You are currently viewing # ፖሊስ በዋስትና እንዲፈቱ በተወሰነላቸው የባልደራስ አባላት እና ሌሎች ላይ ይግባኝ ጠየቀ !! አሻራ ሚዲያ ሰሜን አሜሪካ  # ፖሊስ በጠበቃ አዲሱ ጌታነህ ላይ ውንጀላ ላይ ምስክር እንደሌለ…

# ፖሊስ በዋስትና እንዲፈቱ በተወሰነላቸው የባልደራስ አባላት እና ሌሎች ላይ ይግባኝ ጠየቀ !! አሻራ ሚዲያ ሰሜን አሜሪካ # ፖሊስ በጠበቃ አዲሱ ጌታነህ ላይ ውንጀላ ላይ ምስክር እንደሌለ…

# ፖሊስ በዋስትና እንዲፈቱ በተወሰነላቸው የባልደራስ አባላት እና ሌሎች ላይ ይግባኝ ጠየቀ !! አሻራ ሚዲያ ሰሜን አሜሪካ # ፖሊስ በጠበቃ አዲሱ ጌታነህ ላይ ውንጀላ ላይ ምስክር እንደሌለው አመነ !! / በአፈሳ ከታሰሩት የባልደራስ ለእውነተኛ ዴሞክራሲ ፓርቲ (ባልደራስ) አባላት መካከል ከፊሎቹ ለእያንዳዳቸው በ8 ሺህ ብር ዋስትና ከእስር እንዲፈቱ የፌዴራሉ የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ችሎት ትናንት ሰኞ፤ ግንቦት 22 ቀን 2014 ዓ.ም. በይኗል። በዚሁ መሰረት ፍቅረ ማርያም ሙላቱ፣ ሰሎሞን አላምኔ፣ ደረጀ ይበይን፣ በሃይሉ ማሞ፣ መኮንን ደመቀ፣ አቤል ሰሎሞን፣ ጸጋዬ ታደሰ፣ ዘመድ እናት እና በድሉ ቦጋለን ጨምሮ በድሞሩ 17 ወጣቶች እንዲፈቱ የእስር ፍርድ ቤቱ የበየነ ቢሆንም ፖሊስ ይግባኝ ጠይቋል። ዛሬ ይግባኝ ሰሚ ችሎት የቀረቡት ወጣቶቹ፤ በጠበቆቻቸው ቤተማርያም አለማየሁና ሔኖክ አክሊሉ በኩል ለነገ ጧት ምላሽ ይሰጣሉ። ይግባኝ ሰሚ ችሎቱም ከነገ በስቲያ ብይን እንደሚሰጥ አስታውቋል። በተያያዘ ዜና ፣ ጠበቃ አዲሱ ጌታነህ ዛሬ ማክሰኞ ግንቦት 23 ቀን 2014 ዓ.ም. የፌዴራሉ የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ችሎት ቀርቧል። ፖሊስ በአዲሱ ላይ ያዘጋጃቸው ምስክሮች እንደጠፉበት ተናግሯል። በመሆኑም በአሁኑ ሰዓት ውንጀላውን የሚያስረዳበት ምስክር የለውም። ማስረጃዎችን ከባንክ፣ ከከብሔራዊ ደህንነት (ስለላ) መሥሪያ ቤት እና ከቴሌ ኮሙኒኬሽኝ ለማሰባሰብ ብሎም የጠፉ ምስክሮችን ለመፈለግ ወይም አዲስ ምስክር ለማዘጋጀት የ14 ቀናት የምርመራ ጊዜ እንዲሰጠው ጠይቋል። የተከሳሹ ጠበቃ በበኩላቸው አዲሱ በዋስትና ከእስር እንዲፈታ ጠይቀዋል። ሆኖም ፍርድ ቤት ለፖሊስ ሰባት ተጨማሪ የምርመራ ቀናት በመፍቀድ፣ ለግንቦት 30 ቀን 2014 ዓ.ም. ተለዋጭ ቀጠሮ ሰጥቷል። ምንጭ:- ባልደራስ

Source: Link to the Post

Leave a Reply