You are currently viewing ጋዜጠኛ መዓዛ መሀመድ በኮማንድ ፖስት ግብረ ኃይል ተጠርጥራ በመያዟ መርማሪ ወደ ፍ/ቤት ለማቅረብ እንደማይችል አስታወቀ። አማራ ሚዲያ ማዕከል/አሚማ  ታህሳስ 15 ቀን 2014 ዓ.ም……

ጋዜጠኛ መዓዛ መሀመድ በኮማንድ ፖስት ግብረ ኃይል ተጠርጥራ በመያዟ መርማሪ ወደ ፍ/ቤት ለማቅረብ እንደማይችል አስታወቀ። አማራ ሚዲያ ማዕከል/አሚማ ታህሳስ 15 ቀን 2014 ዓ.ም……

ጋዜጠኛ መዓዛ መሀመድ በኮማንድ ፖስት ግብረ ኃይል ተጠርጥራ በመያዟ መርማሪ ወደ ፍ/ቤት ለማቅረብ እንደማይችል አስታወቀ። አማራ ሚዲያ ማዕከል/አሚማ ታህሳስ 15 ቀን 2014 ዓ.ም… አዲስ አበባ ሸዋ ጋዜጠኛ መዓዛ መሀመድ የህወሓት አሸባሪ ቡድንን በመደገፍና ተልዕኮ በመቀበል የተለያዩ ሀሰተኛ ህዝብንና መንግስትን የሚያለያይ የህ/ሰቡንም ጤናማ እንቅስቃሴ የሚያውክ መረጃ በማሰራጨት ተጠርጥራ በኮማንድ ፖስቱ ግብረ ኃይል ስለመያዟ በጽሁፍ የገለጸው መርማሪ ፍ/ቤት ለማቅረብ እንደማይችል አስታውቋል። የፌደራል የመጀመሪያ ደረጃ ፍ/ቤት አራዳ ምደብ ሁለተኛ ልዩ ልዩ ፍ/ብሔር ችሎትም የጽሁፍ ምላሽ እንዲቀርብ ሳይሆን ተጠርጣሪዋን አቅርቡ በሚል ትዕዛዝ መስጠታቸውን አስተውሷል። በመሆኑም ለፊታችን ሰኞ ታህሳስ 18 ቀን 2014 ከቀኑ 8 ሰዓት ላይ ፖሊስ ተጠርጣሪዋይን ይዞ በመቅረብ ምላሽ እንዲሰጥ ሲል ተለዋጭ ቀጠሮ ሰጥቷል። ጋዜጠኛ መዓዛ ፍ/ቤት ግቢ ከደረሰች በኋላ ከበላይ ተሰጥቷል በተባለ ትዕዘዝ ወደ ፍ/ቤት እንዳትገባ መደረጉን የገለጹት ባለቤቷ አቶ ሮቤል ገበየሁ አካሄዱን አግባብ አይደለም ሲሉ ወቅሰዋል። በመርማሪ ለፍ/ቤት የተሰጠው ምላሽ የሚከተለው ነው:_ የፌደራል የመጀመሪያ ደረጃ ፍ/ቤት አራዳ ምደብ ሁለተኛ ልዩ ልዩ ፍ/ብሔር ችሎት አዲስ አበባ ጉዳዩ:_ ምላሽ መስጠትን ይመለከታል በአመልካች ወ/ሮ መዓዛ መሀመድ ኢብራሂም ታህሳስ 14 ቀን 2014 የአዲስ አበባ ፖሊስ ኮሚሽን ያለአግባብ አስሮኛል በማለት ለፍ/ቤቱ ባቀረብኩት ማመልከቻ መሰረት ፍ/ቤቱ በቀረበው አቤቱታ ላይ ምላሽ እንዲሰጥ በኮ/መ/ቁ 204084 በቀን ታህሳስ 14 ቀን 2014 ትዕዛዝ መሰጠቱ ይታወቃል። ስለሆነም ተጠርጣሪ ወ/ሮ መዓዛ መሀመድ ኢብራሂም በህዝብ ተወካዮች ም/ቤት በአሸባሪነት የተፈረጀውን የህወሓት አሸባሪ ቡድንን በመደገፍና ተልዕኮ በመቀበል የተለያዩ ሀሰተኛ ህዝብንና መንግስትን የሚያለያይ የህ/ሰቡንም ጤናማ እንቅስቃሴ የሚያውክ እንዲሁም በመንግስት ላይ ጥርጣሬ የሚፈጥሩ መረጃዎችን ስታስተላልፍ ሌሎች በርካታ ህዝብን ለሁከትና ብጥብጥ የሚያነሳሱ መልዕክቶችን በማስተላለፍ ላይ እያለች በሀገራችን በታወጀው አስቸኳይ ጊዜ አዋጅ ቁጥር 5/2014 መሰረት ኮማንድ ፖስት በሰጠው መመሪያ መሰረት በህግ ቁጥጥር ስር ውላ ምርመራ እየተጣራ ይገኛል። በመሆኑም ተጠርጣሪን ለማቅረብ በኮማንድ ፖስቱ ግብረ ኃይል ስር በመሆኗ ለማቅረብ የማንችል መሆኑን በአክብሮት እንገልጻለን። ከሰላምታ ጋር አዳሙ ወዳጆ ጎበና ኢንስፔክተር የልዩ ልዩ ህገ ወጥ ዝውውር ወንጀል ምርመራ ማስተባበሪያ ኃላፊ

Source: Link to the Post

Leave a Reply