You are currently viewing ጎንደር ለጥምቀት በዓል 750 ሺህ እንግዶችን በመቀበል ሁለት ቢሊዮን ብር ለማግኘት አቅዳለች። አማራ ሚዲያ ማዕከል/አሚማ    ታህሳስ 23 ቀን 2015 ዓ/ም          አዲስ አበባ ሸዋ…

ጎንደር ለጥምቀት በዓል 750 ሺህ እንግዶችን በመቀበል ሁለት ቢሊዮን ብር ለማግኘት አቅዳለች። አማራ ሚዲያ ማዕከል/አሚማ ታህሳስ 23 ቀን 2015 ዓ/ም አዲስ አበባ ሸዋ…

ጎንደር ለጥምቀት በዓል 750 ሺህ እንግዶችን በመቀበል ሁለት ቢሊዮን ብር ለማግኘት አቅዳለች። አማራ ሚዲያ ማዕከል/አሚማ ታህሳስ 23 ቀን 2015 ዓ/ም አዲስ አበባ ሸዋ በጎንደር በሚከበረው የጥምቀት በዓል ከሀገር ውስጥና ከውጭ ሀገር የሚመጡ ከ750 ሺህ በላይ እንግዶች በመቀበል ሁለት ቢሊዮን ብር የቱሪዝም ገቢ ለማግኘት መታቀዱን የአማራ ክልል ባህልና ቱሪዝም ቢሮ አስታወቀ፡፡ የጎንደር ከተማ አስተዳደር ባህልና ቱሪዝም መምሪያ ለበዓሉ የሚያስፈልጉ ዝግጅቶች መጠናቀቃቸውን ገልጿል። የአማራ ክልል ባህልና ቱሪዝም ቢሮ ምክትል ኃላፊ አቶ ዓባይ መንግሥቴ ለኢትዮጵያ ፕሬስ ድርጅት እንደገለጹት ፤ በዘንድሮ የጥምቀት በዓል ከ750 ሺ በላይ እንግዶች በመቀበል ከቱሪዝም ዘርፉ ከሁለት ቢሊዮን ብር በላይ ገቢ ለማገኘት ታቅዶ እየተሠራ ይገኛል። ባለፉት ሁለት ዓመታት በሰሜን ኢትዮጵያ በነበረው ጦርነትና በኮቪድ-19 ምክንያት በክልሉ የቱሪዝም ዘርፍ ተቀዛቅዞ እንደነበር ያስታወሱት አቶ ዓባይ ፤በ2015 ዓ.ም የተረጋጋ ሁኔታ በመፈጠሩ ቱሪዝምን ለማነቃቃትና በዓላትን በደመቀ ሁኔታ ለማክበር ከመቼውም ጊዜ በላይ በቂ ዝግጅት ተደርጓል ብለዋል፡፡ በጥምቀት በዓል በጎንደር የሚገኙ ሆቴሎች ለእንግዶች ተገቢውን አገልግሎት በተመጣጣኝ ዋጋ እንዲያስተናግዱ ዝግጅት መደረጉን ጠቁመዋል። በዓሉን በስኬት ለማክበር በሰላምና ጸጥታው ፣ በመሠረተ-ልማት ጥገና፣ በንግድ፣ በጤናው ዘርፍና በንጹሕ መጠጥ ውሃ አቅርቦቶች የተሟላ ዝግጅት ለማድረግ እየተሰራ መሆኑ ተገልጧል። ኢፕድ እንደዘገበው።

Source: Link to the Post

Leave a Reply