You are currently viewing የፍኖተ ሰላም ከተማ አስተዳደር በኦሮሞ ፌደራሊስት ኮንግረስ/ኦፌኮ/ መግለጫ ዙሪያ ለፌደራል መንግስት ደብዳቤ ጻፈ። አማራ ሚዲያ ማዕከል/አሚማ   ሚያዝያ 25 ቀን 2014 ዓ.ም…

የፍኖተ ሰላም ከተማ አስተዳደር በኦሮሞ ፌደራሊስት ኮንግረስ/ኦፌኮ/ መግለጫ ዙሪያ ለፌደራል መንግስት ደብዳቤ ጻፈ። አማራ ሚዲያ ማዕከል/አሚማ ሚያዝያ 25 ቀን 2014 ዓ.ም…

የፍኖተ ሰላም ከተማ አስተዳደር በኦሮሞ ፌደራሊስት ኮንግረስ/ኦፌኮ/ መግለጫ ዙሪያ ለፌደራል መንግስት ደብዳቤ ጻፈ። አማራ ሚዲያ ማዕከል/አሚማ ሚያዝያ 25 ቀን 2014 ዓ.ም አዲስ አበባ ሸዋ የፍኖተ ሰላም ከተማ አስተዳደሩ ፓርቲው ግጭት የሚናፍቀው ፣ ሰላም ጠል አስተሳሰብ የተላበሰ ፣ የከሰረ የፖለቲካ ቁማርተኛ በመሆኑ ህዝቡ በሐሰተኛ ወሬ ሳይደናበር የቀደመ ሰለማዊ እሴቱን ጠብቆ እንዲሄድም ጠይቋል፡፡ ለፌደራል የመንግስት ኮምኒኬሽን አገልግሎት አዲስ አበባ ጉዳዩ:- ተገቢውን የህግና አስተዳደራዊ እርምጃ እንዲወስድልን ስለመጠየቅ ፣ የኦሮሞ ፌደራሊስት ኮንግረስ (ኦፌኮ) ባወጣው መግለጫ የፍኖተ ሰላም መስጊድ እንደተቃጠለ በመግለፅ ያልተደረገ የሌለ ያልታሰበ የማይታሰብ ወሬ ፈጥሮ በቀን 23/08/2014 ዓ.ም አሰራጭቷል። ነገር ግን በእለቱ በፍኖተሰላም ከተማም ሆነ በምዕራብ ጎጃም ዞን እንዲሁም በአማራ ክልል ያለምንም ችግር እጅግ ሰላማዊ ፣ አብሮነትን በሚያጠናክር እና ሙስሊም ክርስቲያን በደስታ በእልልታ በሰላም 1443ኛውን የኢድ ል ፈጥር በአሉን ማክበሩን እናረጋግጣለን። ይሁን እንጅ ያለምንም የመረጃ ምንጭ ከመሬት አፍሶ፣ ከአየር ላይ ቀዝፎ እድሜ ልኩን ግጭት የሚናፍቀው ሰላም ጠል አስተሳሰብ የተላበሰው የከሰረ የፖለቲካ ቁማርተኛ ቅጠሉን “ብር ነው” ብሎ የሚጣላ የፖለቲካ አመራር ስብስብ ያለበት መሆኑ ቢገባንም አንድ በታሪክ ትልቅ የሆነ የኦሮሚያን ህዝብ እወክላለሁ ከሚል ፓርቲ እንዲህ አይነት የውሸት መረጃ ማሰራጨቱ ፓርቲው ምን ያህል ከህዝብ የራቀ ለሰላም ጠንቅ መሆኑን ያሳየበት የዜጎችን በሃይማኖት በብሄር ሳይነጣጠሉ አብሮ የመኖር ሰዋዊ ባህሪ የሚፃረር ፀረ ሰላም ፓርቲ ሆኖ አግኝተነዋል። ፓርቲው በኢትዮጵያ ምርጫ ቦርድ እውቅና ተሰጥቶት የሚንቀሳቀስ ህጋዊ እንደመሆኑ በከተማችን ላይ ያልታየ ያልተሰማ በፍፁም ከእውነት የራቀ የውሸት መግለጫ በሬው ወለደ ብሎ ፍኖተሰላም ከተማ ” መስጊድ ተቃጠለ” ብሎ መግለጫ ስለሰጠ የፌደራል መንግስት ፓርቲውን በህጋዊና በአስተዳደራዊ እርምጃ እንዲጠይቅልን ተገቢው እርምት እንዲሰጥልን እና መስጊድ ተቃጥሏል በሚል የተላለፈውን መልክት በራሱ መግለጫ ይቅርታ ጠይቆ እንዲያስተላልፉ በጥብቅ እንጠይቃለን። ፍኖተ ሰላም ከተማ በርካታ ሙስሊሞች የሚኖሩባት ከተማ ስትሆን ሙስሊሙ በቤተክርስቲያን ስራ ክርስቲያኑ በመስጊድ ስራ እየተባበሩ እና እንደ አንድ አፍ ተናጋሪ እንደ አንድ ልብ መካሪ በመሆን ልብስና ገላ ሆነው ያለምንም ልዮነት በፍቅር ፣ በአብሮነት፣ በመተባበር የሚኖሩባት ከተማ ናት። ይህ የከተማችን እሴት ትናንትም የነበረ ነገም የሚቀጥል ነው። ማንም በሚያሰራጨው የውሸት እና የፈጠራ መረጃ ሊያውከው የማይችል የህዝብ አንድነት አለ። ሰላም ለሰው ልጆች ሁሉ! አገር አፍራሾች ቀድመው ይፈርሳሉ! የፍኖተ ሰላም ከተማ አስተዳደር ብልጽግና ፓርቲ ጽ/ቤት ምንጭ_የፍኖተ ሰላም ከተማ አስተዳደር ኮሚዩኒኬሽን

Source: Link to the Post

Leave a Reply