You are currently viewing “ጄነራል አሳምነው ፅጌ ዐማራ ተከቧል፣ “ከ500 አመታት በፊት ከነበረው የከፋ ጊዜ ነው የመጣው” ብሎ የነገረን አሁን በተግባር ስጋ ለብሶ ነፍስ ዘርቶ በመንቀሳቀስ ላይ እንደሚገኝ ሁላችንም…

“ጄነራል አሳምነው ፅጌ ዐማራ ተከቧል፣ “ከ500 አመታት በፊት ከነበረው የከፋ ጊዜ ነው የመጣው” ብሎ የነገረን አሁን በተግባር ስጋ ለብሶ ነፍስ ዘርቶ በመንቀሳቀስ ላይ እንደሚገኝ ሁላችንም…

“ጄነራል አሳምነው ፅጌ ዐማራ ተከቧል፣ “ከ500 አመታት በፊት ከነበረው የከፋ ጊዜ ነው የመጣው” ብሎ የነገረን አሁን በተግባር ስጋ ለብሶ ነፍስ ዘርቶ በመንቀሳቀስ ላይ እንደሚገኝ ሁላችንም ልብ ልንለው ይገባል።” አለን! ዓለም አቀፍ የአማራ ማህበራት ሕብረት አማራ ሚዲያ ማዕከል/አሚማ… የካቲት 15 ቀን 2014 ዓ.ም አዲስ አበባ ሸዋ አለን! ዓለም አቀፍ የአማራ ማህበራት ሕብረት በወቅታዊ ሀገራዊ ጉዳይ ያወጣው ሙሉ መግለጫ የሚከተለው ነው:_ የፋሽስታዊው ኦሮሙማ መንግስት ለዐማራ ብቻ ሳይሆን ለመላው የኢትዮጵያ ሕዝብ እና ለአፍሪካ ቀንድ አደገኛ ሆኗል። ከአለን ዓለም አቀፍ አማራ ማህበራት ሕብረት የተሰጠ መግለጫ በኢትዮጵያ ላይ የውጭ እና የውስጥ ጠላት ሲነሳ የመጀመሪያውም አይደለም፤ የመጨርሻውም አይሆንም። ኢትዮጵያን ኢትዮጵያ ያሰኛት እና ሕዝቧንም በዓለም መድረክ ጀግና ብሎ ያስጠራው የጠላቶቿ መብዛት እና በእነሱ ላይ ያደረገቻቸው እና የምታደርጋቸው ያልተቋርጠ ድል ነው። ኢትዮጵያ የውስጥ እና የውጭ ጠላቷን ድል የምታደርገው በውስጣዊ ጥንካሬዋ እና በአንድነቷ ነበር። ነገር ግን በ19ኛው ክፍለ ዘመን መባቻ ላይ ተጠንስሶ የነበርው ኢትዮጵያን የማዳከም እና የመበታተን ሴራ ዛሬ ጎምርቶ እና ተጠናቆ የኢትዮጵያ መሥራች እና ተከላካይ የሆነውን የአማራን ሕዝብ በጠላትነት ፈርጆ ትህነግ ከተነሳበት ጊዜ ጀምሮ የአማራውን እና የኢትዮጵያን ሕልውና በከፍተኛ አደጋ ላይ ጥሏል። ከዛሬ 48 ዓመታት በፊት ከደደቢት በረሐ የወጣው ኢትዮጵያ እና አማራ ጠል የሆነው ትህነግ ሥልጣን ለ27 አመታት በያዘበት ወቅት ኢትዮጵያን የሚያፈርስ አማራን የሚያጠፋ ሕገ መንግስት ቀርፆ ዓላማውን ለማሳካት ብዙ ቢሠራም ሳይሳካለት ቀርቶ ከአራት ኪሎ ተባሮ ወደ ነበረበት ተመልሷል። ኢትዮጵያን በማንነት ክልሎች ከፋፍሎ፣ ህዝብን በማንነት ቅራኔ ውስጥ በማስገባት፣ የተሳሳተ የአማራን የቅኝ ገዥነት ትርክትን ቋሚ የጥላቻ መስበኪያ አድርጎት ያለፈው መርዝ አሁንም ድረስ ተባብሶ እንዲቀጥል ስለሆነ ከትህነግ መገርሰስ በኋላ ስልጣን ላይ የመጣው የኦሮሙማ ጽንፈኛ ቡድን በመጀመሪያ በኢትዮጵያዊነት ምሎ እና ተገዝቶ የስልጣኑን መንበር ካረጋጋ በኋላ ከዛሬ በ15ኛው ክፈለ ዘመን የጀመረውን የገዳ እና የሞጋሳ ሥርአት በመተግበር አማራን እና ኢትዮጵያን ለማጥፋት በሚገርም ፍጥነት በመንቀሳቀስ ላይ ይገኛል። ምንም እንኳን የኦሮሙማው ፅንፈኛ ኃይል አማራን በአጋርነት አስከትሎ ቢነሳም፣ የታሰበውን ለውጥ “በማሳመን ወይም በማደናገር” በሚል ከንቱ መርሆ ሁሉንም በመሰልቀጥ ላይ ነው። ከትህነግ በወረሰው ስልት እና መሰሪነት መሠረት የቀድሞ ብአዴንን የዳቦ ስም ሰጥቶ አንዴ አዴፓ ቀጥሎ አማራ ብልፅግና ብሎ በገዳ እና በሞጋሳ ሥርአት መሠረት ብአዴን የተባለውን አገልጋይ እና ታማኝ ተላላኪው በማድርግ የፋሽታዊ አስተዳዳሩን በሰፊው በመዘርጋት ላይ ይገኛል። በእንቅርት ላይ ጆሮ ደግፍ እንዲሉ ትህነግ ለ27 አመታት ኢትዮጵያን የጋጠችው፣ የገፈፈችው፣ የበደለችው እና የፈፀመቺው ግፏ አልበቃ ብሏት በዐማራ ሕዝብ ላይ የማወራርደው ሂሳብ አለኝ በሚል የአጥፍቶ ጠፊ የጦርነት መርሆ በመመራት በኦሮሙማው ኃይል በመታገዝ በአማራ እና በአፋር ሕዝብ ላይ ከፍተኛ የእልቂት ጦርነት በማካሄድ ላይ ትገኛለች። በፋሽስቱ አብይ አህመድ የሚታገዘው ትህነግ እና ኦነግ በአማራ እና በአፋር ሕዝብ ላይ እያደረሱት ያለው የሰው እና የንብረት ውድመት ሳያንስ ዛሬ የአማራው እና የአፋሩ ቁስል ሳይደርቅ በጓዳ በር የኦሮሙማው ፋሽሽታዊ አስተዳደር ከወያኔ እና ከኦነግ ጋራ በሰላም ስም እየተዳራደሩ ነው። በየጓዳው የሚደረገውን ድርድር ተከትሎ የአማራውን አፅመ እርስት ወደ ትግራይ ለማጠቃለል እና አማራውን ለማንበርከክ በክፉ ጊዜ ና ተዋጋ እና ተሰዋ ብለው ያሰለፉትን የአማራ ሕዝባዊ ሠራዊት (ፋኖን) ትጥቅ ለማስፈታት በተላላኪው ብአዴን በኩል ከፍተኛ ዘማቻ ከፍተዋል። አያ ጅቦ ሳታመካኝ ብላኝ እንዲሉ ተመስገን ጥሩነህ የተባለ የአቢይ የግል ተላላኪ የተመለመሉ እና የተዘጋጁ ወታደሮች በጋይንት በማሰማራት እና የራሳቸውን እስር ቤት በማጥቃት የዐማራ ፋኖ ነው ያደረገው በማለት በፋኖ ላይ ስልታዊ ስም የማጥፋት ዘምቻ ከፍተዋል። ይህ ያረጃ እና ያፈጀ ነጭ ሰንደቅ (White Flag) የተባለ ወታደራዊ ስልት በዐማራ ሕዝብ ላይ ፈፅሞ አይሰራም፤ የዐማራም ሕዝብ ከእንደዚህ ዓይነት ተንኮል እና ሴራ ሰለባ እንዳይሆን ነቅቶ እራሱን መጠብቅ አለበት። በተጨማሪም የኦሮሙማው ፋሽሽታዊ ሥርአት በአገራዊ ምክክር ስም ከእዚህ ቀደም ወያኔ ደደቢት ሆና የደረሰችውን ሕገ መንግስት ቅቡልነት እንዲያገኝ በሴራ በመንቀሳቀስ ላይ ይገኛል። ይህ ሕገ መንግስት ዐማራን እንደማይወከል እና መሻሻል እንዳለበት የተናገሩ የዐማራ አመራሮች በግፍ እና በሴራ በፋሽስቱ በአብይ መጨፍጨፋቸው የሚዘነጋ አይደለም። አብይም ለአንድ ክልል ስንል ሕገ መንግስት አንቀይርም በማለት ለአማራ ሕዝብ ያለውን ንቀት በገሃድ አሳውቋል። ፋሽስታዊው ኦሮሙማ በዐማራ ደም እና ትክሻ ላይ ተንጠላጥሎ ስልጣን ከጨበጠ በኋላ በመላው ኦሮሚያ እንዲሁም በቤንሻጉል በሚገኙ ዐማሮች እና ክርስቲያኖች ላይ ታይቶ ተሰምቶ በማይታወቅ መልኩ የዘር ፍጅት በማድረግ ላይ ነው። ይህ አረመኔአዊ ድርጊት ሕፃን፣ አዛውንት፣ ነፍሰጡር፣ አራስ ሳይለይ ዐማራ እና ነባር አማኝ በመሆናቸው ምክንያት ብቻ በየቀኑ ማረድ እና መጨፍጨፍ የፋሽሽታዊ ኦሮሙማ አስከፊነት እና መጪው ድቅድቅ ጨለማ ዘመን እንደሚሆን የሚያሳይ ተግባር ሆኗል። ዛሬ የዐማራው ሕልውና ከመቸውም በላይ አደጋ ላይ ወድቋል። ጄነራል አሳምነው ፅጌ ዐማራ ተከቧል፣ “ከ500 አመታት በፊት ከነበረው የከፋ ጊዜ ነው የመጣው” ብሎ የነገረን አሁን በተግባር ስጋ ለብሶ ነፍስ ዘርቶ በመንቀሳቀስ ላይ እንደሚገኝ ሁላችንም ልብ ልንለው ይገባል። ዐማራ እንዲህ ባለ አስከፊ ሁኔታ በወደቀበት ሰዓት ትላንትና ምረጡን እያሉ የዐማራን ጆሮ ሲያደነቆሩ የነበሩ ብአዴኖች የአማራ ሕዝብ በትህነግ እና በኦነግ ሲታረድ፣ ሲደፈር፣ ሲንገላታ እና ሲፈናቀል እነሱ እራሳቸውን እና ቤተሰቦቻቸውን ለማዳን ከሕዝብ ካዝና ገንዘብ ዘርፈው ሻንጣቸውን ሸክፈው ዝግጅት ላይ እንደነበሩ በራሳቸው ሰው መጋለጣቸው የሚታወስ ነው። እንዲህ ዓይነት ስብስብ የዐማራ ስብዕና፣ ስነ ልቦና፣ ፈሪሃ እግዚአብሔር የሌላቸው ከሃዴዎች የዐማራን ሕዝብ በምንም መንገድ ሊወክሉ እንደማይችሉ እና ለፍርድ መቅረብ እንደሚገባቸው በግልፅ ሊያውቁት ይገባል። የዐማራ ሕዝብ ከላይ በትህነግ ከታች በፋሽሽታዊ ኦሮሙማ ኃይል በሚታገዘው ኦነግ ሲገደል፣ ሲፈናቀል፣ ሲደፈር መኖር የለበትም። ስለሆነም የፋሽስታዊው ኦሮሙማ መንግስት ለዐማራ ብቻ ሳይሆን ለመላው የኢትዮጵያ ሕዝብ እና ለአፍሪካ ቀንድ አደገኛ ስለሆነ ነገሮች ከረው አገሪቷ ዳግማዊ ሩዋንዳ እና ዩጎዝላቪያ ከመሆኗ በፊት:_ ፩/ ከመንግሥት ተጽእኖ ነፃ የሆነ የአማራውን ጥቅምና ደህንነቱን ማስጠበቅ የሚችሉ ተወካዮች የሚሳተፉበት የሽግግር መንግሥት አመቻች አካል እንዲሰየም፣ ፪/ በአቶ መለስ ዜናዊና በአቶ ሌንጮ ለታ (በትህነግና በኦነግ) ስምምነት ብቻ ህገ መንግሥት የሆነው ሰነድ ተቀይሮ ሁሉንም ኢትዮጵያዊያን የሚወክል ህገ መንግሥት እንዲረቀቅና በህዝብ ይሁንታ እንዲፀድቅ፣ ፫/ የሽግግር መንግሥት እንዲቋቋም፣ ፬/ አማራዎች እንደ ሌሎች ኢትዮጵያውን ሁሉ በየትኛውም የአገሪቱ ክፍል ሠርተው የመኖር መብታቸው ዋስትና እንዲሰጠው በማስገንዘብ፣ ፭/ በኦነግ ሠራዊት በግፍ የሚገደለውና የሚፈናቀለው የአማራ ሰቆቃ በአስቸኳይ እንዲቆም፣ ፮/ ዓለም ወደ አንድ መንደርነት እየተቀየረች ባለበት በግሎባላይዜሽን