ጊዛ ላይ ቤተ ክርስትያን ተቃጥሎ አርባ ሰው ሞተ

https://gdb.voanews.com/5a7b10b6-c945-408f-af4b-67855577560c_w800_h450.jpg

ከግብፅ ዋና ከተማ ከካይሮ ወጣ ብላ በምትገኘው ጊዛ ሰው በሚበዛበት ኢምባባ የተባለ አካባቢ በኦርቶዶክስ ቤተ ክርስትያን ላይ በደረሰ ቃጠሎ ቢያንስ አርባ አንድ ሰው መሞቱን የሃገሪቱ የጤና ሚኒስቴር አስታወቀ።

እሳቱ የተነሳው በቤተ ክርስቲያኑ የአየር ሙቀት ማስተካከያ ውስጥ በተፈጠረ የኤሌክትሪክ ብልሽት ምክንያት መሆኑን እዚያው እንደነበሩ የተናገሩ ሰዎች ገልፀዋል።

አደጋው በደረሰበት ወቅት አቡ ሲፊን ቤተ ክርስቲያን ውስጥ አምስት ሺህ የሚሆኑ ምዕመናን እንደነበሩ ተገልጿል።

ከቃጠሎው ለማምለጥ በተፈጠረው ግፊያ መሃል የተረጋገጡ ሰዎች እንደነበሩና ከሞቱትም የሚበዙት ህፃናት መሆናቸውን ሮይተርስ ዘግቧል።

የግብፅ ጠቅላይ ሚኒስትር ሙስጠፋ ማድቡሊና የጊዛ አስተዳዳሪ ጄነራል አህመድ ራሽድ ወደ ሥፍራው ሄደው በአደጋው ለተጎዱትና ለሟቾቹ ቤተሰቦች ኀዘናቸውን ገልፀው ድጋፍ እንደሚያደርጉላቸው ቃል ገብተዋል።

Source: Link to the Post

Leave a Reply