የፌደራል ፖሊስ ኮሚሽን በትግራይ ክልል  በርካታ የጦር መሳሪያዎችን በቁጥጥር ስር     አዋለ

አዲስ አበባ፣ ታህሳስ 12፣ 2013 (ኤፍቢሲ) በትግራይ ክልል የህግ ማስከበር ዘመቻ ላይ የሚገኙ የፌደራል ፖሊስ ኮሚሽን አባላት ባከናወኗቸው የፍተሻ ስራዎች ጁንታው አገር ማፍረስ ተልዕኮው ይገለገልባቸው የነበሩ በርካታ የጦር መሳሪያዎችን በቁጥጥር ስር ማዋላቸው ተገለፀ፡፡

በፌደራል ፖሊስ ኮሚሽን ወንጀል ምርመራ ቢሮ የክትትል ኦፕሬሽንና አስገዳጅ ዳይሬክቶሬት ዳይሬክተር ኮማንደር ጥላሁን ወልደ ትንሳኤ በትግራይ ክልል ሀገራዊ ግዳጅ ላይ የተሰማሩ የፌደራል ፖሊስ ኮሚሽን አባላት ከፍተሻ ስራ በተጓዳኝ ማህበረሰቡን የማረጋጋት ስራዎችን ማከናወናቸውን ተናግረው ሰራዊቱ ባደረገው ጥረት በክልሉ የበለጠ መረጋጋት መፈጠሩን ጠቁመዋል፡፡

በትግራይ ክልል በመከናወን ላይ የሚገኘው ህግን የማስከበር የህልውና ዘመቻ ውጤታማ መሆኑን የገለፁት ኮማንደር ጥላሁን በተለያዩ ስፍራዎች ለእኩይ አላማ እንዲውሉ የተዘጋጁና ከሰራዊቱ እይታ የተደበቁ ረጅም ርቀት ተወንጫፊ ከባድ የጦር መሳሪያዎችን ጨምሮ የተለያዩ ዘመናዊና ኋላ ቀር መሳሪያዎች ለታለመላቸው ድርጊት እንዳይውሉ የማምከን ስራዎች ማከናወናቸውን ገልፀዋል፡፡

በፌደራል ፖሊስ የኮማንዶ ዲቪዥን ሻለቃ አዛዥ ምክትል ኮማንደር መሃመድ አሰፋ በበኩላቸው በትግራይ ክልል ዘላቂ ሰላም እንዲሰፍንና ማህበረሰቡ ያለ ፀጥታ ስጋት መንቀሳቀስ እንዲችል ፌደራል ፖሊስ ኮሚሽን ከሀገር መከላከያ ሰራዊትና ከሌሎች ባለ ድርሻ አካላት ጋር ቅንጅታዊ አሰራርን በመፍጠር በቁርጠኝነት እየሰራ እንደሚገኝ ተናግረዋል፡፡

ጁንታው ለፀረ-ሰላም ተግባር የሚጠቀምባቸው በግልና በቡድን የሚያዙ የጦር መሳሪያዎችና ጥይቶች በሰራዊቱ እየተያዙ መሆናቸውን የገለፁት በመቀሌ ከተማ የህግ ማስከበር ስራ ላይ የሚገኙ የፌደራል ፖሊስ ኮሚሽን አመራርና አባላት እነዚህን የጦር መሳሪያዎች ለመቆጣጠር በሚያደርጉት ጥረት ውስጥ ህብረተሰቡ የጎላ ሚና እንዳለው መጠቆማቸውን ከኮሚሽኑ ያገኘነው መረጃ ያመለክታል፡፡

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ https://www.fanabc.com/ ይጎብኙ፤

ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ከዚህ በተጨማሪም በትዊተር ገጻችን https://twitter.com/fanatelevision ይወዳጁን

ዘወትር ከእኛ ጋር ስላሉ እናመሰግናለን!

 

The post የፌደራል ፖሊስ ኮሚሽን በትግራይ ክልል  በርካታ የጦር መሳሪያዎችን በቁጥጥር ስር     አዋለ appeared first on Welcome to Fana Broadcasting Corporate S.C.

Source: Link to the Post