❝የሽብርተኛው ህወሓት የሐሰት ፕሮፖጋንዳ የሠራዊታችንን የድል ግስጋሴ አይገታውም !❞ መከላከያ ሠራዊት ጥቅምት 16/02/2014 ዓ.ም ሽብርተኛው ከሚታወቅባቸው ስልቶቹ መሀል አንዱ ቅጥፈቱ…

❝የሽብርተኛው ህወሓት የሐሰት ፕሮፖጋንዳ የሠራዊታችንን የድል ግስጋሴ አይገታውም !❞ መከላከያ ሠራዊት ጥቅምት 16/02/2014 ዓ.ም ሽብርተኛው ከሚታወቅባቸው ስልቶቹ መሀል አንዱ ቅጥፈቱ ነው ፡፡ ጉልበት ሲያንሰው ምላሱ ይረዝማል ፤ ያልሆነውን ሆንኩ ፣ ያላደረገውንም አደረኩ…ይላል ፡፡ ይህ ደግሞ ጥርሱን የነቀለበት እና ተወልዶ ያረጀበት ባህሪው ነው ፡፡ አንድም ቀን ከአፉ እውነት ተገኝታ የማታውቀው ይህ ሽብርተኛ ፣ ሽንፈቱን የሚሸፍነው የሠራዊታችንን ስም በማጠልሸት ነው ፡፡ ደጋፊዎቹ ኪሳራውን እንዳያወቁ ፣ ሰላማዊው ሕዝብ ልጆቹን እና ምግብ እንዳይጠይቅ እንዲሁም ዓለም አቀፉ ማኅበረሰብ ነውረኝነቱን እንዳይገነዘብ ሁል ጊዜ የተለመደች ስልት አለችው – የሠራዊታችንን ስም ማጠልሸት፡፡ ጀግናው ሠራዊታችን ባልዋለበት እና ባህሪው ባልሆነው ጉዳይ በጁንታው ፕሮፖጋንዲስቶች በስሙ ተደጋጋሚ ድራማ እየተሠራበት አይተናል፤ ሰምተናል፡፡ እዚህ ቦታ ሰላማዊ ሕዝብ ገደል ከተተ ፣ እዛ ደግሞ አቃጠለ… የሚሉ በውሸት ተቀነባብረው ለዓለም የደረሱ ተውኔቶችን ታድመናል ፡፡ እነዚህ በተደጋጋሚ በመከላከያ ኃይላችን ላይ ሲደረጉ የነበሩት የስም ማጥፋት ዘመቻዎች ልክ ፀሐይ እንደመታው የጠዋት ጤዛ ወዲያው እውነታው ታውቆ ይጋለጣሉ ፡፡ ለጊዜው ደጋፊዎቹን ቢያስጨፍርም የኋላ ኋላ እውነቱን ሕዝባችን እና ዓለም አቀፉ ማኅበረሰብ እየተገነዘቡት መጥተዋል፡፡ መዋሸት የማይሰለቸው ይህ ቡድን አሁንም የሠራዊታችንን ስም ለማጥቆር በእንቅስቃሴ ላይ ይገኛል ፡፡ ሠራዊቱ ሰላማውያንን ገደለ ፣ አረደ …የሚሉ ከብት ባልዋለበት አይነት ድራማ ለማሳየት በዝግጅት ላይ ይገኛል ፡፡ ይህም እንደ ከዚህ ቀደሞቹ እርቃኑን መቅረቱ አይቀርም፤ ምክንያቱም ቅጥፈትን የሚሸከም ሕዝብ ስለሌለን ፡፡ የመከላከያ ሠራዊታችን ሰብዓዊ ስሜት ያለው ሕዝባዊነቱን ዛሬ ዛሬ አሸባሪው ህወሓት ቢክድም ዓለም የሚያውቀው ጉዳይ ነው ፡፡ ሕዝብ ሲቸገር የሚያካፍል ፣ ሲታመም የራሱን መድኃኒት የሚሰጥ ፣ ሕዝብ ሲጠማ የሚያጠጣ ፣ ሊገሉት የመጡት ሲማረኩ እንኳን የራሱን ሬሽን አካፍሎ ጦሙን የሚውል አዛኝ ፣ ሩህሩህ እና ደግ ሠራዊት ነው ያለን ፡፡ የሠራዊታችን ባህሪ ይህ ሆኖ ሳለ የአሸባሪው ህወሓት ደጋፊዎች ሰሞኑን የተለመደ የፈጠራ ሥራ እየፈበረኩ በማኅበራዊ ሚዲያ ያሰራጩት የሠራዊቱን የደንብ ልብስ በመጠቀም በተደመሰሱት ታጣቂዎቹ ላይ የሚፈጽመው የተለመደ ድራማ መሆኑን ሕዝባችን እንዲረዳ እየገለጽን ሠራዊታችን ወደፊትም የጀመረውን ሽብርተኞችን የማጽዳት ዘመቻ ከግብ ያደርሳል ፡፡ ምንም እንኳን ጠላቶቹ ያልዋለበትን እና ባህሪው ያልሆነውን ጭቃ ሊለጥፉበት ቢሞክሩም ፣ እሱ ግን እንደ እስካሁኑ ለእውነት እና ርትዕ በመቆም የድል ግስጋሴውን አጠናክሮ ይቀጥላል፡፡ ለፈጣንና አዳዲስ መረጃዎች የአይበገሬዎቹ ልሳን:- https://www.facebook.com/asharamedia24 ቴሌግራም :- https://t.me/asharamedia24 ለፈጣንና አዳዲስ መረጃዎች የአይበገሬዎቹ ልሳን:- https://t.me/asharamedia24 Facebook :- https://www.facebook.com/asharamedia24 ዩትዩብ:- https://bit.ly/33XmKro

Source: Link to the Post

Leave a Reply