16ቱ አብሮ አደግ ጓደኛሞች በአንድ ቀን የዶክትሬት ዲግሪያቸውን እውን አድርገዋል:: (መስከረም 14/2015 ዓ.ም አሻራ ሚዲያ) የአዲስ አበባ ዩኒቨርስቲ የጤና ሳይንስ ኮሌጅ ዘንድሮ በመጀመ…

16ቱ አብሮ አደግ ጓደኛሞች በአንድ ቀን የዶክትሬት ዲግሪያቸውን እውን አድርገዋል:: (መስከረም 14/2015 ዓ.ም አሻራ ሚዲያ) የአዲስ አበባ ዩኒቨርስቲ የጤና ሳይንስ ኮሌጅ ዘንድሮ በመጀመሪያ ዲግሪ ከሚያስመርቃቸው ከ250 ከሚበልጡ የሕክምና ተማሪዎች ውስጥ 16ቱ ከልጅነት ጀምሮ የሚተዋወቁ ወላይታ ሊቃ ከተባለ ትምህርት ቤት አብረው የመጡ ወጣቶች ናቸው። አብሮ አደገቹ ከለጋ ዕድሜያቸው አንስቶ ሐኪም የመሆን ልዩ ፍላጎት የነበራቸው ሲሆን፣ ሕልማቸውን እውን ለማድረግም አብሮ በማጥናት እና በመደጋገፍ ሲተጉ መቆየታቸውን ይገልጻሉ። የዚህ ትልማቸው መነሻ የጀመረውም ወላይታ ሊቃ በወላይታ ልማት ማኅበር (ወልማ) በተቋቋመው ትምህርት ቤት ነው። ከ16ቱ ጓደኛማቾች መሃል አብዛኛዎቹ ከአንደኛ ክፍል ጀምሮ አብረው የተጓዙ እና ጠቂቶቹ ደግሞ ከአምስተኛ ክፍል ተቀላቅለዋቸው እስከ 12ኛ ክፍል ድረስ በትምህረፍት ቤቱ ቆይታ አድርገዋል። የወላይታ ሊቃ ትምህርት ቤት መምህራን ዛሬ ለደረስንበት ደረጃ የማይተካ ሚና ነበራቸው የሚሉት ሐኪሞቹ፣ ግንኙነታቸው የተማሪ እና የአስተማሪ ዓይነት ሳይሆን የወላጅ እና የልጅ እንደነበረ ያስታውሳሉ። ወላይታ ሊቃ ትምህርት ቤት አቅም በፈቀደ በእውቀት የዳበረ እና ራዕይ ያለው የተማረ የሰው ኃይል ለማፍራት ከሚያደርገው ጥረት ባሻገር፣ ተማሪዎችን በመልካም ስብዕና ለማነፅ የነበረው ቁርጠኝነት ለዛሬ የተሟላ ስብዕናቸው መሠረት እንደነበርም አውስተዋል። አብሮ አደገቹ ሐኪሞች ዩኒቨርስቲ ከገቡም በኋላ ግንኙነታቸው ይበልጥ ተጠናክሮ ያለፉትን 7 ዓመታት በአዲስ አበባ ዩኒቨርስቲ የጥቁር አንበሳ ስፔሻላይዝድ ሆስፒታል በብርቱ ወንድማማችነት ያሳለፉ ሲሆን፣ በግቢ ቆይታቸውም የሕክምና ትምህርት የሚጠይቀውን ትዕግሥት እና ትጋት ማዳበራቸውን ተናግረዋል። ለፈጣንና አዳዲስ መረጃዎች የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply