You are currently viewing 12 የሚሆኑ የሰብዓዊ መብት ሲቪል ማኅበራት በኢሰመጉ አራት ሰራተኞች ላይ የተፈጸመውን እስር በማውገዝ በአስቸኳይ ከእስር እንዲፈቱ ብሎም የመንግሥት አካላት ለሕግ እንዲቀርቡ በጋራ መግለጫቸው…

12 የሚሆኑ የሰብዓዊ መብት ሲቪል ማኅበራት በኢሰመጉ አራት ሰራተኞች ላይ የተፈጸመውን እስር በማውገዝ በአስቸኳይ ከእስር እንዲፈቱ ብሎም የመንግሥት አካላት ለሕግ እንዲቀርቡ በጋራ መግለጫቸው…

12 የሚሆኑ የሰብዓዊ መብት ሲቪል ማኅበራት በኢሰመጉ አራት ሰራተኞች ላይ የተፈጸመውን እስር በማውገዝ በአስቸኳይ ከእስር እንዲፈቱ ብሎም የመንግሥት አካላት ለሕግ እንዲቀርቡ በጋራ መግለጫቸው ጠይቀዋል። አማራ ሚዲያ ማዕከል/አሚማ ጥር 2 ቀን 2015 ዓ/ም አዲስ አበባ ሸዋ የኢትዮጵያ ሰብዓዊ መብቶች ጉባኤ (ኢሰመጉ) የሰብዓዊ መብት ባለሙዎችን በአዲስ አበባ ቤታቸው የፈረሰባቸው ሰዎችን፣ ቅሬታ ተቀብለው ለምርመራ በወጡበት መታሰራቸውን በማውገዝ መግለጫ ማውጣቱ ይታወሳል። ይህን ተከትሎም 12 የሰብዓዊ መብት ድርጅቶች በሰራተኞች ላይ የተፈጸመውን እስር በማውገዝ የጋራ መግለጫ በማውጣት በአስቸኳይ እንዲፈቱ ጥሪ አድርገዋል፡፡ ከዚህም በሻገር በሰራተኞቹ ላይ የዘፈቀደ እስር የፈጸሙ የመንግሥት አካላትም በህግ እንዲጠየቁ ድርጅቶቹ ጠይቀዋል፡፡ በአዲስ አበባ ዙሪያ እየተካሄደ ባለው የቤት ማፍረስ ተግባር ቤታቸው የፈረሰባቸው ሰዎች ጉዳዩን እንዲያጣሩ፣ የተመደቡት ሦስት የኢሰመጉ ባለሙያዎች እና የድርጅቱ ሹፌር እንዲሁም፣ የድርጅቱ መኪና በፖሊስ ቁጥጥር ሥር ውለው ገላን ጉዳን ፖሊስ ጣቢያ እንደታሰሩ በመቀጠልም በሰበታ ፍ/ቤት ቀርበው ለጥር 3/2015 ተለዋጭ ቀጠሮ የተሰጣቸው መሆኑን ኢሰመጉ መግለጹ ይታወሳል። ኢትዮጵያ አለም አቀፍ እና አህጉራዊ የሰብአዊ መብት ስምምነቶችን እንዲሁም፣ በሕገ መንግሥቱ የተጠበቁ የሰብአዊ መብቶችን የማክበር እና የማስከበር እና የሰብአዊ መብቶች የሚጠበቁበትን ሁኔታዎች የማሟላት ኃላፊነት እንዳለበት በማስታዎስ የጋራ መግለጫውን ካወጡትም መካከልም የሚከተሉት ይገኙበታል:_ 1) የኢትዮጵያ ሰብአዊ መብት ድርጅቶች ማኅበር፣ 2) የኢትዮጵያ ሰብአዊ መብቶች ጉባኤ፣ 3) የመብቶች እና የዲሞክራሲ እድገት ማዕከል፣ 3) የሰብአዊ መብቶች ጠበቆች፣ 4) የኢትዮጵያ የህግ ባለሙያ ሴቶች ማህበር፣ 5) የኢትዮጵያ ሰብአዊ መብት ተሟጋቾች ማዕከል፣ 6) የኢትዮጵያ ሴቶችና ህጻናት ማህበር፣ 7) ማኅበር ለሰብአዊ መብቶች በኢትዮጵያ እና 8) የሴቶች የሰላም እና ማህበራዊ ትብብር ይገኙበታል፡፡

Source: Link to the Post

Leave a Reply