You are currently viewing “ፋኖነት በምስጢራዊው ጉባዔ” የተሰኘው በፋኖነት ዙሪያ የሚያጠነጥን የጌትነት ይርሳው መጽሐፍ ተመርቋል። አማራ ሚዲያ ማዕከል/አሚማ    ነሃሴ 9 ቀን 2014 ዓ.ም        አዲስ አበባ ሸ…

“ፋኖነት በምስጢራዊው ጉባዔ” የተሰኘው በፋኖነት ዙሪያ የሚያጠነጥን የጌትነት ይርሳው መጽሐፍ ተመርቋል። አማራ ሚዲያ ማዕከል/አሚማ ነሃሴ 9 ቀን 2014 ዓ.ም አዲስ አበባ ሸ…

“ፋኖነት በምስጢራዊው ጉባዔ” የተሰኘው በፋኖነት ዙሪያ የሚያጠነጥን የጌትነት ይርሳው መጽሐፍ ተመርቋል። አማራ ሚዲያ ማዕከል/አሚማ ነሃሴ 9 ቀን 2014 ዓ.ም አዲስ አበባ ሸዋ “ፋኖነት በምስጢራዊው ጉባዔ” የተሰኘው በፋኖነት ዙሪያ የሚያጠነጥን የጌትነት ይርሳው መጽሐፍ ነሃሴ 8/2014 በባህር ዳር ከተማ በድምቀት ተመርቋል። የመጽሀፉ ደራሲ አቶ ጌትነት ይርሳው “ይኸ እንዲሆን ለደከማችሁ እና አክብራችሁን ለተገኛችሁ፣ ከአራት ሰዐት በላይ ፕሮግራሙን ቁማችሁ ጭምር ለታደማችሁ እና ላስተባበራችሁ ወገኖቼ ሁሉ ክብር ለእናንተ ይሁን!” ሲል ምስጋናውን በማህበራዊ ትስስር ገጹ አጋርቷል። “የአማራ ህዝብ ብቻ ሳይሆን ሀገራችን ኢትዮጵያ የገጠማትን ብርቱ ፈተና በድል የምትቋጨው በፋኖነት መንገድ እንደሆነ በፅኑ አምናለሁ! አንድ አማራ፣ አንድ ፋኖ፣ አንድ እናት ሀገር!” የሚል አቋሙን በተለያዩ ጊዜያት ያሳወቀው ጌትነት ይርሳው ባዘጋጀው “ፋኖነት በሚስጢራዊው ጉባኤ ” በተሰኛው የመጽሀፍ ምርቃት መድረክ ላይ ዶ/ር ደሳለኝ ጫኔ፣ አቶ ዮሃንስ ቧያሌውን ጨምሮ በርካታ ታዳሚዎች ተገኝተዋል። መጽሀፉም በ428 ገጾች፣ በ6 ክፍሎች፣ በ26 ምዕራፎች የተዋቀረው መሆኑ ተገልጧል። ጌትነት ይርሳው ይህንን መጽሀፉን _ከራሱ በላይ ስለወገንና ሀገሩ ስለሚጨነቀው፣ የሀገር ፍቅር ስሜት ውስጡ ስለሚንቦገቦገው፣ በንዋይ ጋጋታ ለማይለወጠው፣ በጭብጨባ ብዛት ልቡ ለማይቀልጠው፣ በቃላት ጋጋታ ለማይበለጠው ፋኖ ብዕሬን እንዳነሳ፣ ለሰፊው ህዝብና ለሚኖሩለት ዓላማ ታማኝ ሆነው ላለፉ፣ እየኖሩ ላሉና ለሚኖሩ ሲል ለጠራቸው ወገኖቸ ሁሉ መታሰቢያነት አድርጓል። ባህር ዳር ዩኒቨርስቲ ያቀረበላቸውን ጥሪ ተቀብለው ሃምሌ 15/2014 በግቢው በመገኘት “ነገ መቼ ነው?” የተሰኘውን መጽሃፋቸውን ያስመረቁት ፕሮፌሰር ምንዳርአለው ዘውዴ ስለፋኖነት ጌትነት ይርሳው እንዳጋራው በዚህ መልኩ ገልጸውታል:_“ የበላይ ዘለቀ፣ የገረሱ ዱኪ፣ የአቡነ ጴጥሮስ፣ የኡመር ሰመትር፣ የሽዋረገድ ገድሌ፣ የአበበ አረጋይ፣ የአሞራው ውብነህ፣ የጃገማ ኬሎ፣ የአቡነ ሚካኤል እና ሌሎች ስመጥር አባቶቻችን ጭምር የጀግንነት ነባር ቅርስ፣ የአልበገር ባይነት ቋሚ ውርስ፣ የነፃነት ፍቅር ቅጥለታዊ ንግስ እና የኢትዮጵያዊነት ህልውናዊ ነፍስ“ እንጅ ዛሬ ላይ የተፈጠረ እሴት አይደለም” ሲሉ ገልጸውታል፡፡ በመጨረሻም ካለፈው ሰኛ ከሃምሌ 25/2014 ዓ.ምጀምሮ በሀሁ መጻህፍት አከፋፋይ አማካኝነት ለንባብ መብቃቱ የተገለጸውን መጽሀፍ ለማግኘት:_ ዋና አከፋፋይ ፦ ሀሁ መጻሕፍት መደብር አድራሻ ፦ ቁ.1 አዲስ አበባ ስታድየም ናሽናል ታዎር. ቁ.2 ሜክሲኮ ደብረ ወርቅ ህንፃ ስ.ቁ. 09 11 00 67 05 መጠቀም እንደሚችሉ ተገልጧል። ከቀናት በፊት አሳዬ ደርቤ “እልልታ የዋጠው እሪታ” የተሰኘውን 4ኛ መጽሀፉን አሳትሞ ገበያ ላይ ማዋሉ ይታወቃል። በተያያዘ የባላገሩ አስጎብኝ ባለቤት እና የባህል አምባሳደር_ተሾመ አየለ (ተሼ ባለሐገሩ) ያዘጋጀው “የሸዋ ተጋድሎ” የተሰኘ የሸዋን ተጋድሎ የሚያስቃኝ ዘጋቢ ፊልም በእምዬ ምኒልክ የንጉሱ ልደት ቀን ነሃሴ 12/2014 በአጼ ዘርዓያቆብ ከተማ ደብረ ብርሃን ላይ በእምዬ ምኒልክ አዳራሽ ተጋባዥ የክብር እንግዶችና የሚዲያ ባለሙያዎች በተገኙበት ከቀኑ 8 ሰዓት ላይ እንደሚመረቅ ታውቋል።

Source: Link to the Post

Leave a Reply