ዳግማዊት ንግስት ኤልሳቤጥ በ 96 ዓመታቸው ዛሬ አርፈዋል

https://gdb.voanews.com/09d40000-0a00-0242-4758-08da91d3a455_w800_h450.jpg

ለ 70 ዓመታት ዙፋን ላይ የቆዩት የእንግሊዟ ንግስት ዛሬ ስኮትላንድ በሚገነኘው መኖሪያ ቤታቸው እንዳሉ ከዚህ ዓለም በሞት ተለይተዋል።

ንግስቲቱ ሰሞኑን የጤናቸው ሁኔታ ጥሩ ባለመሆኑ በሃኪሞች የቅርብ ክትትል እየተደረገላቸው ነበር። ንግስቲቱ ከሁለት ቀናት በፊት፤ ማክሰኞ አዲሷን የእንግሊዝ ጠቅላይ ምኒስትር ሊዝ ትረስ ሹመትን ለማጽደቅ ስኮትላንድ በሚገኘው መኖሪያ ቤታቸው አግኝተዋቸው ነበር። ጠቅላይ ምኒስትሯ የንግስቲቱ የጤና ሁኔታ በጣም አሳሳቢ እንደሆነ ዛሬ ጠዋት ተናግረው ነበር።

ንግስት ኤልሳቤጥ በእንግሊዝ ንጉሳዊ አገዛዝ ታሪክ ለረጅም ዘመን የነገሱ ናቸው። ይህም ከቅም አያታቸው ከንግስት ቪክቶሪያ ቀጥሎ ረጅሙ የንግስና ዘመን መሆኑ ነው።

ንግስት ኤልሳቤጥ ዙፋኑን ይቆናጠጣሉ ተብሎ አልተጠበቀም ነበር። ከ86 ዓመት በፊት ንጉስ ኤድዋርድ ሰባተኛ፣ ዋሊስ ሲምፕሰን የተባለች ታዋቂ አሜሪካዊ ለማግባት ሲወስኑ ዙፋኑን ለቀዋል። የንግስቲቱ አባት ንጉስ ጆርጅ ስድስተኛ ዙፋኑን ሲረከቡ፣ ኤልሳቤጥን ለንግስትነት ቅርብ አደረጋቸው።

ልጃቸው ለዑል ቻርለስ፤ አሁን ንጉስ ቻርለስ፣ በቅርቡ በሚደረግ ሥነ-ስርዓት ዙፋኑን ይረከባሉ። በዓለ ንግሳቸው ግን ትንሽ ግዜ እንደሚወስድ ይጠበቃል።

Source: Link to the Post

Leave a Reply