100 ዘመናዊ የህዝብ ትራንስፖርት አውቶብሶች በዛሬው እለት ወደ ስራ መግባታቸው ታውቋል።
ከንቲባ አዳነች አቤቤ የህዝቡን የትራንስፖር ችግር እና የመንገድ ችግሮችን ለመቅረፍ ከተማ አስተዳደሩ በትኩረት እየሰራ ነው ብለዋል።
200 ቀሪ አውቶብሶች በቅርብ ጊዜ ውስጥ እንደሚገቡም ተናግረዋል።
የከተማ አስተዳደሩ ትራንስፖርት ቢሮ ኃላፊ ሞትኩ አስማረ በተለይ በከተማዋ የሚስተዋለውን የትራንስፖርት ችግር እና ትራንስፖርት ለማግኘት የሚስተዋሉ ረጃጅም ሰልፎችን ለመቅረፍ በእቅድ እየተሰራ መሆኑን ገልፀዋል።
አውቶብሶቹ ዘመናዊ ቴክኖሎጅ የተገጠመላቸው ሲሆኑ፥ ለአብነትም መስማት ለተሳናቸው መንገደኞች በምልክት እንዲግባቡ የሚያስችሉ ቴክኖሎጅዎች ተገጥመዋላቸዋል መባሉን የኤፍ ቢ ሲ ዘገባ ያመለክታል።
በተጨማሪም የደህንነት ካሜራ እና መሰል ቴክኖሎጅዎች መኖራቸው ተመላክቷል።
በምረቃ ስነ ስርዓቱ የትራንስፖርት እና ሎጅስቲክስ ሚኒስትሩ አለሙ ስሜን ጨምሮ ጥሪ የተደረገላቸው እንግዶች ተገኝተዋል።
የትራንስፖርት እና ሎጅስቲክስ ሚኒስትር አለሙ ስሜ ከተማ አስተዳደሩ ያቀረባቸው ዘመናዊ አውቶብሶች በከተማው የሚስተዋለውን የትራፊክ መጨናነቅ በመቀነስ ረገድ የማይተካ ሚና አላቸው ብለዋል።
ይህን ተሞክሮ ወደ ሌሎችም አካባቢዎች ለማዳረስ እንደሚሰራም ጠቁመዋል።
አውቶብሶቹ 3 ነጥብ 8 ቢሊየን ብር ወጪ እንደተደረገባቸው ተገልጿል።
ኢትዮ ኤፍ ኤም 107.8 የኢትዮጵያዊያን
የካቲት 04 ቀን 2015 ዓ.ም