You are currently viewing “ያለበቂ ምክንያት ሚዲያን መዝጋት ኢዴሞክራሲያዊነት እንጂ ሕግ ማስከበር አይደለም!” ሲል እናት ፓርቲ ገለጸ፤ ከጥቅምት 28 ቀን 2015 ዓ.ም ጀምሮ ምክንያቱ ባልታወቀ ኹኔታ መልዕክት ማስተ…

“ያለበቂ ምክንያት ሚዲያን መዝጋት ኢዴሞክራሲያዊነት እንጂ ሕግ ማስከበር አይደለም!” ሲል እናት ፓርቲ ገለጸ፤ ከጥቅምት 28 ቀን 2015 ዓ.ም ጀምሮ ምክንያቱ ባልታወቀ ኹኔታ መልዕክት ማስተ…

“ያለበቂ ምክንያት ሚዲያን መዝጋት ኢዴሞክራሲያዊነት እንጂ ሕግ ማስከበር አይደለም!” ሲል እናት ፓርቲ ገለጸ፤ ከጥቅምት 28 ቀን 2015 ዓ.ም ጀምሮ ምክንያቱ ባልታወቀ ኹኔታ መልዕክት ማስተላለፍ እንዳይችል በገጹም ከዚህ በፊት የተላለፉት መልዕክቶች በሙሉ እንዳይታዩ መደረጉን አስታውቋል። አማራ ሚዲያ ማዕከል/አሚማ ህዳር 21 ቀን 2015 ዓ/ም አዲስ አበባ ሸዋ እናት ፓርቲ “ለድምጽ አልባዎች ድምጽ በመሆን፣ የሕዝባችንን ብሶት በማስተጋባት፣ ጠንካራ ትችትና በሳል የመፍትሔ ሀሳብ በማቅረብ፣ አቋሞቼንና መልዕክቶቸን ለአባላትና ደጋፊዎቼ እንዲሁም ለመላው የኢትዮጵያ ሕዝብ ሳስተላልፍበት የቆየሁበት የፌስ ቡክ ገጽ ከጥቅምት 28 ቀን 2015 ዓ.ም ጀምሮ ምክንያቱ ባልታወቀ ኹኔታ ተዘግቶብኛል ብሏል። መልዕክት ማስተላለፍ እንዳልችል፣ በገጹም ከዚህ በፊት የተላለፉት መልዕክቶች በሙሉ እንዳይታዩ ተደረጓል ሲል ገልጧል። ገጹን መጠቀም እንዳይችል የተደረገውም የትምህርት ሚኒስቴር በአማራ ክልል ያሉ የ12ኛ ክፍል ተማሪዎችን ድጋሚ ፈተና እንደማይፈትን መግለጹን ተከትሎ የፓርቲያችንን አቋም በመግለጫ ካወጣን በኋላ እንደነበር አውስቷል። ችግሩ እንደገጠመን ጉዳዩን ለሚመለከተው የኢትዮጵያ ብሔራዊ ምርጫ ቦርድ እና የፌስቡክ ኩባንያ አሳውቋል ሲልም ጠቁሟል፡፡ ይሁን እንጂ ኩባንያው እስከአኹን አጥጋቢ ምክንያት ሊሰጠን አልቻለም ያለው እናት ፓርቲ የተፈጸመው እገዳ የመናገርና የመጻፍ ሰብዓዊ መብትን የሚጻረር ተግባር ነው ብሎ ያምናል፤ ችግሩ እልባት እንዲያገኝም ጥረት ማድረጉን ይቀጥላል ነው ያለው። እናት ፓርቲ ሕጋዊነትንና እውነትን መርኅ አድርጎ የሚንቀሳቀስ ተቋም መሆኑን እንዲሁም በተለየ ኹኔታ የአርትዖት ቦርድ ያለውና ጠንካራ የአርትዖት ፖሊሲ የሚከተል፣ ለጉዳይ መረጣና ለቃላት አጠቃቀም ጭምር ከፍተኛ ጥንቃቄ የሚያደርግ መሆኑን በመግለጽ ገጹ እንዲዘጋ መደረጉ በእጅጉ እንዳሳዘነው ገልጧል፡፡ ተልዕኮውን ለመፈጸም ዓለማውንም ከግብ ለማድረስ አንድ መንገድ ሲዘጋ ሺህ መንገዶች አሉ ብሎ የሚያስብ እንጂ ተስፋ ቆርጦ ወደኋላ የማይመለስ መሆኑን መላው ሕዝባችን በመገንዘብ ለችግሩ እልባት እስከምናገኝ ድረስ ወዲህም በሌላ አማራጭ የማኅበራዊ ሚዲያ አገልግሎታችንን ማድረስ እስከምንጀምር ድረስ በትእግስት እንድትጠብቁን እንጠይቃለን ብሏል እናት ፓርቲ በጉዳዩ ላይ ባሰፈረው ማብራሪያ፡፡ በመጨረሻም በይፋ ገጹ በፓርቲው ቁጥጥር ሥር መሆኑን እስከምናሳውቅ ድረስ ከጥቅምት 28 ቀን 2015 ዓ.ም ጀምሮ በገጹ ላይ ምንም ዓይነት መረጃ ቢለቀቅ ፓርቲውን የማይወክል መሆኑን መላው የኢትዮጵያ ሕዝብ እንዲያውቀው መልዕክት አስተላልፏል።

Source: Link to the Post

Leave a Reply