You are currently viewing ግለሰቦችን በማሰር በደም የተጻፈን የኢትዮጵያን ታሪክ ማጥፋት አይቻልም ሲል የባልደራስ ድጋፍ በሰሜን አሜሪካ ገለጸ። አማራ ሚዲያ ማዕከል/አሚማ…   መጋቢት 2 ቀን 2014 ዓ.ም…

ግለሰቦችን በማሰር በደም የተጻፈን የኢትዮጵያን ታሪክ ማጥፋት አይቻልም ሲል የባልደራስ ድጋፍ በሰሜን አሜሪካ ገለጸ። አማራ ሚዲያ ማዕከል/አሚማ… መጋቢት 2 ቀን 2014 ዓ.ም…

ግለሰቦችን በማሰር በደም የተጻፈን የኢትዮጵያን ታሪክ ማጥፋት አይቻልም ሲል የባልደራስ ድጋፍ በሰሜን አሜሪካ ገለጸ። አማራ ሚዲያ ማዕከል/አሚማ… መጋቢት 2 ቀን 2014 ዓ.ም አዲስ አበባ ሸዋ ጥንታዊት እና ታሪካዊት ኢትዮጵያ ታፍራና ተከብራ – አንድነቷ ተጠብቆ የኖረችው ቆራጥ ልጆቿ በተለያ ጊዜ በከፈሉት መስዋእትነት እና አይበገሬነት ነው ስለመሆኑ ጠቅሷል። ይሁን እንጂ ከቅርብ ጊዚያት ወዲህ ታሪክና ሃገር ጠል የሆኑ ሃይላት የኢትዮጵያን ጥንታዊ ታሪክ በመሰረዝ አዲስ ተረት ተረት እየጻፉ ባርነት እያዘጋጁን ይገኛሉ ሲል አውግዟል። ሰሞኑን አዲስ አበባ በተከበረው የኢትዮጵያዊያን የነጻነት አርማ ፤ የጥቁር ህዝቦች ኩራት በሆነው የአድዋ በአል ላይ ያየነው እጅግ አሳፋሪ ተግባር አንዱ ማሳያ ነው ሲል ጠቅሷል። አገዛዙ ሆን ብሎ የበአሉን ድባብ ለማደብዘዝ ከቦታ ቅየራ ጀምሮ መለያችን የሆነዉን አረንጓዴ ቢጫ ቀይ ባንዲራ አትይዙም ድረስ የሄደበት ርቀት ትልቅ የታሪክ ክህደት ነው ሲል ድጋፍ ሰጭው ገልጾታል። ይሁን እንጂ በነጻነቱና በሃገሩ የማይደራደረው ኢትዮጵያዊ እምቢ ለነጻነቴ ፤ እምቢ ለባንዲራየ በማለት በነቂስ ወጥቶ በአሉን በድምቀት አክብሮታል ብሏል። በዚህ ቂም የያዘዉና እልህ የተጋባው ብልጽግና ኢህአዴግ ዳግማዊ አድዋ የሆነው የካራማራ በአልን በድምቀት ለማከበር በአደባባይ የተሰበሰቡ የአዲስ አበባ ወጣቶችን ያለምንም ምክንያት በጅምላ አፍሶ እስር ቤት ወርዉሯቸዋል ብሏል። ከእነዚህም ዉስጥ አብዛኛወቹ በአሉን በሰላማዊ መንገድ (ማክበር የሄዱ የባልደራስ ለእውነተኛ ዲሞhራሲ ፓርቲ አባላትና አመራሮች ይገኙበታል ያለው የባልደራስ ድጋፍ ሰጭ በአሜሪካ በተጨማሪም ከበአሉ በኋላ ባሉት ቀናት ቤት ለቤት ፍተሻ እየተደረገ ወጣቶች በገፍ እየታሰሩ ነው ሲል አውግዟል። ይህ ደግሞ “ ድመት መንኩሳ አመሏን አትረሳ ” እንደሚባለው ተለወጥን ይሉናል እንጂ ተመልሰን ለ27 አመት ካሳለፍነው በባሰ የሰብአዊ መብት ረገጣ እና አገዛዝ ውስጥ መግባታችንን በግልጽ አመላካች ነው ሲል ገልጾታል። የሰሜን አሜሪካ ባልደራስ የድጋፍ ማህበር በዜጎቻችን ላይ እየተፈጸመ ያለዉን ከፍተኛ የሆነ የመብት ጥሰትና እስር በጥብቅ ያወግዛል፤ የታሰሩ ወገኖቻችንም ያለምንም ቅድመ ሁኔታ ከእስር ባስቸኳይ እንዲፈቱ አሳስቧል። በተጨማሪም ኢትዮጵያ ዉስጥ እየተፈጸመ ያለዉን የመብት ጥሰት አለማቀፉ ማህበረሰብ እንዲያዉቀው ለማድረግ ዘመቻ ስለምንጀምር በመላው አለም የምትኖሩ ኢትዮጵያዊያን የዚሁ ዘመቻ አካል በመሆን በእስር ላይ ለሚገኙት ድምጽ በመሆን የዜግነት ግደታችሁን ትወጡ ዘንድ ጥሪያችንን እናስተላፋለን ብሏል የባልደራስ ድጋፍ ማህበር በሰሜን አሜሪካ።

Source: Link to the Post

Leave a Reply