You are currently viewing “ፍትሃዊ የሃብት ክፍፍል ለኢትዮጵያ የግዛት አንድነት መሰረት ነው።”            አሸናፊ ገናን አማራ ሚዲያ ማዕከል/አሚማ…  ነሀሴ 2 ቀን 2014 ዓ.ም        አዲስ አበባ ሸዋ…

“ፍትሃዊ የሃብት ክፍፍል ለኢትዮጵያ የግዛት አንድነት መሰረት ነው።” አሸናፊ ገናን አማራ ሚዲያ ማዕከል/አሚማ… ነሀሴ 2 ቀን 2014 ዓ.ም አዲስ አበባ ሸዋ…

“ፍትሃዊ የሃብት ክፍፍል ለኢትዮጵያ የግዛት አንድነት መሰረት ነው።” አሸናፊ ገናን አማራ ሚዲያ ማዕከል/አሚማ… ነሀሴ 2 ቀን 2014 ዓ.ም አዲስ አበባ ሸዋ የኢትዮጵያ ህዝብ የጋራ በሆነችው ሃገሩ ላይ ኢኮኖሚያዊ ሳቦታጅ እየተፈፀመበት ነው። የመንግስታት መለዋወጥን ምክንያት በማድረግ ኢኮኖሚያዊ ብዝበዛ እየተካሄደ ነው። ስሪተ ተለዋዋጭ በሆነው የኢትዮጵያ ፖለቲካ ውስጥ ብሔርን ከብሔር ፣እምነትን ከእምነት እያጋጩ ማህበረሰባዊ የኢኮኖሚ ፍትህን መቅበር ተቀባይነት የለውም። ከቅርብ ጊዜ ወዲህ በመድናይቱ ዋና ከተማ እየተካሄደ ያለው ጋጠ ወጥ ዝርፊያ እና ከተማይቱን የአንድ ብሔር ለማስመሰል የሚደረገው ክህደት በጊዜ ሊስተካከል ይገባል። የኢትዮጵያን ህዝብ ስርዓት የማያውቁ እና ለሚያስተዳድሩት ህዝብ የማይታመኑ ስግብግቦች እየተቀራመቷት ነው። ህዝባችን ከኮንዶሚኒየም እስከ መሬት ድረስ ወረራ የተፈፀመው በቅርብ ጊዜ አዲስ ስርዓት ፈጣሪ ነን ባዮች ነው። ስለሆነም የህዝብን ሃብት በብሔር ኮታ እና በሃይማኖት ስም አሳልፎ መስጠት ነውረኝነት ነው። የኢትዮጵያ ህዝብ በጋራ የሰራቸውን ተቋማትና የሰራቸውን ከተሞች ጥቂት ወንበደዎች እንዲቀራመቱት ለማድረግ መሞከር ስርዓታዊ ውንብድና ነው። ስለዚህ የኢትዮጵያ ህዝብ በሃገሩ ባይተዋር ሆኖ እና በአብሮነት እሴት የገነባትን ሃገሩን ተራ ምንደኞች እየበለፀጉበት ነው። ይህ የተሳሳተ አካሄድ ኢትዮጵያንና ዜጎቿን እስከ መቸ ሲያስለቅስስ ይኖራል?? በሌላ መልኩ የሃገሪቱን ዋና ከተማ አዲስ አበባ ብቻ ማድረጉ በራሱ የኢኮኖሚያዊ እና ፖለቲካዊ የስበት ማዕከሉን ሚዛን አሳጥቶታል። መንግስት እንዲህ ዓይነት ነገሮችን ለመከላከል በዋናነት አዲስ አበባ ከተማን በተመሳሳይ መንገድ ሌሎች የክልል ከተሞች ላይ እንዲመሰረት ማድረግ ፖለቲካዊ መፍትሔ ነው። መንግስት የከተሞችን ፖለቲካዊ የስበት ማዕከል ፍትሃዊ ለማድረግ አቋራጭ መፍትሔዎችን ይጠቀም ዘንድ እናሳስባለን። በተረኝነት ስም ኢኮኖሚያዊ ውድመትን መፈፀም ዘላቂ ጥቅምን አያረጋግጥም። አዲስ አበባ ከተማ እጅግ ውስብስብ ማህበራዊ ህይዎትን እየገፋች ነው። ነገር ግን የድፕሎማት ከተማ ናት በሚል አምባገነኖች እየተቀራመቱ ለኑሮ የማትመች የወንበዴ መናሃሪያ እያደረጓት ነው። አዲስ አበባ እራሷ ፍትህን እየጠየቀች ነው። የኢትዮጵያ ህዝብ በጋራ የሰራትን ከተማ መሃሉን እሳት ዳሩን ወታደር አድርገውታል። የአዲስ አበባ ህዝብ ሆይ ስለ ህልውናህ ካሰብክ ለመብትህ የምትቆምበት ጊዜ ይሄ ወቅት ነው። ፍትህ ለአዲስ አበባ!!

Source: Link to the Post

Leave a Reply