You are currently viewing “የፒያኖዋ እመቤት” እማሆይ ፅጌማርያም ገብሩ አረፉ =======#======= መጋቢት 18 ቀን 2015 ዓ.ም አሻራ ሚዲያ ፣  በኢትዮጵያ ቀዳሚዋ የቫዮሊን እና ፒያኖ አቀናባሪ እንደሆኑ የሚነ…

“የፒያኖዋ እመቤት” እማሆይ ፅጌማርያም ገብሩ አረፉ =======#======= መጋቢት 18 ቀን 2015 ዓ.ም አሻራ ሚዲያ ፣ በኢትዮጵያ ቀዳሚዋ የቫዮሊን እና ፒያኖ አቀናባሪ እንደሆኑ የሚነ…

“የፒያኖዋ እመቤት” እማሆይ ፅጌማርያም ገብሩ አረፉ =======#======= መጋቢት 18 ቀን 2015 ዓ.ም አሻራ ሚዲያ ፣ በኢትዮጵያ ቀዳሚዋ የቫዮሊን እና ፒያኖ አቀናባሪ እንደሆኑ የሚነገርላቸው “የፒያኖዋ እመቤት” እማሆይ ፅጌማርያም ገብሩ በ99 ዓመታቸው ከዚህ አለም በሞት ተለይተዋል። እማሆይ ፅጌማርያም ከአባታቸው ገብሩ ደስታ እና እናታቸው ካሣዬ የለምቱ በ1916 በአዲስ አበባ ውስጥ የተወለዱ ሲሆን፤ በልጅነታቸው ለትምህርት በሄዱባት ስዊዘርላንድ ፒያኖን በደንብ ተምረዋል። ከትምህርት መልስም በ19 ዓመታቸው ወደ ወሎ ግሸን ማርያም ገዳም በመሄድ በ21 ዓመታቸው ምንኩስናን ተቀብለዋል። ወላጆቻቸው ያወጡላቸው ስም የውብዳር ሲሆን፤ በወጣትነታቸው ምንኩስናን ከተቀበሉ በኋላ መጠሪያቸው ወደ እማሆይ ፅጌማርያም ተቀይሯል። ከ1984 ጀምሮ ኑሯቸውን በክርስትና ሃይማኖት ተከታዮች ዘንድ “ቅድስቲቷ ከተማ” ተብላ በምትጠራው እየሩሳሌም አድርገዋል። አባታቸው ገብሩ ደስታ የአዲስ አበባ ከንቲባ የነበሩ ሲሆን፤ በአፄ ሃይለስላሴ ዘመንም የፓርላማ አፈ ጉባኤ በመሆን ማገልገላቸውን የቤተሰባቸው ታሪክ ያስረዳል። እማሆይ ፅጌ ማርያም እንግሊዝኛ፣ ጀርመንኛ፣ ዕብራይስጥኛ፣ አማርኛ ና ግዕዝን አቀላጥፈው የሚናገሩ ሲሆን፤ የተለያዩ የሙዚቃ ሥራዎቻቸው በማቅረብ የሚገኙትንም ገንዘብ ለድሆች መርጃ አውለዋል። እማሆይ ፅጌማርያም ከሰሯቸው ከበርካታ የሙዚቃ ሥራዎች ውስጥ « Homeless Wonder » /ሆምለስ ወንደር/፣ « The Son of Seam » /ዘ ሰን ኦፍ ሲም/፣ « The Mad Man’s Daughter » /ዘ ማድ ማንስ ዶተር/ እና « Mother’s Love » /ማዘርስ ላቭ/ የሚል አርዕስት ያላቸው ሙዚቃዎች እንደ ምሳሌ ይጠቀሳሉ። እማሆይ ፅጌማርያም በሙዚቃ መሳርያ ብቻ የተቀናበሩ ረቂቅ ሙዚቃ በመጫወት በኢትዮጵያ ታሪክ የመጀመርያዋ ሴት መሆናቸውም ይነገርላቸዋል። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply