You are currently viewing ♦ የፌደራሉ ከፍተኛ ፍርድ ቤት በጋዜጠኛ መዓዛ መሃመድና ጎበዜ ሲሳይ ላይ የክስ መመስረቻ አምስት ቀናት የጊዜ ቀጠሮ ሰጠ ! የአማራ ሚዲያ ማእከል መስከረም 11 2015 አ/ም  አዲስ አበባ…

♦ የፌደራሉ ከፍተኛ ፍርድ ቤት በጋዜጠኛ መዓዛ መሃመድና ጎበዜ ሲሳይ ላይ የክስ መመስረቻ አምስት ቀናት የጊዜ ቀጠሮ ሰጠ ! የአማራ ሚዲያ ማእከል መስከረም 11 2015 አ/ም አዲስ አበባ…

♦ የፌደራሉ ከፍተኛ ፍርድ ቤት በጋዜጠኛ መዓዛ መሃመድና ጎበዜ ሲሳይ ላይ የክስ መመስረቻ አምስት ቀናት የጊዜ ቀጠሮ ሰጠ ! የአማራ ሚዲያ ማእከል መስከረም 11 2015 አ/ም አዲስ አበባ ኢትዮጵያ ላለፉት 15 ቀናት በፌደራል ፖሊስ አዲስ አበባ ሚክሲኮ በሚገኘው ወንጀል ምርመራ ታስረው የሚገኙት ጋዜጠኛ ጎበዜ ሲሳይ እና መዓዛ መሐመድ በዛሬው ዕለት መስከረም 11 ቀን 2015 ዓ.ም. ከጠበቆቻቸው ጋር በፌደራል ከፍተኛ ፍርድ ቤት ልደታ ምድብ ተረኛ ወንጀል ችሎት ቀርበዋል ። ዐቃቤ ህግ በዛሬው ዕለት ለችሎት እንደገለጸው ፤ በጋዜጠኛ መዓዛ መሃመድና ጎበዜ ሲሳይ ላይ ክስ ለመመስረት 15 ቀን የጊዜ ቀጠሮ ይሰጠኝ ሲል ችሎቱን ጠይቋል፡፡ ዐቃቤ ሕግ ጋዜጠኞቹን ሐሰተኛ መረጃ በማሰራጨት ፣ የመከላከያን ሚስጥራዊ ጉዳዮች ለህዝብ ማድረስና የመከላከያ ሰራዊቱን የመዋጋት ሞራል ለማደብዘዝ ሞክረዋል ፤ በማለት ክስ ለመመስረት መዘጋጀቱን በመግለጽ የክስ መመስረቻ 15 ቀን የጊዜ ቀጠሮ ይሰጠኝ ሲል ጠይቋል፡፡ የጋዜጠኞቹ ጠበቆች ፤ ለዐቃቤ ሕግ በሰጡት ምላሽ ፤ ፍርድ ቤቱ ዐቃቤ ሕግ ያቀረበውን ጥያቄ ውድቅ በማድረግ የተጠርጣሪዎችን ዋስትና መብት እንዲከበር ጠይቀዋል ። ጠበቆቹ አያይዘውም እንደገለጹት ተጠርጣሪዎቹ ጋዜጠኞች በመሆናቸው እና ፈጸሙት የተባለው ወንጀል በሚዲያ እንደመሆኑ መጠን ፤ በመገናኛ ብዙሃን አዋጅ ቁጥር 1238/2013 አንቀጽ 86 ቁ 1 መሠረት “በመገናኛ ብዙሃን አማካይነት የወንጀል ድርጊት በመፈፀም የተጠረጠረ ማንኛውም ሰው ወይም አካል በወንጀል ሥኑ ሥርዓት ሕግ ድንጋጌዎች መሠረት ለተጨማሪ ምርመራ በእስር እንዲቆይ ሳይደረግ ክሱ በቀጥታ በዓቃቤ ሕግ አማካኝነት ለፍርድ ቤት መቅረብ አለበት ” በማለት የተደነገገ በመሆኑ የጊዜ ቀጠሮ ሳይሰጥ በቀጥታ ክስ ይመሠረት እንጂ ተጨማሪ ጊዜ የሚያሰጥ ስርዓት የለም። ይህም በመሆኑ ፍርድ ቤቱ የደንበኞቻችንን የዋስትና መብት አክብሮ ከእስር እንዲፈቱ ትዕዛዝ ይስጥልን በማለት ምላሽ ሰጥተዋል ። ፍርድ ቤት የገራና ቀኝ ክርክር ከሰማ በኋላ ዐቃቤ ሕግ በአምስት(5) ቀናት ውስጥ ክስ እንዲመሰረት ለመስከረም 16 ቀን 2015 ዓ.ም. ቀጠሮ ሰጥቷል ። ኢትዮጵያ ኢንሳይደር እንደዘገበው

Source: Link to the Post

Leave a Reply