You are currently viewing የፌደራል ከፍተኛ ፍ/ቤት በጋዜጠኛ ጎበዜ ሲሳይ ላይ የፈቀደው የዋስትና ጉዳይ ይግባኝ ስለሚያስቀርብ እና ስለሚያከራከር በሚል ለጊዜው ታግዶ እንዲቆይ ሲል ጠቅላይ ፍ/ቤት ትዕዛዝ ሰጠ፤ ለፊታች…

የፌደራል ከፍተኛ ፍ/ቤት በጋዜጠኛ ጎበዜ ሲሳይ ላይ የፈቀደው የዋስትና ጉዳይ ይግባኝ ስለሚያስቀርብ እና ስለሚያከራከር በሚል ለጊዜው ታግዶ እንዲቆይ ሲል ጠቅላይ ፍ/ቤት ትዕዛዝ ሰጠ፤ ለፊታች…

የፌደራል ከፍተኛ ፍ/ቤት በጋዜጠኛ ጎበዜ ሲሳይ ላይ የፈቀደው የዋስትና ጉዳይ ይግባኝ ስለሚያስቀርብ እና ስለሚያከራከር በሚል ለጊዜው ታግዶ እንዲቆይ ሲል ጠቅላይ ፍ/ቤት ትዕዛዝ ሰጠ፤ ለፊታችን ጥቅምት 11 ተለዋጭ ቀጠሮ ሰጥቷል። ጥቅምት 4 ቀን 2015 ዓ.ም አሻራ ሚዲያ ፣ ባህርዳር የፌደራል ከፍተኛ ፍ/ቤት ልደታ ምድብ ችሎት መስከረም 27/2015 ዐቃቢ ህግን፣ ጠበቆችንና ተጠርጣሪዎችን በክሱ የዋስትና ጉዳይ ካከራከረ በኋላ ጋዜጠኛ ጎበዜ ሲሳይን በ20 ሽህ ብር፣ ጋዜጠኛ መዓዛ መሀመድን እና ደራሲ አሳዬ ደርቤን እያንዳንዳቸው በ10 ሽህ ብር ዋስትና እንዲወጡ መወሰኑና የመፍቻ ትዕዛዝ መጻፉ ይታወሳል። ይሁን እንጅ ፌደራል ፖሊስ_ ዐቃቢ ህግ ይግባኝ እጠይቃለሁ ብሏል በሚል ሰበብ ለቀናት ሳይፈታ ከቆዬ በኋላ ጠበቆች የመፍቻ ትዕዛዝ ለጻፈው የፌደራል ከፍተኛ ፍ/ቤት ልደታ ምድብ ችሎት ማመልከታቸውን እና አንድ አይሉ ሁለት ጊዜ ፖሊስ እንዲፈታ ወይም የማይፈታበትን ምክንያት ቀርቦ እንዲያስረዳ በሚል ለኮምሽነሮች ጭምር ትዕዛዝ መሰጠቱን ተከትሎ ጥቅምት 3/2015 ጋዜጠኛ መዓዛ መሀመድን እና ደራሲ አሳዬ ደርቤን መልቀቁ አይዘነጋም። የጎበዜ ሲሳይ ተለይቶ አለመፈታት ለምን እንደሆነ እያነጋገረ የቆዬ ሲሆን ጥቅምት 4/2015 በጠቅላይ ፍ/ቤት ይግባኝ ተጠይቋል በሚል ለጠበቆች መነገሩን ለአማራ ሚዲያ ማዕከል (አሚማ) የጠቆመው ጠበቃ ሰለሞን ገዛኽኝ በእለቱ ችሎትም ተገኝቶ እንደነበር አስታውቋል። ከፌደራል ፖሊስ የቀረበ መኖሩን የገለጸው ጠበቃ ሰለሞን ተጠርጣሪ ጋዜጠኛ ጎበዜ ሲሳይ ግን ፍ/ቤት አልቀረበም ብሏል። ችሎቱም አቃቢ ህግ ይግባኝ መጠየቁን እና ይግባኙንም በአብላጫ ድምጽ እነ መዓዛ መሀመድን እና አሳዬ ደርቤን እንደማያስቀርብ፣ ነገር ግን ጎበዜ ሲሳይን ስለሚያስቀርብ በጉዳዩ ላይ ክርክር እንዲደረግበት፣ከፍተኛ ፍ/ቤቱ የፈቀደው የዋስትና ውሳኔ ለጊዜው ታግዶ እንዲቆይ በሚል ውሳኔ አስተላልፏል ሲል አሚማ ዘግቧል። በዚህም መሰረት በዋስትና ይግባኙ ላይ ክርክር ለማድረግ ለጥቅምት 11/2015 ቀጠሮ መስጠቱ ታውቋል። ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply