You are currently viewing ፋኖ አጋዬ አድማሱ የጎቤ መልኬ ወራሽ  ፋኖ አጋዬ አድማሱ የጎቤ መልኬ ወራሽ የሚባለው ተኩሶ የማይስተው፣ ስም ባህሪን ይወልዳል የተባለለት ጀግና ፋኖ ነው። ጦርነት በከበደበት ግንባር ሁሉ “…

ፋኖ አጋዬ አድማሱ የጎቤ መልኬ ወራሽ ፋኖ አጋዬ አድማሱ የጎቤ መልኬ ወራሽ የሚባለው ተኩሶ የማይስተው፣ ስም ባህሪን ይወልዳል የተባለለት ጀግና ፋኖ ነው። ጦርነት በከበደበት ግንባር ሁሉ “…

ፋኖ አጋዬ አድማሱ የጎቤ መልኬ ወራሽ ፋኖ አጋዬ አድማሱ የጎቤ መልኬ ወራሽ የሚባለው ተኩሶ የማይስተው፣ ስም ባህሪን ይወልዳል የተባለለት ጀግና ፋኖ ነው። ጦርነት በከበደበት ግንባር ሁሉ “ና” ይባላል። ይገባል። ድል አድርጎ ይወጣል። አጋዬ አድማሱ፣ ድል ነው መቅደሱ! ተብሎ የተገጠመለት ፋኖ ነው። ከደበረዘቢጥ እስከ ዛሪማ ከማይፀብሪ እስከ ደባርቅ እንደ ቀስት እየተወረወረ ከመከላከያ በፊት እየገባ ከመከላከያ ኋላ ሽፋን እየሰጠ የሚወጣ ቀኝ እጅ ነው። ጀግንነት በአካል ቢገለጥ አጋዬን ነው የሚመስለው! እንደ ስሙ ጠላትን የሚያጋይ የጎቤ መልኬ ታናሽ ወንድም! መከላከያ ሰራዊት አጋዬና ጦሩን ያውቀዋል። “መሳርያ እናስታጥቅልህ” ሲሉት “አይሆንም። ጦሬን የጠላት መሳርያ ነው የማስታጥቀው” ብሎ ጠላት እያጨደ መሳሪያ ለጓደኞቹ የሚያስታጥቅ ጀግና የጀግና ዘር። አንዴ መከላከያና የአጋዬ ጦር የጦር እቅድ ሊያወጡ ይሰበሰባሉ። አጋዬ ከስድስት ወዳጆቹ ጋር ሆኖ ነበር መከላከያ መኮንኖችን ያገኘው። አንዱ መኮንን 7 ብቻ ናችሁ የመጣችሁት? ብሎ ሲጠይቅ፣ የአጋዬን ጀብድ የሚያውቀው ሌላው መኮንን ኸረ እነዚህ የ700 ሰው ግምት ናቸው። ስራቸውን እኛ እናውቃለን ብሎታል። የአጋዬ ጦር ልዩ የሚያደርገው በጥብቅ ዲሲፕሊን የሚመራ፣ የኢትዮጵያ መደፈር የሚያንገበግበው፣ የተኩስ ችሎተው ተመዝኖ፣ ምንም የወንጀል ሪከርድ የሌለው ወዘተ መስፈርት መሰረት የሚመለመል መሆኑ ነው። ዝምተኛ፣ ፎቶና ግርግር የማይወድ፣ ጦሩን በዲሲፕሊን የሚመራ፣ ከመከላከያ ቀድሞ እያገባ የተላትን ሀይል እያደባዬ ልክ የሚያስገባ የወንዶች ቁና! የተባለለት ተኩሶ ከግንባር ውጪ የማይመታ የጁንታው ቅዠት ጎንደርን ያስከበረ ወንድ የወንድ ልጅ! ጎንደር በየአዝማሪ ቤቱ ስሙ ከጎቤ መልኬ ጋር እየተጠራ የሚወደስ ጀግና ነው። እንዲህ ተገጥሞለታል! አጋዬ አድማሱ፥ ጀግና ጎንደሬ ያስደናብራል፥ ሌባ እንደ በሬ! ★★★ ጁንታው ተሸበረ ኸረ እናንተ ሆዬ የፋኖው ግልገል ሲመጣ አጋዬ ★★★ የኢትዮጵያ ልጅ ያንዲትቱ የኢትዮጵያ ልጅ ያውም ያማራ በአፉ ተናግሮ በእጁ የሚሰራ ተወልዷል አሉ ክፉ ኩታራ በየሄደበት ስሙ የሚያስፈራ በየጦር ሜዳው ታሪክ ሚሰራ አጋዬ ጀግናው ወንዱ አማራ ★★★ ሰውየው ሲያዩት ገና ጥቁር ነው ከዚያም ሲያዩት ዝምተኛ ነው ጭንቅላቱ ግን ከባዳ ነው ከያዘ የማይስት የፋኖ ዘር ነው! ጁንታው ደሴ ሲገባ በወሎ ዩኒቨርሲቲ ግድግዳ ላይ እንዲህ ብሎ መፃፉን አንድ የወሎ ዩኒቨርሲቲ መምህር ጎንደር በሄድኩ ጊዜ ነገረኝ:— “ከታሪክ መዝገብ መፋቅ ያለበት ሀገር ጎንደር! ጎንደር! ጎንደር!” ከየትኛውም የአማራ ክልል አከባቢ ጁንታው የፈለጋት ጎንደርን ነበረ። በጎንደር በኩል የቅማንት ታጣቂን ይዞ የሱዳንን ኮሪደር ለመያዝ ሺዎችን ገብሯል። ይህን ህልም ባዶ አድርገው ያስቀሩት እነ አጋዬ አድማሱ ናቸው። ©ሙክታሮቪች ኦስማን

Source: Link to the Post

Leave a Reply