You are currently viewing ፍ/ቤቱ መምህርት ፣ ፀሐፊ እና ጋዜጠኛ መስከረም አበራን ታህሳስ 27 ቀን 2015 ዓ.ም በድጋሜ እንድትቀርብ  ተለዋጭ ቀጠሮ ሰጠ! ታሕሳስ 20 ቀን 2015 ዓ.ም አሻራ ሚዲያ ፣  ታህሳስ 6…

ፍ/ቤቱ መምህርት ፣ ፀሐፊ እና ጋዜጠኛ መስከረም አበራን ታህሳስ 27 ቀን 2015 ዓ.ም በድጋሜ እንድትቀርብ ተለዋጭ ቀጠሮ ሰጠ! ታሕሳስ 20 ቀን 2015 ዓ.ም አሻራ ሚዲያ ፣ ታህሳስ 6…

ፍ/ቤቱ መምህርት ፣ ፀሐፊ እና ጋዜጠኛ መስከረም አበራን ታህሳስ 27 ቀን 2015 ዓ.ም በድጋሜ እንድትቀርብ ተለዋጭ ቀጠሮ ሰጠ! ታሕሳስ 20 ቀን 2015 ዓ.ም አሻራ ሚዲያ ፣ ታህሳስ 6 ቀን 2015 ዓ.ም በፌደራል ከፍተኛ ፍ/ቤት ቀርባ ለተጨማሪ የምርመራ እና ለምስክር ማሰባሰቢያ በሚል 14 ቀን ይፈቀድልኝ ሲል ፖሊስ በጠየቀው መሰረትም ችሎቱ ሙሉውን በመፍቀድ ታህሳስ 20/2015 ዓ.ም እንድትቀርብ ቀጠሮ መስጠቱን ተከትሎ ዛሬ ከቀኑ 8 ሰዓት ላይ በፌደራሉ ከፍተኛ ፍ/ቤት ልደታ ምድብ የጊዜ ቀጠሮ ችሎት ቀርባለች። በእለቱም ፖሊስ ምርመራዬን ጨርሼ የምርመራ ውጤቱን ለፌደራል ጠቅላይ ዐቃቢ ህግ አስረክቤያለሁ ብሏል። ዐቃቢ ህግ በበኩሉ በችሎቱ ተገኝቶ የምርመራ ውጤቱ ዛሬ ነው የደረሰኝ በመሆኑም የምርመራ መዝገቡን ተመልክቼ በጉዳዩ ላይ ውሳኔ ለመስጠት የ15 ቀን ጊዜ ይሰጠኝ ሲል ጠይቋል። ከሽብር የወንጀል ድርጊት ጋር የተያያዘ እንደመሆኑ መጠን በኢትዮ ንቃት ሚዲያ የተላለፉ የቪዲዮ ማስረጃዎችን ተመልክተን በመዝገቡ ላይ ውሳኔ ለመስጠት ጊዜ ያስፈልጋል ከማለት ያለፈ ግን ዝርዝር ሀሳብ አላቀረበም። በችሎቱ የተገኙት ጠበቃ ሄኖክ አክሊሉ፣ ጠበቃ ሰለሞን ገዛኽኝ፣ ጠበቃ ታለማ ግዛቸው እና ጠበቃ አዲሱ ጌታነህ በመስከረም አበራ ላይ የቀረበውን ጉዳይ እየተከታተሉት ነው። በጠበቆች በኩል ዐቃቢ ህግ ከፖሊስ ጋር አብሮ እየሰራ ባለበት ሁኔታ ዐቃቢ ህግ በምርመራ መዝገብ ላይ ውሳኔ ለመስጠት በሚል ይህን ያህል የተራዘመ ጊዜ ሊሰጠው አይገባም ሲሉ ተከራክረዋል። ችሎቱም የግራ ቀኙን ክርክር ካዳመጠ በኋላ ዐቃቢ ህግ የምርመራ መዝገብ ቁጥር 948/15ን ተመልክቶ ውሳኔ ይሰጥ ዘንድ በሚል የ7 ቀን ጊዜ ቀጠሮ ፈቅዶለታል። በዚህ መሰረት መምህርት እና ጋዜጠኛ መስከረም አበራ የፊታችን ሀሙስ ታህሳስ 27/2015 ከረፋዱ 4 ሰዓት ላይ ፍ/ቤት እንድትቀርብ ተለዋጭ ቀጠሮ የተሰጣት መሆኑን ከባለቤቷ አቶ ፍጹም ገ/ሚካኤል መረጃ አግኝቻለሁ ሲል አሚማ ዘግቧል። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply