You are currently viewing ጋዜጠኛ ጎበዜ ሲሳይ የፌደራል ፖሊስ መሆናቸውን በገለጹ አባለት ከመኖሪያ ቤቱ ታፍኖ ተወስዷል።  አማራ ሚዲያ ማዕከል/አሚማ   ጳጉሜ 2 ቀን 2014 ዓ.ም        አዲስ አበባ ሸዋ አማራ…

ጋዜጠኛ ጎበዜ ሲሳይ የፌደራል ፖሊስ መሆናቸውን በገለጹ አባለት ከመኖሪያ ቤቱ ታፍኖ ተወስዷል። አማራ ሚዲያ ማዕከል/አሚማ ጳጉሜ 2 ቀን 2014 ዓ.ም አዲስ አበባ ሸዋ አማራ…

ጋዜጠኛ ጎበዜ ሲሳይ የፌደራል ፖሊስ መሆናቸውን በገለጹ አባለት ከመኖሪያ ቤቱ ታፍኖ ተወስዷል። አማራ ሚዲያ ማዕከል/አሚማ ጳጉሜ 2 ቀን 2014 ዓ.ም አዲስ አበባ ሸዋ አማራ ሚዲያ ማዕከል (አሚማ) ከጋዜጠኛ ጎበዜ ሲሳይ፣ ከወንድሙ ከአቶ ከድር ሲሳይ እና ከአማራ ድምጽ ጋዜጠኛ ጌትነት አሻግሬ ጋር ካደረገው ቆይታ እንደተረዳው ጋዜጠኛ ጎበዜ ሲሳይ የፌደራል ፖሊሶች ነን ባሉ 11 አባላት ታፍኖ ተወስዷል። የታፈነውም ጳጉሜ 2 ቀን 2014 ከጠዋቱ ከ1:30 ሰዓት ጀምሮ ለሚኩራ ክ/ከተማ ሀያት ባቡር ጣቢያ አካባቢ ተከራይቶ ከሚኖሩበት ቤት 3 በታጠቁ እና 8 ሲቪል በለሱ አካላት በቪዲዮ ቀረጻ በመታገዝ ቤቱን በርብረዋል። ፍተሻው የተካሄደውም ያለፍርድ ቤት ትዕዛዝ ስለመሆኑ የገለጹት የአሚማ ምንጮች የአካባቢው ሰዎችን በመቀስቀስ በታዛቢነት ስማቸውን መዝግበው ወስደዋል። በፍተሻውም በህግ ተጠያቂ የሚያደርግ የተለዬ ነገር እንዳልተገኘበት ተነግሯል። ሜክሲኮ በሚገኘው የፌደራል ፖሊስ ተገኝታችሁ ቃላችሁን ትሰጣላችሁ ስለመባላቸው ተገልጧል። ጋዜጠኛ ጎበዜ ሲሳይ ከሰሞኑ በወሎ ራያ ቆቦ ግንባር ተገኝቶ ስለተራዘመው እና በምዕራፍ እየተከፋፈለ ስለቀጠለው ጦርነት የህዝብ አስተያየት ማቅረቡ ይታወቃል። ይህን ተከትሎም የትሕነግ እና የብልጽግና አክቲቪስቶች በሚፈልጉት መንገድ በመተርጎም መነጋገሪያ አጀንዳ አድርገውት መሰንበታቸው ይታወሳል። እስሩም ከዚህ የመነጨ ሊሆን እንደሚችል የመረጃ ምንጮች ጠቁመዋል። ጋዜጠኛ ጎበዜ ከአሁን ቀደምም በህገ ወጥ መልኩ አፈና የተፈጸመበት ከ9 ቀናት የእገታ ቆይታ በኋላ በህዝብ ጫና መለቀቁ አይዘነጋም። ኢትዮጵያ በርካታ ጋዜጠኞችና የማህበረሰብ አንቂዎች ለመንግስት የማይመች የተለዬ ሀሳብ በማቅረባቸው የተነሳ የሚታሰሩባት፣ ፍ/ቤት በዋስትና ከለቀቃቸው በኋላም ከህግ ውጭ በፖሊስ የሚታሰሩባት ሀገር ሆኖ እየቀጠለች ነው። ከ12,000 በላይ ፋኖዎች፣ የፋኖ ደጋፊዎችና ወዳጆች ናችሁ በሚል አፋርን ጨምሮ በአማራ የተለያዩ አካባቢዎች በግፍ ታስረው እንደሚገኙ እንደሚገኙ እንዲሁም 14 የሚሆኑ የአማራ ፋኖ አንድነት አመቻች አባላት በባህር ዳር ከክልሉ ጠቅላይ ፍ/ቤት ትዕዛዝ ውጭ ታስረው እንደሚገኙ ግልጽ ነው።

Source: Link to the Post

Leave a Reply