You are currently viewing ♦ የመኪና  መንጃ ፈቃድ የሌለው እና መኪና ነድቶ የማያውቀው አቶ ካሱሁን ደስታ ፤ በመኪና እየተንቀሳቀሰ አመጽ ቀስቅሳል ተባለ ! የባልደራስ ለእውነተኛ ዲሞክራሲ ፓርቲ አባል የሆነው አቶ ካ…

♦ የመኪና መንጃ ፈቃድ የሌለው እና መኪና ነድቶ የማያውቀው አቶ ካሱሁን ደስታ ፤ በመኪና እየተንቀሳቀሰ አመጽ ቀስቅሳል ተባለ ! የባልደራስ ለእውነተኛ ዲሞክራሲ ፓርቲ አባል የሆነው አቶ ካ…

♦ የመኪና መንጃ ፈቃድ የሌለው እና መኪና ነድቶ የማያውቀው አቶ ካሱሁን ደስታ ፤ በመኪና እየተንቀሳቀሰ አመጽ ቀስቅሳል ተባለ ! የባልደራስ ለእውነተኛ ዲሞክራሲ ፓርቲ አባል የሆነው አቶ ካሱሁን ደስታ ከጠበቃ ሔኖክ አክሊሉ ጋር በዛሬው ዕለት ታኅሣሥ 13 ቀን 2015 ዓ.ም. የመ/ደ/ፍ/ቤት አራዳ ምድብ ችሎት ቀርበዋል። ከታኅሣሥ 3 ቀን 2015 ዓ.ም. ጀምሮ በእስር ላይ የሚገኘውን አቶ ናትናኤል ያለምዘውድ ለመጠየቅ በሄዱበት ፖሊስ ጣቢያ ለእስር የተዳረጉት አቶ ካሱ ደስታ ለባለፉት 10 ቀናት አዲስ አበባ ፖሊስ ኮሚሽን በተለምዶ አጠራር 3ኛ ፓሊስ ጣቢያ (ማዕከላዊ) ታሰረው ይገኛሉ ። እስረኛን ለመጠየቅ ሄዶ እስረኛ የሆነው አቶ ካሱሁን ደስታ ፤ ፍርድ ቤት በሚቀርብበት ወቅት ፖሊስ አቶ አቶ ካሱን ደስተ ይዤ ፍርድ ቤት ያቀረብኳቸው ” ከአንድ ግብረአበሩ ጋር በመሆን መኪና ይዞ በመንቀሳቀስ አመሃ ደስታ ት/ቤት በር ላይ በማቆም፣ ተማሪዎቹን እኛ ከኋላችሁ አለን በማለት፤ ተማሪ ሲያሳምፁ ነበር ። ይህም ሰለመሆኑ የሰው አስረጂ ምስክር አለኝ” በማለት ፖሊስ ለፍርድ ገልጿል ። ፖሊሱ አያይዞ እንደገለጸው “የሰው እና የሰነድ ማስረጃቸውን ለማደራጀት እና ምርመራዬን አጠናክሬ እንድመጣ ተጨማሪ 14 የምርመራ ቀናት ይስጠኝ ” በማለት ለፍርድ ቤት ጠይቋል። የተከሳሽ ጠበቃ ሔኖክ አክሊሉ በፖሊስ በኩል ለቀረበው ጥያቄ እና የምርመራ መዝገብ ለፍርድ ቤት በሰጡት ምላሽ ” ደምበኛዬ አቶ ካሱሁን ደስታ የመኪና መንጃ ፈቃድ የሌለው እና መኪና ነድቶ አያውቅም። አቶ ካሳሁን የተያዙት ቀድመዋቸው የታሰሩትን ጓደኛቸውን አቶ ናትናኤል ለመጠየቅ በሄዱበት ፖሊስ ጣቢያ ነው። በየትኛው ትምህርት ቤት አካባቢ አልተያያዙም ፣ የትኛውንም ተማሪ ለአመጽ አልቀሰቀሱም ፤ በደንበኛዬ ላይ የቀረበው የምርመራ መዝግብ ሐሰት ነው” በማለት ጠበቃ ሔኖክ አክሊሉ ለፖሊስ ምላሽ በመስጠት ፤ በፖሊስ የተጠየቀው የ14 ቀን የምርመራ የጊዜ ቀጠሮ አግባብ አይደለም ። ፍርድ ቤቱ የፖሊስ የምርመራ መዝገብ አይቶ እና መርምሮ ተገቢ ነው የሚለውን ትዕዛዝ ይስጥልን ። በማለት ጠበቃ ሔኖክ አክሊሉ ምላሻቸውን ሰጥተዋል ። የግራና የቀኝ ክርክር የሰማው የመ/ደ/ፍ/ቤት አራዳ ምድብ ችሎት በአቶ ካሱሁን ደስታ የተከፈተውን የፖሊስ የምርመራ መዝገብ መርምሮ ውሳኔ ለመስጠት ለነገ ታኅሣሥ 14 ቀን 2015 ዓ.ም. ጠዋት 3፡30 ተለዋጭ ቀጠሮ ሰጥቷል ። ምንጭ ይድነቃቸው ከበደ

Source: Link to the Post

Leave a Reply