You are currently viewing ገዳዩም ተገዳዩም እኛው ነን ! ———————————— የጥሩ ዜጌነት መለኪያ ቀድሞውንም ስለማይመጥነን አናንሳው። በሰብዓዊነት መለኪያ ግን ሰው ከእንስሳ የ…

ገዳዩም ተገዳዩም እኛው ነን ! ———————————— የጥሩ ዜጌነት መለኪያ ቀድሞውንም ስለማይመጥነን አናንሳው። በሰብዓዊነት መለኪያ ግን ሰው ከእንስሳ የ…

ገዳዩም ተገዳዩም እኛው ነን ! ———————————— የጥሩ ዜጌነት መለኪያ ቀድሞውንም ስለማይመጥነን አናንሳው። በሰብዓዊነት መለኪያ ግን ሰው ከእንስሳ የሚለየው በማሰብ፤ በማመዛዘንና ክፉና ደግን በመለየት አቅሙ ነው። እኛ ከዚህ የሰብዓዊነት ደረጃ ከወረድን ሰነባበትን። እርስ በርስ መገዳደላችን አልበቃን ወይም አላረካን ብሎ የአረመናዊ አገዳደል ፉክክር ውስጥ ገባን። ፨መደፈር፤ መፈናቀልና መራብ የየእለት የተለመደ ኑሯችን ሆነ፤ ፨የጅምላ ግድያና የጅምላ ቀብርን እስኪበቃን አየን፤ ፨በደቦ ፍርድ ወንጀል ያልሰራ ሰው በአደባባይ ተሰቅሎ ሲገደል አየን፤ ፨የተገደለ ሰው አስክሬን በከተማ መሃል በሞተር ሳይክል ሲጎተት አየን፤ ፨ሲቭል ዜጎች በጅምላ እየተረሸኑ ወደ ገደል ሲወረወሩ አየን፤ ፨ነብሰ ጡር ሴት በሆዷ ውስጥ ያለ ሽል ከሆዷ ወጥቶ እንደተገደለ ሰማን፤ የተገደሉ ሰዎች ኩላሊታቸው ወጥቶ በገዳዮቻቸው እንደተበላ ሲነገር ሰማን፤ ፨ዩኒፎርም የለበሱ ወታደሮች የሰውን አንገት በስለት አርደው ሲገድሉ አየን፤ ፨የተገደሉ ሰዎች አስክሬን ቤንዚል እየተርከፈከፈ ሲቃጠል አየን፤ ፨ ከሁለት መቶ በላይ የሚሆኑት ተጨፍጭፈው በእስካባተር ታፍሰው በአንድ ጉድጓድ ሲቀበሩ አየን፤ ፨ከዚህ ሁሉ የአረመኔነት ተግባር ሳናየውና ሳንሰማው የቀረነው የጭካኔ አገዳደል አይኖርም ብለን ስናስብ ዛሬ ደግሞ ዜጎች በአደባባይ ከነሕይወታቸው እሳት እየተቆሰቆሰ በጭካኔ ተጠብሰው እንዲሞቱ ሲደረግ አየን። ከእንግዲህስ ያልሰማነውና ያላየነው ምን አይነት የጭካኔ አገዳደል ቀረን? የቀረን ቢኖርም ባይኖርም ከዚህ በኋላ ኢትዮጵያዊ ነን ብለን እንደዜጋ ለመኩራት፤ ሰብዓዊ ፍጡር ነን ብለን እንደሰው ለመቆጠር የሚያስችለን እሴት አለን? ለዚህ ሁሉ ወንጀልስ ተጠያቂና ጠያቂውስ ማነው? እንደኔ ገዳዩም ተገዳዩም እኛው ነን። ተጠያቂነቱም፤ ጉዳቱም፤ ሃፈፍረቱም ሆነ ሐዘኑም የጋራችን ነው። እንደዜጋም ሆነ እንደሰው የገደለውም ሆነ የሞተው ማንም ሳይሆን እኛው ነን። በብሔር ማንነቱ ከገዳይነትም ሆነ ከተገዳይነት ያመለጠ የለም ወደፊትም አያመልጥም። ልደቱ አያሌው መጋቢት 3 ቀን 2014

Source: Link to the Post

Leave a Reply