You are currently viewing ፍርድ ቤቱ የደንቢዶሎ ዩንቨርስቲ ተማርዎችን አግተዋል ተብለው የተከሰሱ 3 ተከሳሾችን በነጻ እንዲሰናበቱ ብይን ሰጠ ባህርዳር:- መጋቢት 09/2014 ዓ.ም                 አሻራ ሚዲ…

ፍርድ ቤቱ የደንቢዶሎ ዩንቨርስቲ ተማርዎችን አግተዋል ተብለው የተከሰሱ 3 ተከሳሾችን በነጻ እንዲሰናበቱ ብይን ሰጠ ባህርዳር:- መጋቢት 09/2014 ዓ.ም አሻራ ሚዲ…

ፍርድ ቤቱ የደንቢዶሎ ዩንቨርስቲ ተማርዎችን አግተዋል ተብለው የተከሰሱ 3 ተከሳሾችን በነጻ እንዲሰናበቱ ብይን ሰጠ ባህርዳር:- መጋቢት 09/2014 ዓ.ም አሻራ ሚዲያ የፌደራል ከፍተኛ ፍርድ ቤት ልደታ ምድብ 3ኛ የፀረ ሽብርና ህገመንግስታዊ ጉዳዮች ወንጀል ችሎት በአማራ ክልል የደንቢዶሎ ዩንቨርስቲ ተማርዎችን አግተዋል ተብለው የተከሰሱ 3 ተከሳሾችን በነጻ እንዲሰናበቱ ብይን ሰጠ። ቀሪዎቹ 1ኛ ተከሳሽ ከሊፋ አብዱራሀማን እና ዮሴፍ ጃረታን ጨምሮ 5 ተከሳሾች ደግሞ በተከሰሱበት የወንጀል ህግ አንቀጽ እንዲከላከሉ ብይን ተሰጥቷል። ከሳሽ ዓቃቢህግ ባቀረበባቸው ክስ ላይ ተከሳሾቹ የኦነግ ሸኔ የፖለቲካ ርዕዮተ አለም አላማን ለማራመድ፣ ህብረተሰቡን ለማሸበርና መንግስትን ለማስገደድ በማሰብ የደንቢዶሎ ዩንቨርስቲ ተማሪዎችን ለማገት ከኦነግ ሸኔ አመራሮችና ከአባላት ጋር ከህዳር 22 ቀን 2012 ጀምሮ ሥምምነት መፈጸማቸው አመላክቷል። ረሱቅ አብደላ የተባለው 16ኛ ተከሳሽ በሚያሽከረክረውና ሀምዲ አረብሴ በረዳትነት በሚሰራበት ኮድ 3 ታርጋ ቁ._34629 ኦሮ በቀይ ዶልፊን መኪና፤ የአማራ ብሔር ተወላጆች የሆኑት ተማሪ ሞንሙን በላይ፣ ተማሪ ጤናለም ሙላቴ፣ ተማሪ ሳምራዊት ቀሬ፣ ተማሪ አስቤ አያሌው እና የአካባቢው ኗሪ የሆነችው ተማሪ ትግስት መሳይን እንዲሁም በውል ያልተለዩ ሌሎች ሴቶችንም በደንቢዶሎ ዩንቨርስቲ ተከስቶ የነበረውን የተማሪዎች ግጭት በመፍራት በህዳር 24 ቀን 2012 በመኪና ተሳፍረው እንደነበር ዓቃቢህግ በክሱ ዘርዝሯል። ተማሪዎቹ የተሳፈሩበትን መኪና 1ኛ ተከሳሽ ከሊፋ አብዱራሀማን፣ አብዲ ኢብራሂም፣ ናስር መሀመድ፣ ዮሴፍ ጀረታ፣ አወሉ ጅብሪል፣ ነብዩ ባቤሰር፣ ጋዲሳ ገለቱ የተባሉ ተከሳሾች ካልተያዙ ከሌሎች ግብረአበሮቻቸው ጋር በመሆን ዱላና የጦር መሳሪያ በመያዝ መኪናውን በማስቆም አማረኛ ቋንቋ ተናጋሪ ተማሪዎችን ብቻ በመለየት ከመኪናው አስወርደው በመውሰድ በጫካ ውስጥ ማገታቸውን ዓቃቢህግ በክሱ ገልጿል። የመኪናው ሹፌርና ረዳትም ጉዳዩን ለጸጥታ አካል ሳያሳውቁ መቅረታቸውን በክሱ አመላክቶ ነበር። ተከሳሾቹንም በቁጥጥር ሥር ከዋሉ በኋላ በሐምሌ 10 ቀን 2012 በ1996 የወጣውን ወንጀል ህግ አንቀጽ 32 1ሀ እና አንቀጽ 35:38 እንዲሁም የፀረ ሽብር አዋጅ ቁጥር 652/2001 አንቀጽ 3/3 ድንጋጌን በመተላለፍ ክስ ቀርቦባቸዋል። ተከሳሾቹ ወንጀሉን አለመፈጸማቸውን የዕምነት ክህደት ቃላቸውን መስጠታቸውን ተከትሎ፤ ዓቃቢህግ ወንጀሉ መፈጸማቸውን ያስረዳልኛል ያለውን የሰነድና የሰው ምስክር አቅርቦ ማሰማቱ ይታወሳል። ፍርድ ቤቱም ዓቃቢህግ ያቀረበውን የሰነድና የሰው ምስክሮችን መርምሮ ብይን ለመስጠት ለዛሬ በሰጠው ተለዋጭ ቀጠሮ መሰረት ችሎቱ ተሰይሟል። ፍርድ ቤቱ የቀረበውን ማስረጃ መርምሮ በተከሰሱበት አንቀጽ 1ኛ ከሊፋ አብዱረሀማን፣ ዮሴፍ ጃረታ፣ ጋዲሳ ገለቱ፣ ነብዩ በባከር እና ናስር መሀመድ የተባሉ 5ተ ከሳሾች እንዲከላከሉ ብይን ሰቷል። ሌሎች ሦስት ማለትም ጌታቸው ዮናስ፣ አብደሳ ፋፋ እና ተፈሪ ኒካ የተባሉ ተከሳሾችን ደግሞ በተከሰሱበት ክስ ወንጀሉን ስለመፈጸማቸው በበቂ ማስረጃ አልቀረበባቸውም ሲል ፍርድ ቤቱ በነጻ ማሰናበቱን ተገልጿል። እንዲከላከሉ ብይን የተሰጠባቸው የአምስት ተከሳሾችን የመከላከያ ማስረጃ ውጤት ለመጠባበቅ ለሚያዚያ 3 ቀን ተለዋጭ ቀጠሮ ተሰቷል። ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA

Source: Link to the Post

Leave a Reply