You are currently viewing “ጥቅምት 24 ቀን መቼም አንረሳውም” በሚል መሪ ቃል  በዛሬው ዕለት በሰሜን ዕዝ ሠራዊታችን ላይ የደረሰው ጥቃት 2ኛ ዓመት የመታሠቢያ ስነ-ስርዓት በተለያዩ የሠራዊቱ ክፍሎች እየተከናወነ እ…

“ጥቅምት 24 ቀን መቼም አንረሳውም” በሚል መሪ ቃል በዛሬው ዕለት በሰሜን ዕዝ ሠራዊታችን ላይ የደረሰው ጥቃት 2ኛ ዓመት የመታሠቢያ ስነ-ስርዓት በተለያዩ የሠራዊቱ ክፍሎች እየተከናወነ እ…

“ጥቅምት 24 ቀን መቼም አንረሳውም” በሚል መሪ ቃል በዛሬው ዕለት በሰሜን ዕዝ ሠራዊታችን ላይ የደረሰው ጥቃት 2ኛ ዓመት የመታሠቢያ ስነ-ስርዓት በተለያዩ የሠራዊቱ ክፍሎች እየተከናወነ እንደሚገኝ ተገለጸ። አማራ ሚዲያ ማዕከል/አሚማ ጥቅምት 24 ቀን 2015 ዓ.ም አዲስ አበባ ሸዋ… አሸባሪው ሕወሓት በሰሜን እዝ የመከላከያ ሰራዊት ላይ ጥቅምት 24 /2013 የፈጸመው አሰቃቂ ጭፍጨፋ 2ኛ ዓመት መታሰቢያ መርኃ ግብርን አስመልክቶ ጥቅምት 23/2015 መከላከያ አጭር ማብራሪያ መስጠቱ ይታወቃል። በዚህም መሰረት ጥቅምት 24/2015 በወልቃይት ጠገዴ ሰቲት ሁመራ ዞን ሁመራን ጨምሮ በተለያዩ አካባቢዎች እለቱ እየታሰበ ከመሆኑም ባሻገር በሰራዊቱ በኩል በመከላከያ ጠቅላይ መምሪያ ደረጃ በልዩ ስነ-ስርዓት፤ እንዲሁም በሃገር ውስጥና በውጭ ያሉ የሰራዊቱ ልዩ ልዩ ክፍሎች አመራርና አባለት፤ ሲቪል ሰራተኞች እየታሰበ መሆኑን አስታውቋል። “ጥቅምት 24 ቀን 2013 ዓ/ም አሸባሪውና ክህደት የማይሰለቸው ህወሓት ሀገር የማፍረስ ተግባሩን ይፋ ያደረገበት ዕለት ነበር፡፡ ቀድሞ ተዘጋጅቶ እና የተለያዩ ስልቶችን ተጠቅሞ፤ በተመሳሳይ ቀንና ሰዓት በሰራዊታችን በተለይም በሰሜን ዕዝ ላይ ሃገራችን ቀርቶ ለዓለም እንግዳ እና ኢ-ተገማች በሆነ መልኩ ጭፍጨፋ የተፈፀመበት ቀን ነው፡፡” ያለው መከላከያ ይህ በትግራይ ክልል በፍፁም ወታደራዊ ዲሲፕሊንና ህዝብ አክባሪነት ከሃያ ዓመታት በላይ ተግባሩን ሲወጣ ስለመቆየቱም አውስቷል። ይህ ተግባር እኛ ኢትዮጵያውንን የማይመጥን መጥፎ የታሪካችን ጠባሳ ስለሆነ ዕለቱን ስናስብ ከእንደዚህ አይነት ጥፋቶች ላለመላመድና ላለመውረስ ፤ እንዲህ አይነት ጥፋት በራሱ፤ አጥፊዎችንም የሚያጠፋ እንደሆነ የምንማርበት አጋጣሚ አድርጎ ማሰብ እንደሚገባ ነው መከላከያ ሰራዊት በማህበራዊ ትስስር ገጹ መልዕክቱን ያጋራው። አሸባሪው ህወሓት በሰሜን እዝ የመከላከያ ሰራዊት በተለይም ዘር እየለዬ በአማራ እና በኦሮሞ ተወላጅ የመከላከያ ሰራዊት አመራሮችና አባላት ላይ የፈጸመው ዘግናኝ ጭፍጨፋ እንዲሁም በተለያዩ የአማራ እና የአፋር አካባቢዎች ካደረሰው የጅምላ ፍጅት አንጻር ተጠያቂነት መስፈን ሲኖርበት በደቡብ አፍሪካ ከመንግስት ጋር በተደረገው ድርድር ግጭትን በዘላቂነት የማቆም ስምምነት ላይ በግልጽ አለመስፈሩ ብዙዎችን እያነጋገረ ነው። ክብር ለሰማዕታት ይሁን!

Source: Link to the Post

Leave a Reply