You are currently viewing ፋኖ ሰለሞን አጠናው ከጫካ ቀጥታ ወደ ግንባር ሊዝምት መሆኑን አስታወቀ! ነሐሴ 25/2014 ዓ.ም (አሻራ ሚዲያ)በህግ ማስከበር ሰበብ እኔን በማሳደድ ወደ ጫካና በረሃ ቢያስወጡኝም ሰሞኑን የ…

ፋኖ ሰለሞን አጠናው ከጫካ ቀጥታ ወደ ግንባር ሊዝምት መሆኑን አስታወቀ! ነሐሴ 25/2014 ዓ.ም (አሻራ ሚዲያ)በህግ ማስከበር ሰበብ እኔን በማሳደድ ወደ ጫካና በረሃ ቢያስወጡኝም ሰሞኑን የ…

ፋኖ ሰለሞን አጠናው ከጫካ ቀጥታ ወደ ግንባር ሊዝምት መሆኑን አስታወቀ! ነሐሴ 25/2014 ዓ.ም (አሻራ ሚዲያ)በህግ ማስከበር ሰበብ እኔን በማሳደድ ወደ ጫካና በረሃ ቢያስወጡኝም ሰሞኑን የትግራይ ወራሪ ኃይል ሰሜን ወሎን መውረሩን ተከትሎ ወደ ጦሩ ሜዳ በመሄድ መስዕዋትነት ለመክፈል ዝግጁ መሆኔን እገልፃለሁ ! ፋኖ ሰለሞን አጠናው የተከበርኸው የኢትዮጵያ ህዝብ ሆይ ለ3ኛ ጊዜ ተወረሃል። መንግስት አሳደደኝ ብዬ አኩርፌ ዝም አልልህም ። … ወራሪው የትግራይ ኃይል ከህፃን እስከ ሽማግሌ ህልውናችን ሊያጠፉን ስለመጡ ዝም የምልበት ሞራል ስለሌለኝ ወደ ግንባር በመሄድ ከምስራቅ አማራ ፋኖ ጋር በመሆን የተወረረውን ህዝባችን ለመታደግ ዝግጁ መሆኔን እገልፃለሁ ብሏል። በዚህ ሰዓት ወጣቱ በየጫት ቤቱ በየአረቂ ቤቱ ይሄ ተወረረ ይሄ ተለቀቀ በማለት አሉባልታ ወሬ ከማውራት ነፃነት ስለማይገኝ ሂዱና ተፋለሙ ብሏል። ወጣቱ ባልሆነ ቦታ ጊዜውን ከሚያጠፋ አባቶቻችን በመከራ ያቆዩአትን ሀገር ቢታደግ ከታሪክ ተወቃሽነት ይድናል። ፋኖ ሰለሞን አጠናው የሚመራው የጎንደር ከተማ ፋኖ ጦር ከአሁን በፊት ከጠላት የማረከዉን 70 ክላሽ፣ 15 ብሬን፣ 2 ሞርታር፣ 1 ዲሽቃ፣ ከ2 ሽህ በላይ ተተኳሽ ጥይቶችን እና ቅንቡላ ለመንግስት ማስረከቡ ይታወሳል ። 15 የትሕነግ የሽብር ቡድን ተዋጊ አባላትንም በምርኮኛነት ለመንግስት አስረክቧል። ፋኖ ሰለሞን አጠናው ትህነግ ሁለተኛ ዙር ወረራ ባደረገችበት ማግስት ከ24ተኛ እና ከ53ተኛ ክፍለ ጦር ጋር በደባርቅ ግንባር ዳባት ጭና እና በወቅን ተዋግቷል፥ በጋሸና በኩላ ከእነ ሻለቃ ውባንተ አባተ ጋር በመተባበር በርካታ ምሽጎችን ሰብሯል፥ 3 ወራት በዛሪማ አርማደጋ፣ ከ72ኛ ክፍለ ጦር ጋር ለ10 ቀን፣ ከ31ኛ ክፍለ ጦር ለ42 ቀን፣ ከ55ኛ ክፍለ ጦር ለ29 ቀን አብሮ ታግሏል። ለዚህ ሁሉ ጅብዱ የመከላከያ አመራሮች ዕዉቅና ተሰጥቷል ። በመጨረሻ ፋኖ ሰሎሞን ለአሻራ ሚዲያ በላከው መልዕክት የጎንደር ፋኖ ለማይቀረው ትግል ተዘጋጅታችሁ ግንባር እንገናኝ ሲል መልዕክት አስተላልፏል ። ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply