ፋና ብሮድካስቲንግ ኮርፖሬት 25ኛ ዓመቱን አስመልክቶ የፓናል ውይይት እያካሄደ ነው

ፋና ብሮድካስቲንግ ኮርፖሬት 25ኛ ዓመቱን አስመልክቶ የፓናል ውይይት እያካሄደ ነው

አዲስ አበባ፣ ጥቅምት 14፣ 2013 (ኤፍ.ቢ.ሲ) ፋና ብሮድካስቲንግ ኮርፖሬት 25ኛ ዓመቱን አስመልክቶ ያዘጋጀው የፓናል ውይይት እየተካሄደ ነው፡፡

በፋና ብሮድካስቲንግ ኮርፖሬት የኦፕሬሽን ዘርፍ ምክትል ዋና ስራ አስፈጻሚ አቶ ሰጠኝ እንግዳው እንደተናገሩት የተቋሙ 25ኛ ዓመት አከባበር አካል የሆነው የፓናል ውይይት የተቋሙን ጉዞና አበርክቶ በመዳሰስ ባለፉት ጥንካሬዎች መነሻነት ተቋሙን የተሻለ ተወዳዳሪ ማድረግና ሀገራዊ ተልዕኮውን እንዲወጣ ማገዝን ያለመ ነው፡፡

በፓናል ውይይቱ “ፋና ከየት ወዴት” እንዲሁም “በብሄረ መንግስትና ሀገረ መንግስት ግንባታ የሚዲያ ሚና” በሚሉ ርዕሶች ሁለት ጥናታዊ ጽሁፎች ቀርበው ውይይት ይደረግባቸዋል፡፡

በውይይቱ በሀገረ መንግስትና ብሄረ መንግስት ግንባታ ሂደት የሚዲያውን ጠንካራና ደካማ ጎን በመገምገም በቀጣይ ግብዓት የሚሆን ሃሳቦች እንደሚነሱ ይጠበቃል፡፡

በፓናል ውይይቱ ላይ ምሁራን፣ የፖለቲካ ፓርቲ አመራሮች፣ የሚዲያ ተቋማት ሃላፊዎች፣ ወጣቶች የሙያ ማህበራት ተወካዮችና ሌሎችም ይሳተፋሉ ተብሎም ነው የሚጠበቀው፡፡

25ኛ ዓመቱን እያከበረ የሚገኘው ፋና ብሮድካስቲንግ ኮርፖሬት፡ በቀጣይም በዴሞክራሲያዊ ስርዓት ግንባታ የሚዲያ ሚና እና በሰላም ጋዜጠኝነት ላይ ያተኮረ ተመሳሳይ የፓናል ውይይት እንደሚያዘጋጅ ምክትል ዋና ስራ አስፈጻሚው ተናግረዋል፡፡

The post ፋና ብሮድካስቲንግ ኮርፖሬት 25ኛ ዓመቱን አስመልክቶ የፓናል ውይይት እያካሄደ ነው appeared first on Welcome to Fana Broadcasting Corporate S.C.

Source: Link to the Post

Leave a Reply