የጥቁር አንበሳ ዩኒቨርስቲ ሜዲካል ኮሌጅ በተማሪ ቢኒያም ኢሳያስ ጉዳይ ተወያይቶ ውሳኔ አሳልፏል።በአዲስ አበባ ዩኒቨርስቲ የጤና ሳይንስ ኮሌጅ ቺፍ ኤክስኪዩቲቭ ዳይሬክተር ዶክተር አንዷለም ደ…

https://cdn4.telegram-cdn.org/file/ayRnsdvix4SiURBk3RmeFQO5NqxHjlLr6hoWktWX8JtB-XghXPDTDqaUYJlM6j6QdUi3o48D1BvKIY_aG7GwpY0CKnnBJKsc8bUCkbxjXUvEzEHfpf5vCfirfNeks3uyedLnsX_Uu_7nb6Dju3TC1FHZzS6QK8qmU1G2mQn24ZbnO4CxGyq3RrTr3MoaLMSf4kWZESRhFQiL6M65j7H5MPRc1EyanLnWKTjIoK6dy6ztxxZhj2aZo6jR8tJ0n_gQ9RXipAYw3vGysthFa_zLSwqQVOoLEtoDVwOGHDEnuK1ful-2H-rWVQ8aXNkeqp0GwCT6e1dqDBeT1kGB7MjSPA.jpg

የጥቁር አንበሳ ዩኒቨርስቲ ሜዲካል ኮሌጅ በተማሪ ቢኒያም ኢሳያስ ጉዳይ ተወያይቶ ውሳኔ አሳልፏል።

በአዲስ አበባ ዩኒቨርስቲ የጤና ሳይንስ ኮሌጅ ቺፍ ኤክስኪዩቲቭ ዳይሬክተር ዶክተር አንዷለም ደነቀ በዛሬው ዕለት በጉዳዩ ላይ መግለጫ ሰጥተዋል ።

ተማሪ ቢኒያም ኢሳያስ ከ2010 ጀምሮ በህክምና ኮሌጁ ትምህርቱን ይከታተል እንደነበር ተገልጿል።

ነገር ግን የአራተኛ አመት ተማሪ እያለ በተፈጥሮ በግራ እጁ ላይ ጉዳት እንዳለበት በመምህራኖቹ ታይቶ ይህ ጉዳት የህክምና ትምህርቱን መቀጠል እንደሚያስችለውና እንደማያስችለው ለመወሰን ጉዳዩ ወደ ፕረዝደንት ፅ/ቤት መመራቱንም ዶክተር አንዷለም ተናግረዋል።

በዚህም ላለፉት 8 ወራት ውይይት ሲካሄድበት ጉዳዩ መቆየቱንም ኢትዮ ኤፍኤም ከመግለጫው ሰምቷል፡፡

በዚህም መሰረት በተላላፈው ውሳኔ አንድ የህክምና ተማሪ ግዴታ ሊከውናቸው የሚገቡ ጉዳዮች ተብለው ከተቀመጡ መስፈርቶች ማለትም የቆመ የልብ ምት ማስነሳት ፣ መለስተኛ ቁስል መስፋት ፣ኦክሲጅን መስጠት ፣ማወለድ እንዲሁም ቱቦ በሰውነት ውስጥ ማስገባት ሲሆኑ እነዚህን ለማድረግ ደግሞ የግድ ሁለት እጆች እንደሚያስፈልጉም ነው የተገለፀው።

ይህን ተከትሎ በተማሪ ቢኒያም ላይ በተካሄዱት ስብሰባዎች ውሳኔ መሰረት በፋርማሲ ፣ህክምና ላቦራቶሪ ሳይንስ ፣የህክምና ራዲዮሎጂ ቴክኖሎጂን መማር እንደሚችል እና ወደ እነዚህ የትምህርት ዘርፎችም ሲዘዋወር ትምህርቶቹ ተዛማጅ በመሆናቸው እስከዛሬ የተማራቸው ተያያዥ ትምህርቶች በሙሉ እንዲመዘገቡለት ስምምነት ላይ ተደርሷል።

በተጨማሪም በተማሪ ቢኒያም የቅበላ ሁኔታ ላይ ለተፈጠረው ስህተት ዩኒቨርስቲው ሙሉ ሀላፊነት እንደሚወስድ አረጋግጧል፡፡

በእስከዳር ግርማ

ሐምሌ 05 ቀን 2014 ዓ.ም

Source: Link to the Post

Leave a Reply