You are currently viewing ጋዜጠኛ ተመስገን ደሳለኝ ከታሰረበት ግንቦት 18/2014 ጀምሮ እስካሁኑ ሰዓት ድረስ ቴሌቪዥን፣ ራዲዮ፣ መፅሔት፣ ጋዜጣ እና ማንኛውንም ዓይነት መፅሐፍ እያገኘ እንዳልሆነ ጠበቃ ሄኖክ አክሊሉ…

ጋዜጠኛ ተመስገን ደሳለኝ ከታሰረበት ግንቦት 18/2014 ጀምሮ እስካሁኑ ሰዓት ድረስ ቴሌቪዥን፣ ራዲዮ፣ መፅሔት፣ ጋዜጣ እና ማንኛውንም ዓይነት መፅሐፍ እያገኘ እንዳልሆነ ጠበቃ ሄኖክ አክሊሉ…

ጋዜጠኛ ተመስገን ደሳለኝ ከታሰረበት ግንቦት 18/2014 ጀምሮ እስካሁኑ ሰዓት ድረስ ቴሌቪዥን፣ ራዲዮ፣ መፅሔት፣ ጋዜጣ እና ማንኛውንም ዓይነት መፅሐፍ እያገኘ እንዳልሆነ ጠበቃ ሄኖክ አክሊሉ ተናገሩ። አማራ ሚዲያ ማዕከል/አሚማ ሀምሌ 14 ቀን 2014 ዓ.ም አዲስ አበባ ሸዋ ጋዜጠኛ ተመስገን ደሳለኝ ከታሠረ ጀምሮ በመንግስት ፍቃድ ያላቸውን (ቴሌቭዥንና ራዲዮ) መፅሔት፥ ጋዜጣ እና ማንኛውንም ዓይነት መፅሐፍ እንዳያገኝ ተከልክሏል ሲሉ ጠበቃ ሄኖክ አክሊሉ ተናግረዋል። ጋዜጠኛ ተመስገን ደሳለኝ በእለተ ሐሙስ ሐምሌ 14/2014 ዓ.ም ጠዋት ልደታ 1ኛ ፀረ ሽብር እና የህገ መንግስት ጉዳዮች የፌደራል ከፍተኛው ፍርድ ቤት ቀርቧል፤ ለሐምሌ 18/2014 ከጠዋቱ 3 ሰዓት ተለዋጭ ቀጠሮ ተሰጥቶታል። ጋዜጠኛ ተመስገን ደሳለኝ የድርጅቱን ጉዳዮች በተመለከተ በአካል የግዴታ መገኘት እና መፈረም ለሚገባው ጉዳዮች ተመስገን ከአንድም ሦስት ጊዜ በማመልከቻ ለአዲስ አበባ ፖሊስ ቢያቀርብም ፖሊስ ይዤ አልሄድም የእጀባ አገልግሎትም አልሠጥም በማለቱ ነበር። በችሎቱ የአዲስ አበባ ፖሊስ ኮሚሽንን ወክለው ፍርድ ቤት የቀረቡት ዋና ሳጅን ፀጋው በዳሳ “አቃቤ ህግ መልስ ይስጥበት” የሚለውን መልሳቸውን በወረቀት አቅርበዋል። ጠበቃ ሄኖክ አክሊሉም “የአስተዳደራዊ ጉዳይ ስለሆነ አቃቤ ህግ ሳይሆን ፖሊስ ነው የሚመለከተው” ብለዋል። ጠበቃ ሄኖክ አክሊሉ አያይዘውም “ጋዜጠኛ ተመስገን ደሳለኝ ከታሰረበት ግንቦት 18/2014 ጀምሮ እስካሁኑ ሰዓት ድረስ ቴሌቭዥን፥ ራዲዮ፥ መፅሔት፥ ጋዜጣ አና ማንኛውንም አይነት መፅሐፍ እያገኘ አይደለም በመሆኑም ደንበኛዬ ሀገሪቱ ውስጥ ምን እየተከናወነ እንዳለ የማወቅ መብታቸውን ተነፍገዋል ስለዚህ አዲስ አበባ ፖሊስ ኮሚሽን ይሄን መብታቸውን እንዲያከብር ፍርድ ቤቱ ትእዛዝ ይስጥልን” ብለዋል። ችሎቱም ለዚህ መልስ እንዳላቸው የጠየቀቸው ዋና ሳጅን ፀጋው በዳሳ “ከሚመለከተው ክፍል ጋር ተነጋግረን” እናሳውቃለን ብለዋል። ችሎቱም በሁለቱም ጉዳዮች ላይ ውሳኔውን ለማሳወቅ ለሐምሌ 18/2014 ጠዋት 3:00 ቀጠሮ ሰጥቷል። ጋዜጠኛ ተመስገን ደሳለኝ ፍርድ ቤት ሲቀርብ ለ 17ተኛ ጊዜ ሲሆን እስር ቤት ከሆነ ደግሞ ዛሬ ሃምሳ ስድስተኛ (56) ቀኑን ይዟል። ምንጭ_ታሪኩ ደሳለኝ

Source: Link to the Post

Leave a Reply