ዘመን የኦሮሙማው ኋላቀር አስተሳሰብ ሁሉን የእኔ የማለትና የመሰልቀጥ ሂደት ባስቸኳይ እንዲቆም እንጠይቃለን፣ ፯/ በአማራና በአፋር ህዝብ ላይ የሚነደው እሳት ማብቂያ እንዲሰጠውና የወደሙ ተቋማት በመንግሥት ወጪ እንዲገነቡ፣ የአማራና የአፋር ህዝብ መሠረታዊ የኑሮ ዋስትናዎች እንዲረጋገጡለት፣ ፰/ በማናቸውም መልኩ በኢትዮጵያ ሕዝብ ላይ ግፍና በደል የፈፀሙ ሁሉ፤ የቆሰለው ህዝብ ሳያገግም በይቅርታ የሚለቀቁበት ስህተት ታርሞ ሕግ ፊት ቀርበው ተመጣጣኝ ቅጣት እንዲወሰድባቸው እንጠይቃለን። ፱/ የዐማራ ሕዝብ ህልውናውን የሚያስከብርበት ወይንም ለባርነት የሚጋለጥበትና ለፈጽሞ መጥፋት አፋፍ ላይ ስለሚገኝ ልዩነቶችን በማጥበብ አንድነቱን አጠናክሮ ጠላቶቹን ፊትለፊት ገጥሞ በአሸናፊነት እንዲወጣ ጥሪ እናስተላልፋለን። ፲/ ለሕልውናው መታገያ ወቅቱ አሁን ስለሆነ በማናቸውም የፖለቲካ አሰላለፍ ያላችሁ ዐማሮች ሁሉ ለግል ጥቅምና ለግል ዝና ከማሰብ እይታ ወጣችሁ በአንድነት እንድትቆሙ ጥሪ እናቀርባልን። ፲፩/ ምንም እንኳን የብአዴን ከፍተኛ አመራሮች የተበላሹ እንቁላሎች ቢሆንም ቅሉ በብአዴን ውስጥ ሕዝባቸውን እና አገራቸውን በቅንነት ለማገለገል የተሰለፉ የበታች አመራሮች እና አባሎች ሁሉ ለአማራ ሕልውና ትግል አካል እና አጋር እንድትሆኑ ጥሪያችንን እናስተላልፋልን። ፲፪/ በማናቸውም በፀጥታ እና በመንግስት መዋቅር ውስጥ ያላችሁ ሁሉ ሕዝባችሁን እና አገራችሁን የምትወዱ በሙሉ የአገር አድንና የአማራን ህልውና የማዳን ትግሉን እንድትቀላቀሉ ወገናዊ ጥሪ እናቀርባለን። ፲፫/ ጊዜ የሰጠው ቅል ድንጋይ ይሰብራ እንዲሉ በተለያዩ አጋጣሚዎች በፖለቲካ አመለካከታቸውና በማንነታቸው ምክንያት ከሥራ ቦታቸው ለማፈናቀል በአማራዎች ላይ የሚካሄዱ ማስፈራሪያዎች፣ ጫናዎች፣ እስራት፣ እንዲሁም ግድያዎች እንዲቆሙ የማድረግ ግዴታውን እንዲወጣ የኦሮሙማውን መንግሥት እናስጠነቅቃለን! ፲፭/ የኦሮሚማ ፋሽስታው የአፓርታይድ አገዛዝ ያወጀው “የአገራዊ የምክክር ኮሚሽን” ኮሚሽነሮች ስብስብ የአብይ ፍላጎት ለማሳካት የተሰበሰበ ሲሆን፣ ይህም እንደሌሎች የአብይ ኮሚሽኖች ሁሉ ሳይጀመረ የሞተና የተለመደ የማጭበርበር ሴራው አካል መሆኑን ወገናችን እንዲረዳው እናሳስባለን። ስልቻው ተፈቶ ጤፉ ሜዳ ላይ ከተበተነ በኋላ መልቀሙ አስቸጋሪ በመሆኑ ሁሉም ኢትዮጵያዊ እና አማራ ሊገነዘበው ይገባል። በአገር ቤት ሆነ በውጭ ያለ ዐማራ ሁሉ ለሕልውና ዘመቻ አሁኑኑ ተነስ! ተደራጅ! ታጠቅ! “እኔም ፋኖ ነኝ!” የሚለውን ዘመቻ ሁሉም የአማራ ወጣት እንዲቀላቀል ጥሪ እናቀርባለን! አለን! ዓለም አቀፍ የአማራ ማሕበራት ሕብረት!

Source: Link to the Post

Leave a Reply