46 አሽከርካሪዎች እና 10 ረዳቶች በጸጥታ አስከባሪዎች ተይዘዉ ይገኛሉ፡፡አሽከርካሪዎችና ረዳቶች በጸጥታ አስከባሪዎች የተያዙት በዛሬው እለት የስራ ማቆም አድማ በማድረግ ያልተገባ መልእክት…

46 አሽከርካሪዎች እና 10 ረዳቶች በጸጥታ አስከባሪዎች ተይዘዉ ይገኛሉ፡፡

አሽከርካሪዎችና ረዳቶች በጸጥታ አስከባሪዎች የተያዙት በዛሬው እለት የስራ ማቆም አድማ በማድረግ ያልተገባ መልእክት አስተላልፈዋል በሚል ነዉ፡፡

በአዲስ አበባ በዛሬው እለት የትራንስፖርት እጥረት በከፍተኛ ሁኔታ ማጋጠሙም ከዚሁ ከስራ ማቆም ጋር የተገናኝ እንደሆነ ተነግሯል፡፡

አሽከርካሪዎቹ ያለፍቃድ በከተማዋ ያልተገባ መልእክት እና እንቅስቃሴ ሲያደርጉ እንደነበርም ተገልጿል፡፡

የስራ ማቆም አድማ ካደረጉ አሽከርካሪዎች መካከል 56 ያህሉ ለጊዜው ተይዘው ጉዳያቸው እየታየ እንደሚገኝም የአዲስ አበባ ፖሊስ ኮሚሽን የኮሚኒኬሽን ሀላፊ ኮማንደር ፋሲካው ፋንታ ለኢትዮ ኤፍ ኤም ተናግረዋል፡፡

ኮማንደሩ አክለዉም አሽከርካሪዎች እና ረዳቶች እስር ላይ አይገኙም ጉዳቸው ተጣርቶ እስከ ማታ ድረስ ይለቀቃሉ ብለዋል፡፡

በከተማዋ የተፈጠረውን የትራንስፖርት እጥረት ለመቅረፍ ከትራንስፖርት ባለስልጣን ጋር ውይይት እየተደረገ እንደሚገኝም ኮማንደር ፋሲካው ነግረዉናል፡፡

በሄኖክ ወ/ገብርኤል
መጋቢት 06 ቀን 2013 ዓ.ም

Source: Link to the Post

Leave a Reply