You are currently viewing ♦ ጋዜጠኛ ዓባይ ዘውዱ  “በሽብር ወንጀል ሁከት እና ብጥብጥ ለመፍጠር ” ቅስቀሳ አድርጓል በማለት ፖሊስ የምርመራ ጊዜ ቀጠሮ ጠየቀ! ” ….በህወሓት መራሹ የኢህአዴግ አገዛዝ ወቅት በግፍ…

♦ ጋዜጠኛ ዓባይ ዘውዱ “በሽብር ወንጀል ሁከት እና ብጥብጥ ለመፍጠር ” ቅስቀሳ አድርጓል በማለት ፖሊስ የምርመራ ጊዜ ቀጠሮ ጠየቀ! ” ….በህወሓት መራሹ የኢህአዴግ አገዛዝ ወቅት በግፍ…

♦ ጋዜጠኛ ዓባይ ዘውዱ “በሽብር ወንጀል ሁከት እና ብጥብጥ ለመፍጠር ” ቅስቀሳ አድርጓል በማለት ፖሊስ የምርመራ ጊዜ ቀጠሮ ጠየቀ! ” ….በህወሓት መራሹ የኢህአዴግ አገዛዝ ወቅት በግፍ ታስሮ ብዙ መከራና አሰቃቂ . . .” ጳጉሜ 5 ቀን 214 ዓ.ም ለእስር የተዳረገው የአማራ ሚዲያ ማእከል ጋዜጠኛ የሆነው ዓባይ ዘውዱ በትናንትናው ዕለት መስከረም 2 ቀን 2015 ዓ.ም በፌደራል ከፍተኛ ፍርድ ቤት ልደታ ምድብ ተረኛ ወንጀል ችሎት ቀርቧል። ጋዜጠኛ ዓባይ ዘዉዱ የአማራ ተወላጆች በግፍ ተገድለዋል በማለት ለዓለም አቀፍ ተቋማት ፎቶ ግራፍ በማሰባሰብ እና በመላክ መንግስት ላይ ጫና እንዲፈጠር አድርጓል በማለት ፖሊስ የግዜ ቀጠሮ መጠየቂያ መዝገብ ላይ ለፍርድ ቤት አቤቱታውን አቅርቧል ። የፌደራል ፖሊስ በጋዜጠኛ ዓባይ ዘዉዱ ላይ ያቀረበው የምርመራ መዝገብ እንደሚከተለው ነው ፦ ” ዓባይ ዘዉዱ ደመቀ በተጠረጠረበት የሽብር ወንጀል ድርጊት ጉዳይ ሁከት እና ብጥብጥ ለመፍጠር የአማራ ብሔር ተዎላጆች በግፍ ተገድለዋል በማለት ፎቶ ግራፍ በማሰባሰብ ለዓለም ዓቀፍ ድርጅቶች በመስጠት በመንግስት ላይ ጫና እንዲፈጠር በማሰብ የተሳሳተ መረጃ የሚያሰራጭ እንዲሁም አማራ ተጨቁኗል በሚል ሽፋን የአማራ ተማሪዎችን እና ማህበራትን ለዓመጽ በማደራጀት ህገ መንግስቱን እና ህገመንግስታዊ ስርዓቱን በኃይል ለመናድ ከሌሎች ካልተያዙ ግበረ አበሮች ጋር በመሆን ቅስቀሳ በማድረግ የሽብር ጥቃት ለመፈጸም በእንቅስቃሴ ላይ እያለ ከቀን 05/13/2014 ዓ/ም ጀምሮ በቁጥጥር ስር ውሎ በምርመራ ቢሯችን በእስር ላይ ይገኛል። ስለሆነም የምርመራ ስራችንን በሰው እና በሰነድ ማስረጃ በተገቢ ሁኔታ ለማጣራት የ14 ቀን የምርመራ ማጣሪያ ጊዜ ቀጠሮ እንዲፈቀድ እንጠይቃለን። ” በማለት ፤ ፖሊስ ባቀረበው የምርመራ ማጣሪያ የ14 ቀን ጊዜ ቀጠሮ የጠየቀ ቢሆንም ፤ ፍርድ ቤቱ መስከረም 5 ቀን 2015 ዓ.ም. ተለዋጭ ቀጠሮ ሰጥቷል ። የአማራ ሚዲያ ማዕከል ዋና አዘጋጅ ጋዜጠኛ አባይ ዘውዱ ከአንድ ዓመት በፊት ሐምሌ ወር 2013 ዓ.ም. አውቶብስ ተራ፤ አጥናፍ ሆቴል ጀርባ የተፈናቀሉ ወገኖችን በማነጋገር ላይ እያለ በፖሊስ ለ1 ሳምንት ያህል ታስሮ ነበር ። ዓባይ ዘውዱ ! የተፈናቀሉ ወገኖቻችን ድምጽ በመሆን ፣ የደረሰባቸውን በደል ህዝብ እንዲያውቅ ፣ የሚመለከተው አካል አቤት እንዲል እና የሰዎችን ሰቆቃ በመዘገቡ፣ የጉፉሃን ድምጽ በመሆን ይታወቃል። ዓባይ ዘውዱ በህወሓት መራሹ የኢህአዴግ አገዛዝ ወቅት በግፍ ታስሮ ብዙ መከራና አሰቃቂ የትግል ሕይወት አሳልፏል ። አሁን ላይ “ጁንታ” የተባለውን የህወሓት የአገዛዝ ሥርዓት ለማስወገድ በተደረገው ትግል ከፍተኛ ዋጋ ከከፈሉት አንዱ እሱ ነው ! እንደ ዛሬው ” እኔን ነኝ” ባይ ሳይበዛ በክፉ ጊዜ ሰው ሆኖ የተገኘ ሰው ነው !! https://youtu.be/2MNgfG-g9tc በይድነቃቸው ከበደ

Source: Link to the Post

Leave a Reply