዝብ እያደረገ ባለው ተጋድሎ እየተሳተፉ ላሉ ዘማቾች የቤተሰቦቻቸውን ሰብል በመሰብሰብ ዩኒቨርስቲው እየተንቀሳቀሰ መሆኑን አስታውቋል። በጎንደር ከተማ የገጠር ቀበሌዎች የዩንቨርሲቲው ማህበረሰብ አባላት የዘማች አርሶ አደር የደረሱ ሰብሎችን በሰበሰቡበት ወቅት የተገኙት የጎንደር ዩኒቨርስቲ ፕሬዝዳንት ዶ/ር አስራት አጸደ ወይን “የተከፈተብንን የህልውና ጦርነት ከመመከት ጎን ለጎን ረሀብንና ድህነትን ከወዲሁ መከላከል ለነገ የማይባል ተግባር ነው” ብለዋል። ያሉት የጎንደር ዩንቨርሲቲ ፕሬዚዳንት ለዘገባው_የጎንደር ዩኒቨርስቲ ህዝብና ዓለም ዓቀፍ ግንኙነት ዳይሬክቶሬትን በምንጭነት ተጠቅመናል!

Source: Link to the Post

Leave a Reply