You are currently viewing #ጉዞ_ወደ_አምሐራ_ሳይንት_ቤተ_አምሐራ  ዛሬ መነሻውን ደሴ መዳረሻውን እምቅ የታሪክ ባለቤት ወደ ሆነው አምሐራ ሳይንት ሀገርን የማሳወቅ ትምህርታዊ ጉዞ የወሎ ቤተ አምሐራ የልማት እና የበጎ…

#ጉዞ_ወደ_አምሐራ_ሳይንት_ቤተ_አምሐራ ዛሬ መነሻውን ደሴ መዳረሻውን እምቅ የታሪክ ባለቤት ወደ ሆነው አምሐራ ሳይንት ሀገርን የማሳወቅ ትምህርታዊ ጉዞ የወሎ ቤተ አምሐራ የልማት እና የበጎ…

#ጉዞ_ወደ_አምሐራ_ሳይንት_ቤተ_አምሐራ ዛሬ መነሻውን ደሴ መዳረሻውን እምቅ የታሪክ ባለቤት ወደ ሆነው አምሐራ ሳይንት ሀገርን የማሳወቅ ትምህርታዊ ጉዞ የወሎ ቤተ አምሐራ የልማት እና የበጎ አድራጎት ድርጅት ያዘጋጀው የነፃ የትራንስፖርት አገልግሎት በመጠቀም በርካታ ተጓዦችን በመያዝ ጉዞ ተጀምራል። ባህርዳር:- ሚያዚያ 30/2014 ዓ.ም አሻራ ሚዲያ #ዐምሐራ_ሳይንት_የአማራ_ህዝብ_የመነሻ_አሻራ_ወሎ! አምሐራ ሳይንት የአማራ ህዝብ መነሻ እና የአማርኛ ቋንቋ መነሻ የሆነ የብዙ ድንቅ ነገር መገኛ ታሪካዊ ባህላዊ የእምነት የጀግና የቁንጅና መነሻ ቦታ ነው አምሐራ ሳይንት ቃላዊ ትርጉም ✅አምሐራ የሚለው ስያሜ ከጥንት ጀምሮ የነበረ ሲሆን ‹‹ አም›› ማለት ህዝብ ሲሆን ‹‹ ሐራ›› ማለት ደግሞ ነጻ፣ ከፍታ / ተራራ ማለት ነው፡፡ ‹‹ ዐምሐራ ›› ማለት በግዕዝም በሂብሩም ቋንቋ ትርጉሙ ይህ ነው፡፡ በጥብቅ ነጻ የወጣ ህዝብ ወደ ከፍታ የወጣ ህዝብ እንደ ማለት ነው፡፡ አለቃ ታየ ‹‹ አማሀራ / አማራ/ ›› የሚለውን አራሽ የሚል ትርጉም ሰጥተውታል፡፡ አምሐራ-ሳይንት በደቡብ #ወሎ ከደሴ ከተማ 200 ኪ.ሜ ርቀት ያላት እምቅ የታሪክ የፓለቲካ የተፈጥሮ ሀብት ያለው ሚስጥራዊ ቦታ ነው።ከሰሜን ደቡብ ጎንደር/በሽሎከደቡብ መካነ ሰላም ወረዳ ከምስራቅ ተንታ አጅባር ወረዳ ከምእራብ ጎጃም/አባይ የሚያዋስኗት በዉስጧ ሁለት ሰፋፊ ወረዳወችን የያዘ ነው። በወረዳው በርካታ ቅርስ የሚገኝ ሲሆን ዋነኛው ታሪካዊዋ ርዕሰ አድባራት ወገዳማት ተድባበ ማርያም ከአራቱ መናብርት ጽዮን ማለትም ከአክሱም ጽዮን ንቡረ ዕድ፣ከመርጡለ ማርያም ርዕሰ ርዑሳን፣ከጣና ቂርቆስ ሊቀ ካህናት መካከል አንዷ የፓትርያርክ መቀመጫ ነበረች።ጥንታዊት ርእሰ አድባራት ወገዳማት ተደባበ ማርያም በ982 ዓ.ዓ የተመሰረተች ሲሆን መስራቹ ደግሞ የቤተልሔም ተወላጅ የአሚናዳብ ዘር የሆነው ሳቤቅ ይባላል በተድበማርያም ውድ ቅርሶች ያሉ ሲሆን ከነዚህ መካከል፦ 1.ዐፄ ካሌብ ወደ ደቡብ አረቢያ የናግራንን (የመን) ክርስቲያኖች ለመርዳት ይዘውት የዘመቱት ጋሻ፣ 2.የእብራይጥ ሲኖዶስና የአረማይክ ቅዳሴ እግዚእ፣ 3.በአረማክ ቋንቋ የተጻፉ የስሌዳ መጻህፍት፣ 4.በአረበኛና በግእዝ የተጻፉ መጻህፍት ወንጌል ዘወርቅ፣ 5.የመጀመሪያው ኢትዮጵያዊ ጳጳስ የቀደሰበት የእጅ መስቀል፣ 6.የዕጨጊ ዮሐንስ በትረ ሆሳዕና፣የአቡነ አኖሪዎስ እና የአቡነ ቄርሎስ የእጅ መስቀል፣ 7.የዐፄ ገላውዴዎስ መካነ መቃብር፣ 8.የአጼ ዳዊት ዙፋን፣ 16.የቅዱስ የሬድ ድጓ እና ጊዩርጊስ ወልደ አሚድ፣ ገድለ አዳም እንዲሁም ከ1000 የሚበልጡ ጥንታዊ የብራና መጻህፍት፣ስእልና ስነ ጥበባዊ ቅርሶች፣ በርካታ ጥንታዊ የእጅና የመጾር መስቀል፣ንዋየ ቅድሳት፣ስዕሎች፣የነገስታት ዘውዶች፣ወንበርና አልባሳት ይገኛሉ። በኋላም የሁለተኛው ሰሎሞናዊ ሰርዎ መንግሥት ነገሥታቶች አፄ ገላውደወስን ጨምሮ አፄ ዘርአያእቆብ፣ አፄ በዕደማርያም፣ አፄ እስክንድርና ሌሎች ነገስታት ልብሰ መንግስታቸውን ለተድባበ ማርያም አበርክተዋል። ——————————————————————– የወሎ ቤተ አምሐራ የልማት እና የበጎ አድራጎት ድርጅት ሀገር እና ቅርስን ለማስተዋወቅ ወደ አምሐራ ሳይንት ነፃ የትራንስፖርት አገልግሎት አዘጋጅቷል ማንኛውም ሰው እንዲሳተፍ እድሉን አዘጋጂቷል። የወሎን መልካም እሴት እናስቀጥላለን ሚያዚያ 30/2014 ዓ.ም የ ወሎ ቤተ አምሐራ የልማት እና የበጎ አድራጎት ድርጅት #አሻራ ሚዲያ በቦታው በመገኘት ሙሉ የሚዳያ ሽፋን የሚሠጥ መሆኑን ለመግለፅ እንወዳለን ። ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA

Source: Link to the Post

Leave a Reply