You are currently viewing ጋዜጠኛ መዓዛ መሀመድ ከጠበቃ ጋር እንድትገናኝ አለመፈቀዱ ተገለጸ፤ በቀጣይ ቀናት ሁኔታውን አይተው አካልን ነጻ የማውጣት አቤቱታ ሊያስገቡ እንደሚችሉ ጠበቃ አዲሱ ጌታነህ ተናግረዋል። አማራ…

ጋዜጠኛ መዓዛ መሀመድ ከጠበቃ ጋር እንድትገናኝ አለመፈቀዱ ተገለጸ፤ በቀጣይ ቀናት ሁኔታውን አይተው አካልን ነጻ የማውጣት አቤቱታ ሊያስገቡ እንደሚችሉ ጠበቃ አዲሱ ጌታነህ ተናግረዋል። አማራ…

ጋዜጠኛ መዓዛ መሀመድ ከጠበቃ ጋር እንድትገናኝ አለመፈቀዱ ተገለጸ፤ በቀጣይ ቀናት ሁኔታውን አይተው አካልን ነጻ የማውጣት አቤቱታ ሊያስገቡ እንደሚችሉ ጠበቃ አዲሱ ጌታነህ ተናግረዋል። አማራ ሚዲያ ማዕከል/አሚማ ታህሳስ 10 ቀን 2014 ዓ.ም አዲስ አበባ ሸዋ አማራ ሚዲያ ማዕከል (አሚማ) በአዲስ አበባ ፖሊስ ኮሚሽን ሶስተኛ ፖሊስ ጣቢያ ተገኝቶ ጋዜጠኛ መዓዛ መሀመድን በማግኘት ለማነጋገር ሞክሯል። በነበረው አጭር ቆይታም ጋዜጠኛ መዓዛ መሀመድ ከመኖሪያ ቤቷ ሲቪል በለበሱ አካላት ከታሰረችበት ታህሳስ 2 ቀን 2014 ጊዜ ጀምሮ አንድ ሁለት ጊዜ መርማሪዎች ያናገሯት መሆኑን ለመረዳት ችሏል። መዓዛ በቆይታዋ የተለዬ ምርመራ እንዳልገጠማትና በአካሏ ላይም የደረሰ ነገር እንደሌለ ተናግራለች። በመርማሪ በኩል ከሳሹ ብሮድ ካስት ባለስልጣን መሆኑ እንደተነገራት የገለጸችው መዓዛ ሊያስከስሳት የሚችል አንዳች ነገር እንደሌለ አውስታለች። ክሱ በብሮድ ካስት ባለስልጣን የመጣ ከሆነ ከአስቸኳይ ጊዜ አዋጅ እዝ ጋር የሚያገናኘው የለም፤ በመደበኛው ሂደት መመልከት እንደሚችሉ ተጠቁሟል። ከእስር አያያዝ እና ከቤተሰብ ግንኙነት ጋር በተያያዘም ከጠበቃ ጋር ፊት ለፊት እንዲገናኙ አለመፈቀዱንና በአንድ ክፍል ውስጥ ከ100 በላይ ሰዎች የታሰሩ ስለመሆኑ ተናግራለች። ይህ ደግሞ ኮቪድን ጨምሮ ለተለያዩ በሽታዎች ሊያጋልጥ እንደሚችልና አሳሳቢ ስለመሆኑ የጠቆመችው መዓዛ በቀን ለውስን ሰዎች ብቻ ህክምና እንደሚፈቀድ ነው የገለጸችው። አሚማ ጠያቂዎች በአግባቡ ማስክ ለብሰው በመግባት እስረኞችን እንዲጠይቁ በማድረግ ረገድ የትኩረት ክፍተት መኖሩን ተመልክቷል። ስለጋዜጠኛ መዓዛ መሀመድ የክስ ጉዳይ አሚማ ያነጋገራቸው ጠበቃ አዲሱ ጌታነህ በበኩላቸው ከደንበኛቸው ጋር በአካል ተገናኝተው እንዲነጋገሩ አለመፈቀዱን አውግዘዋል። እስረኛ አስተዳደሩ ወደ አስቸኳይ ጊዜ አዋጁ በመግፋት ከደንበኛዬ ጋር እንድገናኝ አልፈደልኝም ብለዋል። መዓዛ ታህሳስ 8 ቀን 2014 በአራዳ የፌደራል የመጀመሪያ ደረጃ ፍ/ቤት ቀርባ እስከ ቀኑ 6 ሰዓት ብትቆይም መርማሪው አልመጣም በሚል ወደ አዲስ አበባ ፖሊስ ኮሚሽን 3ተኛ ጣቢያ እንድትመለስ ተደርጓል። አስቸኳይ ጊዜ አዋጅ እዝም ቢሆንም ካለው ጫና አኳያ በ48 ሰዓት እንዲያቀርብ የማይገደድ ቢሆንም አስሮ ቁጭ እንዲያደርግ ደግሞ የሚፈቅድለት ህግ እንደሌለ ያስታወቁት ጠበቃ አዲሱ ቀጣይ ሰኞ እና ማክሰኞን አይተን የማይሆን ከሆነ አካልን ነጻ የማውጣት አቤቱታ ለማቅረብ እንገደዳለን ብለዋል። ጋዜጠኛ መዓዛ በንጹሃን ላይ የሚፈጸመውን ጥቃት በግልጽ በመቃወም፣ በመንግስት በኩል የሚታዩ ክፍተቶችን በማሳየት ረገድ ከፍ ያለ ሙያዊ ትግል እያደረገች ስለመሆኑ ብዙዎች ይናገራሉ።

Source: Link to the Post

Leave a Reply