You are currently viewing ጋዜጠኛ ጌጥዬ ያለው ከችሎት መድፈር ጋር በተያያዘ ጥፋተኛ ነው በሚል ከዛሬ ጀምሮ ታስሮ የፊታችን ሰኞ እንዲቀርብ ፍ/ቤት ትዕዛዝ ሰጠ። አማራ ሚዲያ ማዕከል/አሚማ  ጥቅምት 19 ቀን 2014…

ጋዜጠኛ ጌጥዬ ያለው ከችሎት መድፈር ጋር በተያያዘ ጥፋተኛ ነው በሚል ከዛሬ ጀምሮ ታስሮ የፊታችን ሰኞ እንዲቀርብ ፍ/ቤት ትዕዛዝ ሰጠ። አማራ ሚዲያ ማዕከል/አሚማ ጥቅምት 19 ቀን 2014…

ጋዜጠኛ ጌጥዬ ያለው ከችሎት መድፈር ጋር በተያያዘ ጥፋተኛ ነው በሚል ከዛሬ ጀምሮ ታስሮ የፊታችን ሰኞ እንዲቀርብ ፍ/ቤት ትዕዛዝ ሰጠ። አማራ ሚዲያ ማዕከል/አሚማ ጥቅምት 19 ቀን 2014 ዓ. ም አዲስ አበባ ሸዋ የፌደራሉ የፀረ ሽብር ወንጀል ችሎት ዛሬ ጥቅምት 19 ቀን 2014 በዋለው ችሎት በ”ችሎት መድፈር” የተከሰሰውን የጋዜጠኛ ጌጥዬ ያለውን ጉዳይ ተመልክቷል። ከሳሽ የፌደራል ዐቃቤ ሕግ ከችሎት አዘጋገብ ጋር በተያያዘ የመሰረተውን ክስ ከተመለከተ በኋላ ነው የጥፋተኝነት ውሳኔ ያሳለፈው። በመሆኑም ፍ/ቤቱ ከዛሬ ጀምሮ ጥቅምት 19 ቀን እስከ ሰኞ ጥቅምት 22 ቀን 2014 ዓ.ም ድረስ የቅጣት ውሳኔ እስከሚያገኝ ድረስ በእስር ቤት እንዲቆይ ወስኗል። አማራ ሚዲያ ማዕከል በችሎት ቀርቦ እንደተከታተለውም ጠበቆች ደንበኛቸው በገደብ ወይም በማስጠንቀቂያ እንዲታለፍላቸው፤ ይህ ካልሆነም በዝቅተኛ ደረጃ እንዲቀጣላቸው ጠይቀዋል። የመገናኛ ብዙኃን አዋጅ ቁጥር 1238/13 ችግሩ የተፈጠረው ሀሳብን በመግለጽ ሂደት መሆኑንና ሀሳብን መግለጽም ዲሞክራሲያዊ ስርዓት መገንባትን የሚያካትት በመሆኑ በተቻለ መጠን ቀጭ ነገሮችን የመቀነስ አስፈላጊነትን እንደሚደነግግ ገልጸዋል። በተጨማሪም ወንጀል ተፈጽሟል ቢባል እንኳ ከእስር ይልቅ በገንዘብ ብቻ እንዲቀጣ በአዋጁ የተመላከተ ስለመሆኑ በጠበቆች ተገልጧል። ሀሳብን በመግለጽ ሂደት ውስጥ የተፈጠረ መሆኑን ከመግለጽ በተጨማሪም ተከሳሾች እነ እስክንድር ነጋ በእስር ላይ ያለፍትህ ለረዥም ጊዜ መቆየታቸው በራሱ በዘጋቢው ላይ የፈጠረው ስሜት ስለመሆኑም ተጠቁሟል። የችሎት አዘጋገብን በተመለከተ የወጣ ሕግ ባለመኖሩ፣ተከሳሹ ሌላ አካል ሆንብሎ ለመጉዳት አስቦ የሰራው አለመሆኑ እንዲሁም የቤተሰብ አስተዳዳሪነቱን በመጥቀስ ማቅለያ ተጠይቋል። በቀረበው የቅጣት ማቅለያ መሰረት ውሳኔ ለመስጠት የልደታ ከፍተኛ ፍ/ቤት የፀረ ሽብር ወንጀል ችሎት ዳኞች የፊታችን ሰኞ ጥቅምት 22 ቀን 2014 ዓ.ም ተለዋጭ ቀጠሮ ሰጥተዋል ። በተያያዘም የምኒልክ ቲቪ ባልደረባ የሆኑትን ጋዜጠኛ አዲሱ ደረበን የፌደራል አቃቤ ሕግ ከችሎት አዘጋገብ ጋር በተያያዘ ከሷል። በዚህ መሰረት ፖሊስ ጋዜጠኛውን እስከ ጥቅምት 23 ቀን 2014 ዓ.ም ድረስ እንዲያቀርብ ትዕዛዝ ተሰጥቷል። አሚማ ከራሱ ምልከታ በተጨማሪ የባልደራስ ሚዲያ ክፍልን በምንጭነት ተጠቅሟል።

Source: Link to the Post

Leave a Reply