You are currently viewing ዲያቆን ሳይንቲስት ዶ/ር ኢ/ር ቅጣው እጅጉ ማናቸው??? 💚💛❤✨ በክፉ ጊዜ ኢትዮጵያን ያልረሱ የቁርጥ ቀን ጀግኖቻችንን እናስታውስ! ታሪካቸውንም በክብር ለመጪው ትውልድ እንዘክር። የአሜሪ…

ዲያቆን ሳይንቲስት ዶ/ር ኢ/ር ቅጣው እጅጉ ማናቸው??? 💚💛❤✨ በክፉ ጊዜ ኢትዮጵያን ያልረሱ የቁርጥ ቀን ጀግኖቻችንን እናስታውስ! ታሪካቸውንም በክብር ለመጪው ትውልድ እንዘክር። የአሜሪ…

ዲያቆን ሳይንቲስት ዶ/ር ኢ/ር ቅጣው እጅጉ ማናቸው??? 💚💛❤✨ በክፉ ጊዜ ኢትዮጵያን ያልረሱ የቁርጥ ቀን ጀግኖቻችንን እናስታውስ! ታሪካቸውንም በክብር ለመጪው ትውልድ እንዘክር። የአሜሪካው ናሳ ሳይንቲስት የነበረው ዲያቆን ዶ/ር ኢ/ር ቅጣው እጅጉ ህይወቱ እስክታልፍ ድረስ ማፊያው ወያኔ በኢትዮጵያና ህዝቧ ላይ የሚፈጸመውን ግፍ እንዳንገበገበውና ስለ ኢትዮጵያ ነፃነት በቻለው መንገድ ሁሉ ሲታገል በድንገት ያለፈ ታላቅ ጀግና ነው። ዛሬ ላለንበት በተወሰነ መልኩም ቢሆን የለውጥ ጎዳና ከፋና ወጊዎቹ አንዱ ነው። ይህ ነፃነት ቀን እንዲመጣ ብዙዎች ህይወታቸውን ፣ ጊዜያቸውን ፣ እውቀታቸውን፣ ገንዘባቸውንና ጉልበታችውን አበርክተዋል። እንደ ሳይንቲስት ዶ/ር ኢ/ር ቅጣው እጅጉ የሀገር ባለውለታ የሆኑ እና የተሻለ ቀን በኢትዮጵያችን እንዲመጣ ለነፍሳቸው ሳይሳሱ ቤዛ የሆኑ ብሄራዊ ጀግኖችን ባገኝነው አጋጣሚ ሁሉ በክብር ብናስባቸውና ብንዘክራቸው መልካም ነው። ጀግናን ማክበርና ማመስገን አዲስ ተተኪባርነትን የማይሸከም ጀግና ትውልድን ይፈጥራል። ========================= (አጭር የሕይወት ታሪክ) ዶክተር ቅጣው እጅጉ የካቲት 16 1940 ዓም (እ.ኢ.አ) ከአባታቸው ከአቶ እጅጉ ሃይሌ እና ከእናታቸው ከወ/ሮ አስካለ በላይነህ በከፋ ጠቅላይ ግዛት በቦንጋ ዋና ከተማ ተወለዱ። የአንደኛና ሁለተኛ ደረጃ ትምህርታቸውን በቦንጋ፣ በዋከና በጅማ ከተማ ካጠናቀቁ በኃላ በባህር ዳር በሚገኘው ፖሊ ቴክኒክ ኮሌጅ የከፍተኛ ትምህርታቸውን አጠናቀዋል። ዶክተር ቅጣው ወደ ጃፓን አገር በመሄድ በኦሳካ ዪኒቨርስቲ በቋንቋና የጃፓን ኢኮኖሚ፣ በሄሮሺማ ዩንቨርስቲ የኢንደስትሪ እና የአውቶሞቲቭ ኢንጂነሪንግ አጥንተው ትምህርታቸውን አጠናቀዋል። በኋላም አሜሪካን ሀገር ስኮላር ሺፕ አግኝተው በቢዝነስ አድሚንስትሬሽን ማስትሬታቸውን በመጨረሻም ለትምህርት ባላቸው ከፍተኛ ፍላጎት በኤሮ-ስፔስ ምህንድስና ዶክትሬታቸውን ተቀብለዋል። ዶክተር ቅጣው በናሳ (NASA) በሲስተም መሃንዲስነትና በጠፈር ሳይንቲስትነት የሰሩ ሲሆን ከሌሎች መሃንዲሶችና ሳይንትስቶች ጋር በመተባበር ለእኛ አለም (Planet Earth) እና ለተቀሩት ፕላኔቶች የምርምር ሳይንስ (Planetary Science Research and Exploration) የሚረዱ የጠፈር መንኮራኩሮችንና ሮኬቶችን ፈጥረዋል። ዶክተር ቅጣው በዚህ ከፈጣሪ በተቸሩት ታላቅ ችሎታና እውቅት ለዚህች ለምንኖርባት ዓለምና ሕዝብ ታላቅ አስተዋፅኦ አበርክትዋል። ከነዚህም ጥቂቱን ለመጥቀስ: • ለናሳ(NASA) ሁለት የኤሮ-ስፔስ መወርወሪያ ሜካኒዝም • ለቦይንግ ኩባንያ ሲሙሌተር (Flight Dynamic Simulator) እና አድቫንስድ ወይንም ኔክስት ጀነሬሽን (Advance or Next Generation) በመባል የሚታወቁትን ግሎባል ፖዚሽን ሳተላይት ሲስተም(Global Positioning Satellite System) ከፈለሰፉት ውስጥ አንደኛው ሰው እሳቸው ነበሩ ዶክተር ቅጣው Trans Tech International በመባል የሚታወቀውን ዓለም አቀፍ የቴክኖሎጂ ድርጅት በመመስረት የተለያዩ ሀገሮች የቴክኖሎጂ አቅማቸውን እንዲያሳድጉ በአማካሪነት አገልገለዋል። በተጨማሪም ለሀገራቸው በነበራቸው ታላቅ ፍቅር ‘የኢትዮጵያ ብሔራዊ አንድነት ግንባር’ የተባለውን የፖለቲካ ድርጅት በመመስረት ገንዘባቸውንና ጉልበታቸውን ሳይቆጥቡ ለኢትዮጵያ ሰላም ፣ ብልፅግናና አንድነት ትልቅ መስዋዕትነት የከፈሉ የትግል ሰው ነበሩ። በእውነትም ኢትዮጵያ ብቻ ሳትሆን ዓለም አንድ ትልቅ ሰው አጣች ቢባል ማጋነን አይሆንም። ዶክተር ቅጣው ከባለቤታቸው ከወ/ሮ ስቴላ እጅጉ ጋር በመልካምና በደስታ ጋብቻ ተጣምረው ይኖሩ ነበር። ዶክተር ቅጣው፣ ቢንያም ያሬድ እና አቢጋኤል የተባሉ የሁለት ወንዶችና የአንድ ሴት አባት ነበሩ። ዶክተር ቅጣው እጅጉ ወደ ኦስትን ቴክሳስ ዘመዶቻቸውን ለመጠየቅ መጥተው ድንገት በደርሰባቸው ሕመም ምክንያት በታማኝነትና በመሰጠት ሲያገለገሉትና ዘወትር ሊያዩት ወደሚናፍቁት ጌታቸው እየሱስ ክርስቶስ በጃንዋሪ 12 2006 በ58 አመታቸው ተሰብስበዋል። ዶክተር ቅጣው እጅጉ በመልካም ባህሪያቸው የተወደዱ፣ በትህትናቸው የተመሰገኑ፣ በስራቸው የተደነቁ፣ በራዕያቸው ብዙ ተከታዮችን ያፈሩ፣ የብዙዎቻችን ተስፋና አርዓያ እንዲሁም የሀገር ኩራት የሆኑ ታላቅ ሰው ነበሩ። ዶክተር ቅጣው ባለቤታቸውንና ልጆቻቸውን አፍቃሪ፣ ወገናቸውን አክባሪ ፣ ሀገር ወዳድ እና ከሁሉም በላይ እግዚአብሔርን ፈሪ ነበሩ። ኢትዮጵያ ° በክብር ° ለዘለዓለም ° ትኑር!!

Source: Link to the Post

Leave a Reply