You are currently viewing ጋዜጠኛ መዓዛ መሀመድ በ3ኛ ፖሊስ ጣቢያ ታስራ እንደምትገኝ ቤተሰብ አረጋግጧል፤ እሁድ እና ማክሰኞ መጠየቅ እንደሚቻልም ተገልጧል። አማራ ሚዲያ ማዕከል  ታህሳስ 3 ቀን 2014 ዓ.ም…

ጋዜጠኛ መዓዛ መሀመድ በ3ኛ ፖሊስ ጣቢያ ታስራ እንደምትገኝ ቤተሰብ አረጋግጧል፤ እሁድ እና ማክሰኞ መጠየቅ እንደሚቻልም ተገልጧል። አማራ ሚዲያ ማዕከል ታህሳስ 3 ቀን 2014 ዓ.ም…

ጋዜጠኛ መዓዛ መሀመድ በ3ኛ ፖሊስ ጣቢያ ታስራ እንደምትገኝ ቤተሰብ አረጋግጧል፤ እሁድ እና ማክሰኞ መጠየቅ እንደሚቻልም ተገልጧል። አማራ ሚዲያ ማዕከል ታህሳስ 3 ቀን 2014 ዓ.ም አዲስ አበባ ሸዋ በንጹሃን ላይ የሚፈጸመውን ጥቃት በግልጽ በመቃወም፣ በመንግስት በኩል የሚታዩ ክፍተቶችን በማሳየት ሙያዊ ኃላፊነቷን በመወጣት የምናውቃት ጋዜጠኛ መዓዛ መሀመድ ከምትኖርበት ንፋስ ስልክ ክ/ከተማ ወረዳ 1 ጆሞ አካባቢ ታህሳስ 2 ቀን 2014 ጠዋት ላይ በሁለት የፖሊስ አባላት ታስራ ቤተሰብ ወዳላወቀው ስፍራ በመኪና መወሰዷን አማራ ሚዲያ ማዕከል (አሚማ) ቤተሰብ በማነጋገር መዘገቡ ይታወሳል። አሚማ ታህሳስ 3 ቀን 2014 ያነጋገረው የጋዜጠኛ መዓዛ መሀመድ ባለቤት አቶ ሮቤል ገበየሁ የታሰረችው የታሰረችው ሰሜን ማዘጋጀ አካባቢ በሚገኘው የቀድሞው 3ኛ ፖሊስ ጣቢያ መሆኑን አረጋግጠናል ብሏል። የመኖሪያ ቤታቸውም ታህሳስ 2 ቀን 2014 ከቀኑ 9 ሰዓት በኋላ በፖሊስ መፈተሹንና ምንም ነገር አለመገኘቱን በምስክር ተረጋግጧል ነው ያለው። ሮቤል ሲቀጥል ሄዶ አግኝቶ እንዳነጋገራትና በአካሏ ላይ ምንም የደረሰ ነገር እንደሌለ በመግለጽ በጣቢያው አሰራር መሰረት እሁድ እና ማክሰኞ ከጠዋቱ 2 ሰዓት እስከ 7 ሰዓት ማንኛውም ሰው መጠየቅ እንደሚችልም ጠቁሟል። ጋዜጠኛ መዓዛ በማንነታቸው ምክንያት ታግተው ደብዛቸው ስለጠፉት 17 በዴምቢ ዶሎ ዩኒቨርስቲ ይማሩ የነበሩ የአማራ ተማሪዎች ጉዳይ በእጅጉ አሳስቧቸው ከፍ ያለ ትግል ካደረጉት፣ ቤተሰብ ካጽናኑትና የመንግስትን ችግር ካመላከቱት ቀዳሚዋ ናት የሚሉ ብዙዎች ናቸው። ከመተከል፣ከከማሼ፣ ከኦሮሚያ የተለያዩ አካባቢዎች እንዲሁም በአሸባሪዎች ግልጽ ወረራ ምክንያት በአማራ የተለያዩ አካባቢዎች ለተፈናቀሉ ወገኖች ጥብቅና ያሳዬች፣ ድምጽ ለሌላቸው ድምጽ የሆነች ጀግና ሴት ናት። ደካማ እሳቤ ባላቸው አሸባሪዎችና ወራሪዎች የተደፈሩ እህቶቻችንን በማጽናናት ከጎናቸው መሆኗን ያሳየች ስለመሆኗ ቀደም ሲል ስታደርገው የነበረው ትግል ሳይዘነጋ ከሰሞኑ በሮሃ ሚዲያ እና በይፋዊ የማህበራዊ ትስስር ገጿ የለቀቀቻቸው ቪዲዮዎች ብቻ በቂ ማስረጃዎች ናቸው።

Source: Link to the Post

Leave a Reply